ਗੜ੍ਹਦੀਵਾਲਾ (ਚੌਧਰੀ)

5 ਅਕਤੂਬਰ : ਮਿਸ਼ਨ ਤੰਦਰੁਸਤ ਪੰਜਾਬ ਨੂੰ ਸਫਲ ਬਣਾਉਣ ਲਈ ਮਰਨ ਤੋਂ ਉਪਰੰਤ ਅੱਖਾਂ ਤੇ ਅੰਗਦਾਨ ਕਰਨ ਸਬੰਧੀ ਕਾਲਜਾਂ, ਸਕੂਲਾਂ ਤੇ ਸਮਾਜ ਸੇਵੀ ਸੰਸਥਾਵਾਂ ਵਿਚ ਪਿੰਡਾਂ ਦੇ ਸਰਪੰਚਾਂ ਅਤੇ ਲੋਕਾਂ ਦੇ ਸਹਿਯੋਗ ਨਾਲ ਜਾਗਰੂਕਤਾ ਕੈਂਪ ਲਗਾਏ ਜਾਣਗੇ। ਇਹ ਵਿਚਾਰ ਪੰਜਾਬ ਪੁਲਿਸ ਦੀ ਐਸ ਪੀ ਮਨਜੀਤ ਕੌਰ ਅਤੇ ਆਈ ਡੋਨਰ ਇੰਚਾਰਜ ਟਾਂਡਾ ਭਾਈ ਬਰਿੰਦਰ ਸਿੰਘ ਮਸੀਤੀ, ਡੀ ਐਸ ਪੀ / ਐਸ ਐਚ ਓ ਸਹਿਬਾਨ ਨੇ ਇੱਕ ਸਮਾਗਮ ਦੌਰਾਨ ਪ੍ਰਗਟ ਕੀਤੇ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਜਦੋਂ ਕੋਈ ਇਨਸਾਨ ਮਰ ਜਾਂਦਾ ਹੈ ਤਾਂ ਉਸ ਦੇ ਸ਼ਰੀਰ ਨੂੰ ਅੱਗ ਲੱਗਾ ਕੇ ਮਿੱਟੀ ਕਰ ਦਿੱਤਾ ਜਾਂਦਾ ਹੈ। ਜੇਕਰ ਮਰਨ ਉਪਰੰਤ ਸਮੇਂ ਸਿਰ ਲੋੜਵੰਦਾਂ ਲਈ ਅੱਖਾਂ ਅਤੇ ਅੰਗਦਾਨ  ਕੀਤੇ ਜਾਣ ਤਾਂ ਉਨ੍ਹਾਂ ਨੂੰ ਇੱਕ ਨਵੀਂ ਜੀਵਨ ਮਿਲ ਸਕਦਾ ਹੈ। ਇਸ ਮੌਕੇ ਆਈ ਡੋਨਰ ਇੰਨਚਾਰਜ ਟਾਂਡਾ ਭਾਈ ਬਰਿੰਦਰ ਸਿੰਘ ਮਸੀਤੀ ਨੇ ਦੱਸਿਆ ਕਿ ਸਾਡੀ ਪੰਜਾਬ ਸਰਕਾਰ ਦੇ ਸਰਕਾਰੀ ਮੈਡੀਕਲ ਕਾਲਜਾਂ ਵਿੱਚ ਦੇਸ਼ ਦੇ ਕਿਸੇ ਨੇਤਰਹੀਣ ਵਿਅਕਤੀ ਨੂੰ ਅੱਖ ਦੀ ਜਰੂਰਤ ਹੋਵੇ ਤਾਂ ਨੇਤਰਦਾਨ ਐਸੋਸੀਏਸ਼ਨ ਪੰਜਾਬ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ। ਆਓ ਅਸੀਂ ਸਾਰੇ ਇੱਕਠੇ ਹੋ ਕੇ ਇਸ ਭਲਾਈ ਦੇ ਕੰਮ ਨੂੰ  ਸਿਖਰਾਂ ਤੇ ਲੈ ਕੇ ਜਾਈਏ ਤਾਂਕਿ ਲੋੜਵੰਦ ਵਿਅਕਤੀ ਆਪਣੀ ਨਵੀਂ ਜਿੰਦਗੀ ਬਤੀਤ ਕਰ ਸਕੇ।