ਗੜ੍ਹਦੀਵਾਲਾ (ਪ੍ਰਦੀਪ ਕੁਮਾਰ)
5 ਅਕਤੂਬਰ : ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਗੜਦੀਵਾਲਾ ਮੋੜ ਤੋਂ ਪਿੰਡ ਬਲਾਲਾ ਨੂੰ ਜਾਂਦੀ ਲਿੰਕ ਸੜਕ ਤੇ ਪੱਥਰ ਪਾਏ ਹੋਣ ਕਰਕੇ ਦੁਕਾਨਦਾਰ ਅਤੇ ਆਉਣ ਜਾਣ ਵਾਲੇ ਲੋਕ ਬਹੁਤ ਪਰੇਸ਼ਾਨ ਹਨ ।ਇਸ ਮੌਕੇ ਸਾਬਕਾ ਸਰਪੰਚ ਸੁਰਜੀਤ ਸਿੰਘ ਬਲਾਲਾ, ਜਗਤਾਰ ਸਿੰਘ ਮੁਖਤਿਆਰ ਸਿੰਘ ,ਸੰਮਤੀ ਮੈਂਬਰ ਅੰਕੁਸ਼ ਠਾਕੁਰ, ਸੁਰਜਨ ਸਿੰਘ, ਸੰਦੀਪ ਸਿੰਘ, ਹਰਪ੍ਰੀਤ ਸਿੰਘ, ਗੁਰਨਾਮ ਸਿੰਘ, ਰੂਪ ਲਾਲ ਨੇ ਸਮੂਹਿਕ ਤੌਰ ਤੇ ਕਿਹਾ ਕਾਫੀ ਦਿਨਾਂ ਤੋਂ ਪਾਏ ਹੋਏ ਪੱਥਰ ਲੋਕਾਂ ਲਈ ਹਾਦਸੇ ਦਾ ਕਾਰਨ ਬਣੇ ਹੋਏ ਹਨ। ਉਨ੍ਹਾਂ ਮੰਗ ਕਰਦਿਆਂ ਕਿਹਾ ਕਿ ਸਰਕਾਰ ਇਸ ਵੱਲ ਧਿਆਨ ਦੇਵੇ ਤੇ ਇਸ ਸੜਕ ਨੂੰ ਜਲਦੀ ਜਲਦੀ ਬਣਾਇਆ ਜਾਵੇ ਤਾਂ ਜੋ ਦੁਕਾਨਦਾਰਾਂ ਅਤੇ ਪਿੰਡ ਵਾਸੀ ਆਪਣੀ ਚੰਗੀ ਜਿੰਦਗੀ ਬਸਰ ਕਰ ਸਕਣ।
ਟੈਡਰਿੰਗ ਕਰਕੇ ਬਣਾਈ ਜਾਵੇਗੀ ਸੜਕ : ਜੇਈ ਪੀ ਡਬਲਯੂ ਡੀ
ਇਸ ਸੜਕ ਸਬੰਧੀ ਜਦੋਂ ਪੀ ਡਬਲਯੂ ਡੀ ਬੀ ਐਂਡ ਆਰ ਮਹਿਕਮੇ ਦੇ ਜੇਈ ਯਾਦਵਿੰਦਰ ਸਿੰਘ ਸੋਢੀ ਨਾਲ ਗੱਲ ਕੀਤੀ ਤਾਂ ਉਹਨਾਂ ਕਿਹਾ ਕਿ ਐਮਐਲਏ ਸਾਹਿਬ ਦੀਆਂ ਕੋਸ਼ਿਸ਼ਾਂ ਸਦਕਾ ਪੈਸੇ ਆ ਗਏ ਹਨ,ਤੇ ਜਲਦੀ ਹੀ ਟੈਂਡਰਿੰਗ ਕਰਕੇ ਕੰਮ ਸ਼ੁਰੂ ਕਰ ਦਿੱਤਾ ਜਾਵੇਗਾ, ਲੋਕਾਂ ਨੂੰ ਕਿਸੇ ਵੀ ਕਿਸਮ ਦੀ ਪਰੇਸ਼ਾਨੀ ਨਹੀਂ ਆਉਣ ਦਿੱਤੀ ਜਾਵੇਗੀ।
Post Views: 627
