ਦਸੂਹਾ 17 ਮਈ (ਬਿਊਰੋ) : ਦਸੂਹਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਹਰਦੀਪ ਸਿੰਘ ਪੁੱਤਰ ਪਿਆਰਾ ਸਿੰਘ ਵਾਸੀ ਨੇਕਨਾਮਾ ਥਾਣਾ ਦਸੂਹਾ ਜਿਲਾ ਹੁਸ਼ਿਆਰਪੁਰ ( 46 ਸਾਲ ) ਨੇ ਕਿਹਾ ਕਿ ਉਸ ਦਾ ਭਰਾ ਕੁਲਵੀਰ ਸਿੰਘ ਪੁੱਤਰ ਪਿਆਰਾ ਸਿੰਘ ਵਾਸੀ ਨੇਕਨਾਮਾ ਆਪਣੀ ਗੱਡੀ ਸ਼ੈਵਰਲਟ ਇੰਜੁਆਏ ਨੰਬਰ PB-08 CL-9040 ਰੰਗ ਸਿਲਵਰ ਵਿੱਚ ਸਵਾਰ ਹੋ ਕੇ ਮਿਤੀ 16-05-2022 ਨੂੰ ਦਸੂਹਾ ਨਿਜੀ ਕੰਮ ਆਇਆ ਸੀ ਤਾਂ ਵਕਤ ਕਰੀਬ 8. 00 PM ਵਾਪਸ ਜਾਂਦੇ ਪਿੰਡ ਤਿਹਾੜੇ ਠੇਕੇ ਪਰ ਸ਼ਰਾਬ ਲੈਣ ਲਈ ਗੱਡੀ ਰੋਕੀ ਜੋ ਅਹਾਤੇ ਤੇ ਕੰਮ ਕਰਦਾ ਕੁਲਵਿੰਦਰ ਸਿੰਘ ਉਰਫ ਕਿੰਦੂ ਪੁੱਤਰ ਸ਼ੋਕੀਨ ਸਿੰਘ ਵਾਸੀ ਤਿਹਾੜਾ ਥਾਣਾ ਦਸੂਹਾ ਜਿਲ੍ਹਾ ਹੁਸ਼ਿਆਰਪੁਰ ਸਮੇਤ 5-6 ਨਾ-ਮਾਲੂਮ ਵਿਅਕਤੀਆਂ ਨੇ ਉਸ ਦੀ ਗੱਡੀ ਪਰ ਹਮਲਾ ਕਰ ਦਿੱਤਾ ਤੇ ਗੱਡੀ ਦੇ ਸੀਸ ਤੋੜ ਦਿੱਤਾ ਤੇ ਗੱਡੀ ਦਾ ਕਾਫ਼ੀ ਨੁਕਸਾਨ ਕੀਤਾ ਜੋ ਕੁਲਵਿੰਦਰ ਸਿੰਘ ਨੇ ਉਸ ਦੇ ਭਰਾ ਨੂੰ ਗੱਡੀ ਵਿੱਚ ਬਾਹਰ ਕੱਢ ਕੇ ਸਿਰ ਵਿੱਚ ਦਾਤਰ ਦਾ ਵਾਰ ਕੀਤੇ ਤੇ 5-6 ਨਾ ਮਾਲੂਮ ਵਿਅਕਤੀਆਂ ਨੇ ਵੀ ਦਾਤਰ ਦੇ ਵਾਰ ਕੀਤਾ ਤਾਂ ਮੋਕਾ ਤੋ ਆਪਣੇ ਆਪਣੇ ਹਥਿਆਰਾ ਸਮੇਤ ਭੱਜ ਗਏ ਤਾਂ ਉਸ ਨੇ ਆਪਣੇ ਭਰਾ ਨੂੰ ਉਸੇ ਗੱਡੀ ਵਿੱਚ ਪਾ ਕੇ ਸਿਵਲ ਹਸਪਤਾਲ ਦਸੂਹਾ ਦਾਖਲ ਕਰਵਾਇਆ ਜਿੱਥੇ ਡਾਕਟਰ ਸਾਹਿਬ ਨੇ ਮ੍ਰਿਤਕ ਘੋਸ਼ਿਤ ਕਰਾਰ ਦਿੱਤਾ ਵਜਾ ਰੰਜਸ਼ ਇਹ ਹੈ ਕਿ ਕੁਲਵਿੰਦਰ ਸਿੰਘ ਉਰਫ  ਕਿੰਦੂ ਦੀ ਪਤਨੀ ਗੁਰਜੀਤ ਕੌਰ ਉਸ ਦੇ ਭਰਾ ਦੇ ਘਰ ਕੰਮ ਕਾਰ ਤੇ ਬੱਚੇ ਦੀ ਸਾਂਭ ਸੰਭਾਲ ਕਰਦੀ ਸੀ ਜੋ ਕੁਲਵਿੰਦਰ ਸਿੰਘ ਉਰਫ ਕਿੰਦੂ ਆਪਣੀ ਪਤਨੀ ਉਸ ਦੇ ਭਰਾ ਪਰ ਸ਼ੱਕ ਕਰਦਾ ਸੀ ਇਸ ਰੰਜਸ ਕਰਕੇ ਉਸਨੇ ਆਪਣੇ ਸਾਥੀਆਂ ਨਾਲ ਰੱਲ ਕੇ ਉਸ ਦੇ ਭਰਾ ਦਾ ਕਤਲ ਕਰ ਦਿੱਤਾ ।ਪੁਲਿਸ ਨੇ ਮ੍ਰਿਤਕ ਨੌਜਵਾਨ ਦੇ ਭਰਾ ਹਰਦੀਪ ਸਿੰਘ ਦੇ ਬਿਆਨਾਂ ਦੇ ਆਧਾਰ ਤੇ ਕੁਲਵਿੰਦਰ ਸਿੰਘ ਉਰਫ ਕਿੰਦੂ ਪੁੱਤਰ ਸ਼ੋਕੀਨ ਸਿੰਘ ਵਾਸੀ ਤਿਹਾੜਾ ਥਾਣਾ ਦਸੂਹਾ ਜਿਲ੍ਹਾ ਹੁਸ਼ਿਆਰਪੁਰ ਸਮੇਤ 5-6 ਨਾ-ਮਾਲੂਮ ਵਿਅਕਤੀਆਂ ਦੇ ਖਿਲਾਫ ਧਾਰਾ 302,427, 148,149 ਭ/ਦ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਫੋਟੋ : ਮ੍ਰਿਤਕ ਦੀ ਫਾਈਲ ਫੋਟੋ