26 ਜੁਲਾਈ : ਅੱਜ ਹਲਕਾ ਗੜ੍ਹਦੀਵਾਲਾ ਦੇ ਪਿੰਡ ਪੰਡੋਰੀ ਅਟਵਾਲ ਵਿਖੇ ਇੱਕ ਅਵਾਰਾ ਸਾਨ ਨੇ ਬਜੁਰਗ ਨੂੰ ਪਟਕ ਪਟਕ ਮਾਰਨ ਨਾਲ ਬੁਜਰਗ ਦੀ ਮੌ+ਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮ੍ਰਿਤਕ ਬਜੁਰਗ ਦੀ ਪਛਾਣ ਸਰਵਣ ਸਿੰਘ ਪੁੱਤਰ ਸ਼ਿੰਗਾਰਾ ਰਾਮ, 66 ਸਾਲ ਬਾਜੀਗਰ  ਵਸਤੀ ਪੰਡੋਰੀ ਅਟਵਾਲ ਵਜੋਂ ਹੋਈ ਹੈ ।ਇਸ ਘਟਨਾ ਨਾਲ ਲੋਕਾਂ ਵਿੱਚ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ।

(ਵਿਰਲਾਪ ਕਰਦੇ ਪਰਿਵਾਰ)

ਮਿਲੀ ਜਾਣਕਾਰੀ ਅਨੁਸਾਰ ਦੁਪਿਹਰੋਂ ਬਾਅਦ ਸਾਢੇ ਕੁ ਤਿੰਨ ਵਜੇ ਦੇ ਕਰੀਬੀ ਸਰਵਣ ਸਿੰਘ ਪੁੱਤਰ ਸ਼ਿੰਗਾਰਾ ਰਾਮ, 66 ਸਾਲ ਬਾਜੀਗਰ ਵਸਤੀ ਪੰਡੋਰੀ ਅਟਵਾਲ ਵਿਖੇ ਆਪਣੇ ਡੰਗਰਾਂ ਦੀ ਰੱਖਿਆ ਲਈ ਅਵਾਰਾ ਸਾਨ ਨੂੰ ਡਾਂਗ ਲੈ ਕੇ ਹਟਾਉਣ ਗਿਆ ,ਪਰ ਉਸ ਅਵਾਰਾ ਸਾਨ ਨੇ ਬਜੁਰਗ ਨੂੰ ਬੁਰੀ ਤਰਾਂ ਜਖਮੀ ਕਰ ਦਿੱਤਾ ਤੇ ਪਟਕ ਕੇ ਸੜਕ ਤੇ ਸੁੱਟ ਦਿੱਤਾ।ਪਰਿਵਾਰ ਵਲੋਂ ਜਖਮੀ ਸਰਵਣ ਸਿੰਘ ਨੂੰ ਤੁਰੰਤ ਭੂੰਗਾ ਹਸਪਤਾਲ  ਲੈ ਜਾਇਆ ਗਿਆ। ਡਾਕਟਰ ਵਲੋਂ ਉਸ ਦੀ ਹਾਲਤ ਗੰਭੀਰ ਦੇਖਦੇ ਹੋਏ ਉਸਨੂੰ ਅੱਗੇ ਰੈਫਰ ਕਰ ਦਿੱਤਾ। ਪਰਿਵਾਰ ਉਸ ਨੂੰ ਕੇ ਡੀ ਐਮ ਹਸਪਤਾਲ ਹੁਸ਼ਿਆਰਪੁਰ ਲੈ ਜਾਇਆ ਗਿਆ। ਜਿਥੇ ਉਹ ਜ਼ਖਮਾਂ ਦੀ ਪੀੜ ਨਾ ਝੱਲਦੇ ਜ਼ਿੰਦਗੀ ਨੂੰ ਅਲਵਿਦਾ ਕਹਿ ਗਿਆ । ਸਿਰ ਦੀ ਸੱਟ ਨਾਲ ਜਖਮੀ ਹੋਇਆ ਸਰਵਣ ਸਿੰਘ ਦੇ ਕੰਨਾਂ ਵਿੱਚ ਉਹ ਖੂਨ ਵੱਗ ਰਿਹਾ ਸੀ। ਇਹ ਅਵਾਰਾ ਸਾਨ ਹੁਣ ਵੀ ਪਿੰਡ ਵਿੱਚ ਘੁੰਮ ਰਿਹਾ ਹੈ ਲੋਕਾਂ ਵਿੱਚ ਇਸ ਨਾਲ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਇਸ ਅਚਾਨਕ ਮੌਤ ਨਾਲ ਪਰਿਵਾਰ ਦਾ ਵਿਰਲਾਪ ਦੇਖਿਆ ਨਹੀਂ ਜਾ ਰਿਹਾ ਸੀ।