ਗੜ੍ਹਦੀਵਾਲਾ (ਚੌਧਰੀ)
25 ਜੁਲਾਈ -ਪਿਛਲੇ ਕੁਝ ਦਿਨਾਂ ਤੋਂ ਪੈ ਰਹੇ ਭਾਰੀ ਮੀਂਹ ਕਾਰਨ ਪਿੰਡ ਪੱਖੋਵਾਲ ਨਜਦੀਕ ਪੈਂਦੀਆਂ ਝੁੱਗੀਆਂ ਝੌਂਪੜੀਆਂ ਵਿੱਚ ਪਾਣੀ ਭਰ ਗਿਆ। ਜਿਸ ਕਾਰਨ ਇਸ ਇਨ੍ਹਾਂ ਝੁੱਗੀਆਂ ਵਿੱਚ ਰਹਿ ਰਹੇ ਪ੍ਰਵਾਸੀ ਮਜ਼ਦੂਰਾਂ ਨੂੰ ਖਾਣੇ ਤੋਂ ਮੋਹਤਾਜ ਹੋਣਾ ਪੈ ਰਿਹਾ ਸੀ। ਇਹਨਾਂ ਪ੍ਰਵਾਸੀ ਮਜ਼ਦੂਰਾਂ ਦੀ ਬਾਂਹ ਫੜਦੇ ਹੋਏ ਸਾਬਕਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਅਤੇ ਸਰਪੰਚ ਜਸਵੰਤ ਸਿੰਘ ਪਖੋਵਾਲ ਅਤੇ ਸਰਪੰਚ ਮੰਗਲ ਸਿੰਘ ਵੱਲੋਂ ਸੁੱਕੀ ਰਸਦ ਭੇਂਟ ਕੀਤੀ ਗਈ। ਇਸ ਮੌਕੇ ਸਾਬਕਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਅਤੇ ਸਰਪੰਚ ਜਸਵੰਤ ਸਿੰਘ ਪਖੋਵਾਲ ਅਤੇ ਸਰਪੰਚ ਮੰਗਲ ਸਿੰਘ ਨੇ ਦੱਸਿਆ ਕਿ ਕੁਝ ਦਿਨਾਂ ਤੋਂ ਪੈ ਰਹੇ ਭਾਰੀ ਮੀਂਹ ਕਾਰਨ ਇਨ੍ਹਾਂ ਮਜ਼ਦੂਰਾਂ ਦੀਆਂ ਝੁੱਗੀਆਂ ਪੂਰੀ ਤਰ੍ਹਾਂ ਪਾਣੀ ਨਾਲ ਡੁੱਬ ਗਈਆਂ ਤੇ ਇਹ ਮਜ਼ਦੂਰ ਖਾਣੇ ਤੋਂ ਮੁਹਤਾਜ ਹੋ ਗਏ। ਜਿਸ ਦੇ ਚਲਦੇ ਅੱਜ ਇਨ੍ਹਾਂ ਮਜਦੂਰਾਂ ਨੂੰ ਸੁੱਕੀ ਰਸਦ ਭੇਂਟ ਕੀਤੀ ਗਈ। ਉਹਨਾਂ ਕਿਹਾ ਕਿ ਇਸ ਦੁੱਖ ਦੀ ਘੜੀ ਵਿੱਚ ਸਾਨੂੰ ਸਾਰੇ ਲੋੜਵੰਦ ਲੋਕਾਂ ਦੀ ਮਦਦ ਕਰਨੀ ਚਾਹੀਦੀ ਹੈ। ਇਸ ਮੌਕੇ ਸਾਬਕਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਅਤੇ ਸਰਪੰਚ ਜਸਵੰਤ ਸਿੰਘ ਪਖੋਵਾਲ ,ਸਰਪੰਚ ਮੰਗਲ ਸਿੰਘ, ਪੰਚ ਰਾਜਵੀਰ, ਰਾਜਿੰਦਰ ਕੁਮਾਰ ਹਾਜ਼ਰ ਸਨ।
ਫੋਟੋ ਕੈਪਸਨ : ਹੜ੍ਹ ਪੀੜਤ ਝੁੱਗੀ ਝੌਂਪੜੀਆਂ ‘ਚ ਰਹਿੰਦੇ ਪ੍ਰਵਾਸੀ ਮਜ਼ਦੂਰਾਂ ਨੂੰ ਸੁੱਕੀ ਰਸਦ ਭੇਟ ਕਰਦੇ ਹਨ ਸਰਪੰਚ ਜਸਵੰਤ ਸਿੰਘ ਪੱਖੋਵਾਲ ਤੇ ਹੋਰ।
Post Views: 334
