ਟਾਂਡਾ / ਦਸੂਹਾ (ਚੌਧਰੀ) 

21 ਮਾਰਚ : 1005 ਗ੍ਰਾਮ ਨਸ਼ੀਲੇ ਪਾਊਡਰ ਸਮੇਤ ਚਾਰ ਔਰਤਾਂ ਨੂੰ ਟਾਂਡਾ ਪੁਲਸ ਨੇ ਗ੍ਰਿਫਤਾਰ ਕੀਤਾ ਹੈ।

ਪੁਲਿਸ FIR ਮੁਤਾਬਕ ਏ.ਐਸ.ਆਈ ਦਿਲਦਾਰ ਸਿੰਘ ਸਮੇਤ ਸਾਥੀ ਕਰਮਚਾਰੀਆ ਬਾ ਸਵਾਰੀ ਪ੍ਰਾਈਵੇਟ ਵਹੀਕਲ ਤੇ ਗਸਤ ਬਾ ਚੈਕਿੰਗ ਸ਼ੱਕੀ ਪੁਰਸ਼ਾ ਦੇ ਸਬੰਧ ਵਿਚ ਮੁਹੱਲਾ ਦਸਮੇਸ਼ ਨਗਰ,ਝਾਂਸ,ਚੰਡੀਗੜ ਕਲੋਨੀ ਆਦਿ ਨੂੰ ਜਾ ਰਹੇ ਸੀ ।ਜਦੋਂ ਪੁਲਿਸ ਪਾਰਟੀ ਗਸ਼ਤ ਕਰਦੀ ਨਜਦੀਕ ਲੱਕੜ ਦਾ ਆਰਾ ਚੰਡੀਗੜ ਕਲੋਨੀ ਕੋਲ ਪੁੱਜੀ ਤਾਂ ਸੜਕ ਦੇ ਸਜੇ ਪਾਸੇ ਡੂੰਗੀ ਜਗਾਹ ਖਾਲੀ ਪਲਾਟ ਜਿਸ ਵਿਚ ਲੱਕੜ ਦੇ ਮੋਛੇ ਪਏ ਸਨ। ਉਹਨਾ ਮੋਛਿਆ ਦੀ ਆੜ ਵਿਚ ਦੋ ਔਰਤਾਂ ਬੈਠੀਆਂ ਦਿਖਾਈ ਦਿੱਤੀਆਂ।ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਆਪਣੀਆਂ ਛਾਲ ਦੀਆਂ ਮਾਰੀਆਂ ਹੋਈਆਂ ਬੁਕਲਾਂ ਵਿਚੋ ਦੋ ਮੋਮੀ ਲਿਫਾਫੇ ਵਜਨਦਾਰ ਕੱਢ ਕੇ ਖੇਤ ਵਿਚ ਸੁੱਟ ਕੇ ਤੇਜ ਕਦਮੀ ਖਿਸਕਣ ਲੱਗੀਆਂ। ਜਿਨਾਂ ਨੂੰ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕੀਤਾ ।ਜਿਨਾਂ ਨੇ ਆਪਣਾ ਨਾਂ ਬਿੰਬੋ ਪਤਨੀ ਦਰਸ਼ਨ ਲਾਲ ਵਾਸੀ ਚੋਟਾਲਾ ਅਤੇ ਦੂਸਰੀ ਨੇ ਸਰਬਜੀਤ ਕੋਰ ਉਰਫ ਰੋਡੀ ਪਤਨੀ ਸਰੂਪ ਲਾਲ ਵਾਸੀ ਚੰਡੀਗੜ ਕਲੋਨੀ ਟਾਂਡਾ ਦੱਸਿਆ ।ਜਿਨ੍ਹਾਂ ਕੋਲੋ ਪੁੱਛਣ ਤੇ, ਜੋ ਆਪ ਨੇ ਮੋਮੀ ਲਿਫਾਫੇ ਸੁਟੇ ਹਨ ਉਨਾਂ ਵਿਚ ਕੀ ਹੈ । ਜਿਹਨਾਂ ਨੇ ਦੱਸਿਆ ਕਿ ਉਹਨਾਂ ਪਾਸ ਨਸ਼ੀਲਾ ਪਾਊਡਰ ਹੈ ।ਪਹਿਲਾਂ ਦੋਸ਼ਣ ਬਿੰਬੋ ਉਕਤ ਵੱਲੋ ਸੁੱਟੇ ਲਿਫਾਫੇ ਨੂੰ ਚੈਕ ਕਰਨ ਤੇ 255 ਗਰਾਮ ਨਸ਼ੀਲਾ ਪਾਊਡਰ ਬ੍ਰਾਮਦ ਹੋਇਆ।ਫਿਰ ਦੋਸ਼ਣ ਸਰਬਜੀਤ ਕੋਰ ਉਰਫ ਰੋਡੀ ਉਕਤ ਵੱਲੋਂ ਸੁੱਟੇ ਲਿਫਾਫੇ ਨੂੰ ਚੈਕ ਕਰਨ 260 ਗਰਾਮ ਨਸ਼ੀਲਾ ਪਾਉਡਰ ਬ੍ਰਾਮਦ ਹੋਇਆ।।ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।

ਇਸੇ ਤਰਾਂ ਏ.ਐਸ.ਆਈ. ਦਿਲਦਾਰ ਸਿੰਘ ਸਮੇਤ ਸਾਥੀ ਕਰਮਚਾਰੀਆਂ ਗਸ਼ਤ ਬਾ ਚੈਕਿੰਗ ਸ਼ੱਕੀ ਪੁਰਸ਼ਾ ਦੇ ਸਬੰਧ ਵਿਚ ਚੰਡੀਗੜ ਕਲੋਨੀ ਟਾਂਡਾ ਫਾਟਕ ਮੌਜੂਦ ਸੀ ਤਾਂ ਦੋ ਔਰਤਾਂ ਰੇਲਵੇ ਦੀ ਪਟੜੀ ਦੇ ਨਾਲ ਨਾਲ ਪੈਦਲ ਆਉਦੀਆਂ ਦਿਖਾਈ ਦਿਤੀਆਂ ।ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਯਕਦਮ ਪਿਛੇ ਨੂੰ ਮੁੜਨ ਲਗੀਆਂ ਤੇ ਪੁਲਿਸ ਪਾਰਟੀ ਨੂੰ ਦੇਖਦੇ ਦੇਖਦੇ ਉਕਤਾਨ ਔਰਤਾਂ ਨੇ ਆਪਣੇ ਹਥਾਂ ਵਿਚ ਫੜੇ ਇਕ ਇਕ ਵਜਨਦਾਰ ਮੋਮੀ ਲਿਫਾਫੇ ਰੰਗ ਕਾਲਾ ਜਮੀਨ ਤੇ ਸੁੱਟ ਦਿਤੇ ਜਿਨ੍ਹਾਂ ਨੂੰ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕੀਤਾ ।ਜਿਨਾਂ ਨੇ ਆਪਣਾ ਨਾਂ ਮਾਣੀ ਪਤਨੀ ਰੋਹਿਤ ਕੁਮਾਰ ਵਾਸੀ ਗੰਨਾ ਥਾਣਾ ਫਿਲੋਰ ਜਿਲਾ ਜਲੰਧਰ ਹਾਲ ਵਾਸੀ ਚੰਡੀਗੜ ਕਲੋਨੀ ਟਾਂਡਾ ਅਤੇ ਦੂਸਰੀ ਨੇ ਭੋਲੀ ਪਤਨੀ ਅਨੂਪ ਵਾਸੀ ਚੰਡੀਗੜ ਕਲੋਨੀ ਟਾਂਡਾ ਦਸਿਆ ।ਜਿਨ੍ਹਾ ਵਲੋ ਪੁੱਛਣ ਤੇ ਕਿ ਜੋ ਆਪ ਨੇ ਮੋਮੀ ਲਿਫਾਫੇ ਸੁਟੇ ਹਨ ਉਨਾਂ ਵਿਚ ਕੀ ਹੈ । ਜਿਹਨਾਂ ਨੇ ਦੱਸਿਆ ਕਿ ਉਹਨਾਂ ਪਾਸ ਨਸ਼ੀਲਾ ਪਦਾਰਥ ਹੈ । ਪਹਿਲਾਂ ਦੋਸ਼ਣ ਮਾਣੀ ਉਕਤ ਵੱਲੋਂ ਸੁੱਟੇ ਲਿਫਾਫੇ ਨੂੰ ਚੈਕ ਕਰਨ ਤੇ 260 ਗਰਾਮ ਨਸ਼ੀਲਾ ਪਦਾਰਥ ਬ੍ਰਾਮਦ ਹੋਇਆ।ਫਿਰ ਦੋਸ਼ਣ ਭੋਲੀ ਉਕਤ ਵੱਲੋ ਸੁੱਟੇ ਲਿਫਾਫੇ ਨੂੰ ਚੈਕ ਕਰਨ 230 ਗਰਾਮ ਨਸ਼ੀਲਾ ਪਦਾਰਥ ਬ੍ਰਾਮਦ ਹੋਇਆ।ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।