ਹੁਸ਼ਿਆਰਪੁਰ 19 ਅਗਸਤ (PPT NEWS)

: ਹੁਸ਼ਿਆਰਪੁਰ ਦੇ ਪਿੰਡ ਚੌਹਾਲ ਤੋਂ ਤਿੰਨ ਕਿਲੋਮੀਟਰ ਦੂਰ ਸੰਘਣੇ ਜੰਗਲ ਵਿਚ ਸੰਦੀਪ ਤਿਵਾੜੀ (22)ਅਤੇ ਉਸਦੀ ਦੋਸਤ ਮਹਿਲਾ ਪੂਜਾ (25)ਨਿਵਾਸੀ ਉਤਰ ਪ੍ਰਦੇਸ਼, ਹਾਲ ਨਿਵਾਸੀ ਮੁਹੱਲਾ ਅਮਨ ਨਗਰ (ਜਲੰਧਰ) ਨੇ ਦਰਖ਼ਤ ਨਾਲ ਫਾਹਾ ਲੈ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਦੋਨੋ ਪਿਛਲੇ ਕੁਝ ਮਹੀਨਿਆਂ ਤੋਂ ਇਕੱਠੇ ਜਲੰਧਰ ਵਿਚ ਕਿਰਾਏ ਦੇ ਮਕਾਨ ਵਿਚ ਰਹਿ ਰਹੇ ਸਨ। ਮ੍ਰਿਤਕ ਸੰਦੀਪ ਦੇ ਭਰਾ ਮੁਨੀਸ਼,ਜੀਜਾ ਅਰੁਣ ਬਾਜਪਾਈ ਅਤੇ ਦੋਸਤ ਬ੍ਰਜੇਸ਼ ਨਵੀਨ ਨੇ ਦੱਸਿਆ ਕਿ ਇਹਨਾਂ ਦੋਨਾਂ ਦੀ ਦੋਸਤੀ ਇੰਸਟਾਗ੍ਰਾਮ ਉਤੇ ਹੋਈ ਅਤੇ ਪਿਆਰ ਵਿਚ ਬਦਲ ਗਈ। ਦੋਨੋਂ ਜਲੰਧਰ ਇਕ ਫੈਕਟਰੀ ਵਿਚ ਕੰਮ ਕਰਦੇ ਸਨ। ਪੂਜਾ ਦੇ ਪਹਿਲੇ ਪਤੀ ਤੋਂ ਇਕ ਬੇਟਾ ਵੀ ਹੈ।ਲੇਕਿਨ ਉਸਨੇ ਸੰਦੀਪ ਨੂੰ ਆਪਣੇ ਅਜੇਹੇ ਜਾਲ ਵਿਚ ਫਸਾਇਆ ਕਿ ਉਹ ਅੱਜ ਆਪਣੀ ਜਾਨ ਗਵਾ ਬੈਠਾ। ਪਰਿਵਾਰ ਉਸਨੂੰ ਇਕਠੇ ਰਹਿਣ ਅਤੇ ਪੂਜਾ ਦੇ ਲੱਛਣਾਂ ਨੂੰ ਦੇਖਕੇ ਖੁਸ਼ ਨਹੀਂ ਸੀ। ਭਰਜਾਈ ਰਿੰਕੂ ਤਿਵਾੜੀ ਨੇ ਦਸਿਆ ਕਿ ਸੰਦੀਪ ਪੂਜਾ ਤੋਂ ਦੁੱਖੀ ਸੀ, ਉਹ ਹਦ ਤੋਂ ਵਧ ਪ੍ਰੇਸ਼ਾਨ ਕਰਦੀ ਸੀ ਅਤੇ ਇਸਨੂੰ ਇਕੱਲਾ ਨਹੀਂ ਰਹਿਣ ਦਿੰਦੀ ਸੀ। ਉਹਨਾਂ ਨੇ ਦੱਸਿਆ ਕਿ ਮਰਨ ਤੋਂ ਪਹਿਲਾਂ ਉਸਦਾ ਫੋਨ ਮੁਨੀਸ਼ ਨੂੰ ਆਇਆ ਸੀ, ਜਿਸ ਵਿਚ ਉਸਨੇ ਕਿਹਾ ਕਿ ਉਹ ਹੁਣ ਮਰ ਰਹੇ ਹਨ ਅਤੇ ਲਾਸ਼ਾਂ ਲੈ ਜਾਣਾ, ਇਸਦੀ ਰਿਕਾਰਡਿੰਗ ਵੀ ਉਹਨਾਂ ਦੇ ਕੋਲ਼ ਹੈ। ਘਟਨਾ ਦੀ ਜਾਂਚ ਵਿਚ ਪੁਲਿਸ ਜੁੱਟ ਗਈ ਹੈ ਅਤੇ ਪੋਸਟ ਮਾਰਟਮ ਤੋਂ ਬਾਅਦ ਸਾਰੀ ਸਥਿਤੀ ਸਾਹਮਣੇ ਆ ਜਾਵੇਗੀ।