ਗੜ੍ਹਦੀਵਾਲਾ (ਚੌਧਰੀ) 

9 ਮਾਰਚ : ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸ੍ਰੀ ਅੰਮ੍ਰਿਤਸਰ ਦੇ ਪ੍ਰਬੰਧ ਅਧੀਨ ਚੱਲ ਰਹੇ ਅਦਾਰੇ ਖ਼ਾਲਸਾ ਕਾਲਜ, ਗੜ੍ਹਦੀਵਾਲਾ ਵਿਖੇ ਅੱਜ ਮਿੱਤੀ 06 ਮਾਰਚ, 2023 ਨੂੰ ਪ੍ਰਧਾਨ ਐਡਵੋਕੇਟ ਸ. ਹਰਜਿੰਦਰ ਸਿੰਘ ਧਾਮੀ ਅਤੇ ਸਿੱਖਿਆ ਸਕੱਤਰ ਸ. ਸੁਖਮਿੰਦਰ ਸਿੰਘ ਦੀ ਰਹਿਨੁਮਾਈ ਅਤੇ ਪ੍ਰੇਰਨਾ ਸਦਕਾ ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਦੀ ਅਗਵਾਈ ਹੇਠ ਬੀ-ਕਾਮ ਅਤੇ ਐਮ-ਕਾਮ ਦੇ ਵਿਦਿਆਰਥੀਆਂ ਵਲੋਂ ਸੈਨਟਰੀ ਪਲਾਈਵੁੱਡ, ਭੀਖੋਵਾਲ, ਹੁਸ਼ਿਆਰਪੁਰ ਦਾ ਦੌਰਾ ਕੀਤਾ ਗਿਆ। ਇਸ ਦੋਰੇ ਦੌਰਾਨ ਪਲਾਂਟ ਦੇ ਕਰਮਚਾਰੀਆਂ ਸ੍ਰੀਮਾਨ ਬੀ.ਐੱਸ. ਸਬਨੂਵਾਲ (ਪਲਾਂਟ ਮੁੱਖੀ) , ਸੀ੍ਰਮਾਨ ਜਸਵਾਲ (ਐੱਚ.ਆਰ.ਪੀ.ਐਡਮਿੰਨ ਮੁੱਖੀ) ਮੈਡਮ ਅਮਨਦੀਪ ਕੌਰ (ਮੈਨੇਜ਼ਰ ਐੱਚ.ਆਰ) ਵਲੋਂ ਪਲਾਂਟ ਵਿੱਚ ਬਣਨ ਵਾਲੇ ਵਿਭਿੰਨ ਪਦਾਰਥਾਂ ਅਤੇ ਵਿਧੀਆਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਪ੍ਰਦਾਨ ਕੀਤੀ।ਇਸ ਮੌਕੇ ਵਿਭਾਗ ਦੇ ਮੁੱਖੀ ਪ੍ਰੋੋ. ਗਗਨਦੀਪ ਕੌਰ ਨੇ ਕਿਹਾ ਕਿ ਵਿਭਾਗ ਵਲੋਂ ਸਮੇਂ-ਸਮੇਂ ਉੱਤੇ ਅਜਿਹੇ ਉਪਰਾਲੇ ਕੀਤੇ ਜਾਦੇ ਹਨ, ਜੋ ਵਿਦਿਆਰਥੀਆਂ ਲਈ ਬਹੁਤ ਲਾਹੇਵੰਦ ਸਾਬਤ ਹੁੰਦੇ ਹਨ। ਇਸ ਸਮੇਂ ਦੌਰਾਨ ਵਿਦਿਆਰਥੀਆਂ ਨਾਲ ਪ੍ਰੋ. ਕੁਸ਼ਮਾ ਵੀ ਸ਼ਾਮਲ ਸਨ।