ਗੜ੍ਹਦੀਵਾਲਾ (ਚੌਧਰੀ) 

–ਬ੍ਰਾਂਚ ਲੈਵਲ ਦਾ ਮਹਿਲਾ ਸਮਾਗਮ ਆਯੋਜਿਤ

9 ਮਾਰਚ : ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਜੀ ਦੀ ਅਪਾਰ ਕ੍ਰਿਪਾ ਨਾਲ ਸੰਤ ਨਿਰੰਕਾਰੀ ਸਤਸੰਗ ਭਵਨ ਗੜ੍ਹਦੀਵਾਲਾ ਵਿਖੇ ਮੁਖੀ ਮਹਾਤਮਾ ਅਵਤਾਰ ਸਿੰਘ, ਭੈਣਾਂ ਦੀ ਇੰਚਾਰਜ ਭੈਣ ਨਰਿੰਦਰ ਕੌਰ ਗੜ੍ਹਦੀਵਾਲਾ ਤੇ ਭੈਣ ਸ਼ਸੀ ਬਾਲਾ ਦੀ ਅਗਵਾਈ ਵਿੱਚ ਬ੍ਰਾਂਚ ਪੱਧਰ ਦਾ ਭੈਣਾਂ ਦਾ ਸਮਾਗਮ ਆਯੋਜਿਤ ਕੀਤਾ ਗਿਆ। ਇਸ ਮੌਕੇ ਭੈਣ ਪਰਮਜੀਤ ਕੌਰ ਅਮਰੀਕਾ ਵਾਲਿਆਂ ਨੇ ਪ੍ਰਵਚਨ ਕਰਦਿਆਂ ਕਿਹਾ ਕਿ ਅਧਿਆਤਮ ਦੇ ਰੰਗ ਚ ਰੰਗਣ ਵਾਲੀ ਮਹਿਲਾ ਘਰ ਨੂੰ ਸਵਰਗ ਬਣਾ ਦਿੰਦੀ ਹੈ। ਮਹਿਲਾ ਅੱਜ ਹਰ ਕੰਮ ਵਿਚ ਅੱਗੇ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਇਹ ਮਾਨਵ ਜੀਵਨ ਪ੍ਰਮਾਤਮਾ ਦੀ ਪ੍ਰਾਪਤੀ ਲਈ ਮਿਲਿਆ ਹੈ। ਸਤਿਗੁਰੂ ਦੀ ਸ਼ਰਨ ਵਿਚ ਜਾ ਕੇ ਇਸ ਪ੍ਰਭੂ ਨੂੰ ਜਾਣਿਆ ਜਾ ਸਕਦਾ ਹੈ। ਉਨ੍ਹਾਂ ਮਹਿਲਾ ਦਿਵਸ ਦੀ ਮਹਿਲਾਵਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਅਧਿਕਾਰਾਂ ਦੇ ਨਾਲ ਨਾਲ ਆਪਣੇ ਫਰਜਾਂ ਦੀ ਪਹਿਚਾਣ ਵੀ ਬਹੁਤ ਜਰੂਰੀ ਹੁੰਦੀ ਹੈ। ਆਪਣੇ ਫਰਜਾਂ ਨੂੰ ਨਿਭਾਉਣਾ ਹੈ ਨਾਲ ਹੀ ਆਪਣੇ ਅਧਿਕਾਰਾਂ ਦੇ ਪ੍ਰਤੀ ਵੀ ਸੁਚੇਤ ਰਹਿ ਕੇ ਸਮਾਜ ਵਿਚ ਵਿਚਰਨਾ ਹੈ। ਅੰਤ ਵਿਚ ਮੁੱਖੀ ਮਹਾਤਮਾ ਅਵਤਾਰ ਸਿੰਘ ਜੀ ਨੇ ਸੰਗਤਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਜਦੋਂ ਬ੍ਰਹਮ ਦਾ ਗਿਆਨ ਕਿਸੇ ਵੀ ਮਹਿਲਾ ਨੂੰ ਹੋ ਜਾਂਦਾ ਹੈ ਤਾਂ ਉਸਨੂੰ ਸੰਤ ਮਹਾਂਪੁਰਸ਼ ਦੀ ਗਿਣਤੀ ਵਿੱਚ ਆ ਜਾਂਦੀ ਹੈ। ਬ੍ਰਹਮਗਿਆਨੀ ਭਗਤ ਨੂੰ ਰੱਬ ਦੇ ਦਰਸ਼ਨ ਕਰਨ ਨਾਲ ਮਹਾਪੁਰਸ਼ ਦੀ ਉਪਾਧੀ ਮਿ ਜਾਂਦੀ ਹੈ। ਇਸ ਦੌਰਾਨ ਭੈਣਾਂ ਨੇ ਕਵਾਲੀਆਂ ਕਵਿਤਾਵਾਂ ਤੇ ਸਪੀਚ ਪੇਸ਼ ਕਰਕੇ ਨਿਰੰਕਾਰ ਤੇ ਵਿਸ਼ਵਾਸ ਦ੍ਰਿੜ ਕਰਵਾਇਆ। ਇਸ ਸਮਾਗਮ ਵਿੱਚ ਜਿੱਥੇ ਗੜ੍ਹਦੀਵਾਲਾ ਦੇ ਆਲੇ ਦੁਆਲੇ ਦੇ ਪਿੰਡਾਂ ਦੀਆਂ ਭੈਣਾਂ ਸ਼ਾਮਲ ਹੋਈਆਂ ਨਾਲ ਹੀ ਸ਼ਾਮਚੁਰਾਸੀ ਤੇ ਮੱਕੋਵਾਲ ਬ੍ਰਾਂਚ ਦੀਆਂ ਭੈਣਾਂ ਵੀ ਸ਼ਾਮਲ ਹੋਈਆਂ।