ਗੜ੍ਹਦੀਵਾਲਾ (ਚੌਧਰੀ) 

8 ਫਰਵਰੀ : ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸ੍ਰੀ ਅੰਮ੍ਰਿਤਸਰ ਦੇ ਪ੍ਰਬੰਧ ਅਧੀਨ ਚੱਲ ਰਹੇ ਅਦਾਰੇ ਖ਼ਾਲਸਾ ਕਾਲਜ, ਗੜ੍ਹਦੀਵਾਲਾ ਦੁਆਰਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸ੍ਰੀ ਅੰਮ੍ਰਿਤਸਰ ਦੇ ਪ੍ਰਧਾਨ ਮਾਨਯੋਗ ਸ. ਹਰਜਿੰਦਰ ਸਿੰਘ ਧਾਮੀ ਅਤੇ ਸਕੱਤਰ (ਸਿੱਖਿਆ) ਸ. ਸੁਖਮਿੰਦਰ ਸਿੰਘ ਦੀ ਪ੍ਰੇਰਨਾ ਸਦਕਾ ਕੈਰੀਅਰ ਇੰਹਾਂਸਮੈਂਟ ਦੀ ਲੈਕਚਰ ਲੜ੍ਹੀ ਨੂੰ ਅੱਗੇ ਵਧਾਉਂਦੇ ਹੋਏ ਮਿਤੀ 07 ਫਰਵਰੀ, 2023 ਨੂੰ ਅੰਗਰੇਜ਼ੀ ਵਿਭਾਗ ਦੇ ਪ੍ਰੋ. ਮਲਿਕਾ ਨੇ ਚਿੱਠੀ ਪੱਤਰ-ਵਿਹਾਰ (ਲੇਖਣੀ) ਵਿਸ਼ੇ ਉੱਪਰ ਵਿਦਿਆਰਥੀਆਂ ਨੂੰ ਵਿਸੇਸ਼ ਭਾਸ਼ਣ ਦਿੱਤਾ। ਪਾਵਰ ਪੋਵਾਇੰਟ ਪ੍ਰੈਜੈਨਟੇਸ਼ਨ ਰਾਹੀਂ ਉਹਨਾਂ ਨੇ ਵਿਦਿਆਰਥੀਆਂ ਨੁੰ ਸਮਝਾਇਆ ਕਿ ਅੱਜ ਦੇ ਬਦਲਦੇ ਹੋਏ ਸਮੇਂ ਵਿੱਚ ਗੈਰ-ਰਸਮੀ ਚਿੱਠੀ ਲਿਖਣ ਦਾ ਰੁਝਾਨ ਭਾਵੇਂ ਘੱਟ ਗਿਆ ਹੈ, ਪਰ ਵਿਹਾਰਿਕ ਵਰਤੋਂ ਵਿੱਚ ਰਸਮੀ ਚਿੱਠੀ ਲਿਖਣ ਦਾ ਮਹੱਤਵ ਜਿਉਂ ਦਾ ਤਿਉਂ ਬਰਕਰਾਰ ਹੈ ਇਸ ਲਈ ਸਾਨੂੰ ਚਿੱਠੀ ਲਿਖਣ ਦੀ ਕਲਾ ਉੱਪਰ ਮੁਹਾਰਤ ਹਾਸਲ ਕਰਨਾ ਬਹੁਤ ਜ਼ਰੂਰੀ ਹੇ। ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਨੇ ਵਿਦਿਆਰਥੀਆਂ ਨੂੰ ਅੰਗਰੇਜ਼ੀ ਭਾਸ਼ਾ ਤੇ ਮੁਹਾਰਤ ਹਾਸਲ ਕਰਨ ਦੇ ਨੁਕਤੇ ਵੀ ਦੱਸੇ। ਇਸ ਮੌਕੇ ਪ੍ਰੋ. ਪੰਕਜ਼ ਸ਼ਰਮਾ, ਪ੍ਰੋ. ਕ੍ਰਿਤਿਕਾ ਅਤੇ ਵਿਦਿਆਰਥੀ ਹਾਜ਼ਰ ਸਨ।