ਫਗਵਾੜਾ ( ਲਾਲੀ ਦਾਦਰ )

27 ਜਨਵਰੀ : ਮੌਸਮ ਬਦਲਣ ਕਾਰਨ ਚਮੜੀ ´ਤੇ ਲਾਲ ਛੋਟੇ – ਛੋਟੇ ਦਾਣੇ , ਜਲਣ , ਚਮੜੀ ਦੇ ਰੰਗ ਵਿੱਚ ਬਦਲਾਅ ਅਤੇ ਸੋਜ ਵਰਗੀਆਂ ਸਮੱਸਿਆਵਾਂ ਹੋ ਜਾਂਦੀਆਂ ਹਨ , ਜੋ ਅਲਰਜੀ ਹੋਣ ਦੇ ਸੰਕੇਤ ਹਨ। ਇਸ ਗੱਲ ਦਾ ਪ੍ਰਗਟਾਵਾ ਸਿਵਲ ਹਸਪਤਾਲ ਫਗਵਾੜਾ ਵਿਖੇ ਨਵ ਨਿਯੁਕਤ ਚਮੜੀ ਰੋਗਾ ਦੇ ਮਾਹਿਰ ਡਾ. ਖੁਸ਼ਬੂ ਅਰੋੜਾ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਅਲਰਜੀ ਸਰੀਰ ਦੇ ਕਿਸੇ ਵੀ ਹਿੱਸੇ ਵਿੱਚ ਹੋ ਸਕਦੀ ਹੈ ਦਾਦ , ਖੁਜਲੀ ਤੇ ਚਮੜੀ ਦੇ ਰੋਗ ਹੋਣ ‘ ਤੇ ਕਈ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਹੁੰਦੀਆਂ ਹਨ , ਜਿਸ ਕਾਰਨ ਲੋਕ ਬਹੁਤ ਸਾਰੀਆਂ ਸਟੀਰਾਇਡਸ ਟਿਊਬਾ ਦੀ ਵਰਤੋਂ ਕਰਦੇ ਹਨ, ਜੋ ਚਮੜੀ ਲਈ ਘਾਤਕ ਹਨ।ੲਿੱਥੇ ਜਿਕਰਯੋਗ ਹੈ ਕਿ ਸਿਵਲ ਹਸਪਤਾਲ ਫਗਵਾੜਾ ਵਿਖੇ ਪਿਛਲੇ ਲੰਮੇ ਸਮੇਂ ਤੋਂ ਚਮੜੀ ਰੋਗ ਦੇ ਮਾਹਿਰ ਦੀ ਘਾਟ ਹੋਣ ਕਾਰਣ ਅਕਸਰ ਚਮੜੀ ਰੋਗਾ ਨਾਲ ਸੰਬੰਧਤ ਮਰੀਜਾਂ ਨੂੰ ਪ੍ਰਾਇਵੇਟ ਹਸਪਤਾਲਾਂ ´ਚ ਮਹਿੰਗਾ ੲਿਲਾਜ ਕਰਵਾਉਣ ਲਈ ਮਜਬੂਰ ਹੋਣਾ ਪੈਦਾ ਸੀ ਪਰ ਹੁਣ ਜੰਲਧਰ ਤੋਂ ਅਾਪਣੀਆਂ ਵੱਡਮੁੱਲੀਆਂ ਸੇਵਾਵਾਂ ਦੇਣ ਤੋਂ ਬਾਅਦ ਸਿਵਲ ਹਸਪਤਾਲ ਫਗਵਾੜਾ ਵਿਖੇ ਅਾਪਣੀਆ ਸੇਵਾਵਾਂ ਨੂੰ ਡਾ. ਖੁਸ਼ਬੂ ਅਰੋੜਾ ਵਲੋਂ ਸ਼ੂਰੂ ਕੀਤਾ ਗਿਆ ਹੈ। ੲਿਸ ਮੌਕੇ ਸੁਖਵਿੰਦਰ ਸਿੰਘ , ਡਾ. ਰਵੀ ਕੁਮਾਰ , ਡਾ. ਦੀਪਕ ਕੁਮਾਰ , ਰਾਜੇਸ਼ ਕੁਮਾਰ ਸ਼ਰਮਾ , ਸਿਧਾਂਤ ਸਭਰਵਾਲ ਆਦਿ ਮੌਜੂਦ ਸਨ।