ਬਟਾਲਾ  (ਅਵਿਨਾਸ਼ ਸ਼ਰਮਾ )

*ਪ੍ਰਸਾਸ਼ਨ ਵਲੋ ਪ੍ਰਸੰਸ਼ਾ ਪਤਰ ਜਾਰੀ ਕਰ ਸਨਮਾਨ ਦੇਣ ਲਈ ਧੰਨਵਾਦੀ ਹਾਂ – ਈਸ਼ੂ ਰਾਂਚਲ਼* 

27 ਜਨਵਰੀ : ਸਥਾਨਕ ਰਾਜੀਵ ਗਾਂਧੀ ਸਟੇਡੀਅਮ ਸਰਕਾਰੀ ਬਹੁਤਕਨੀਕੀ ਸੰਸਥਾ ਕਾਹਨੂੰਵਾਨ ਰੋਡ ਬਟਾਲਾ ਵਿਖੇ 74 ਵੈ ਗਣਤੰਤਰ ਦਿਵਸ ਮੌਕੇ ਕੌਮੀ ਝੰਡਾ ਲਹਿਰਾਉਣ ਦੀ ਰਸਮ ਅਦਾ ਕੀਤੀ ਗਈ ਜਿਸ ਤੋਂ ਬਾਅਦ ਬਟਾਲਾ ਦੇ ਨੌਜਵਾਨ ਆਗੂ ਈਸ਼ੂ ਰਾਂਚਲ਼ ਨੂੰ ਸਮਾਜ ਭਲਾਈ ਉਪਰਾਲਿਆਂ ਲਈ ਐੱਸ .ਡੀ .ਐਮ ਬਟਾਲਾ ਡਾਕਟਰ ਸ਼ਾਇਰੀ ਭੰਡਾਰੀ , ਐੱਸ. ਪੀ ਹੈਡ ਕਵਾਰਟਰ ਜਗਵਿੰਦਰ ਸੰਧੂ , ਨਾਇਬ ਤਹਿਸੀਲਦਾਰ ਬਟਾਲਾ ਸ ਲਖਵਿੰਦਰ ਸਿੰਘ ਪੁਰਬਾ ਅਤੇ ਉੱਘੇ ਵਪਾਰੀ ਬਿੰਨੀ ਭੰਡਾਰੀ ਵਲੋ ਵਿਸੇਸ਼ ਤੋਰ ਤੇ ਸਨਮਾਨਿਤ ਕੀਤਾ ਗਿਆ।ਜਿਕਰਯੋਗ ਹੈ ਕਿ ਇਸ ਨੌਜਵਾਨ ਆਗੂ ਵਲੋ ਮਾਤਾ ਸੁਲੱਖਣੀ ਦੇਵੀ ਸਿਵਲ ਹਸਪਤਾਲ ਬਟਾਲਾ ਨੂੰ ਆਪਣੀ ਸੰਸਥਾ ਦੇ ਸਹਿਯੋਗ ਨਾਲ

ਖੂਨ ਦਾਨ ਕੈਂਪ ਲਗਾਇਆ ਗਿਆ ਸੀ ਜਿਸ ਵਿਚ 53 ਯੂਨਿਟ ਖੂਨ ਇਕੱਤਰ ਹੋਇਆ ਉਸ ਤੋ ਬਾਅਦ 17 ਯੂਨਿਟ ਅਤੇ ਫੇਰ ਤੀਸਰੀ ਵਾਰ 18 ਯੂਨਿਟ ਖੂਨ ਨੌਜਵਾਨਾਂ ਨੂੰ ਜਾਗਰੂਕ ਕਰਕੇ ਮੂੜ੍ਹ ਸਿਵਲ ਹਸਪਤਾਲ ਦੇ ਬਲਡ ਬੈਂਕ ਨੂੰ ਦੇ ਕੇ ਸਹਿਯੋਗ ਕੀਤਾ। ਇਸ ਤੋਂ ਇਲਾਵਾ ਇਹਨਾ ਦੀ ਸੰਸਥਾ ਸੁਨਿਹਰਾ ਭਾਰਤ ਰਜਿ ਪੰਜਾਬ ਵਲੋ ਪੰਜਾਬ ਪ੍ਰਧਾਨ ਜੋਗਿੰਦਰ ਅੰਗੁਰਾਲਾ ਦੀ ਅਗਵਾਈ ਹੇਠ ਪਲਾਸਟਿਕ ਦੀ ਵਰਤੋਂ ਨੂੰ ਰੋਕਣ ਲਈ ਜਾਗਰੂਕ ਰੈਲੀ ਸਕੂਲੀ ਬੱਚਿਆਂ ਦੇ ਸਹਿਯੋਗ ਨਾਲ ਕੱਢੀ ਗਈ ਸੀ ਜਿਸ ਨਾਲ ਸ਼ਹਿਰਵਾਸੀਆਂ ਵਿਚ ਚੰਗਾ ਸੁਨੇਹਾ ਗਿਆ ਸੀ। ਇਸ ਤੋਂ ਇਲਾਵਾ ਹਰੀ ਮੰਦਿਰ ਅਰਬਨ ਅਸਟੇਟ ਵਿਖੇ ਫੋਰਟਿਸ ਹਸਪਤਾਲ ਤੋ ਦਿਲ ਦੇ ਰੋਗਾਂ ਦੇ ਮਾਹਿਰ ਡਾਕਟਰ ਅਰਜੁਨ ਵੇਦ ਗੁਪਤਾ ਨੂੰ ਬੁਲਾ ਕੇ ਇਕ ਵਿਸੇਸ਼ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਸੀ ਜਿਸ ਦਾ ਅਨੇਕਾਂ ਮਰੀਜਾਂ ਨੇ ਲਾਭ ਲਿਆ ਸੀ। ਇਸ ਮੌਕੇ ਤੇ ਨੌਜਵਾਨ ਆਗੂ ਈਸ਼ੂ ਰਾਂਚਲ ਨੇ ਕਿਹਾ ਕਿ ਪ੍ਰਸਾਸ਼ਨ ਵਲੋ ਪ੍ਰਸੰਸ਼ਾ ਪੱਤਰ ਜਾਰੀ ਕਰ ਵਿਸੇਸ਼ ਸਨਮਾਨ ਦੇਣ ਲਈ ਧੰਨਵਾਦੀ ਹਾਂ ਅਤੇ ਜਦ ਤਕ ਪਰਮਾਤਮਾ ਨੇ ਤਾਕਤ ਬਖਸ਼ੀ ਹੈ ਸਮਾਜ ਭਲਾਈ ਕੰਮ ਜਾਰੀ ਰਹਿਣਗੇ*