18 ਜਨਵਰੀ : ਸੀਨੀਅਰ ਸਿਟੀਜਨਜ਼ ਵੈਲਫੇਅਰ ਐਸੋਸੀਏਸ਼ਨ (ਰਜਿ.) ਦਸੂਹਾ ਦੀ ਮਹੀਨਾਵਾਰ ਸਾਲ 2023 ਦੀ ਪਹਿਲੀ ਮੀਟਿੰਗ ਕੇ. ਐਮ. ਐਸ. ਕਾਲਜ ਵਿੱਚ ਐਸੋਸੀਏਸ਼ਨ ਦੇ ਦਫ਼ਤਰ ਵਿਖੇ ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਜੀ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਦੀ ਜਾਣਕਾਰੀ ਦਿੰਦੇ ਹੋਏ ਚੌ. ਕੁਮਾਰ ਸੈਣੀ ਸਕੱਤਰ ਜਨਰਲ ਨੇ ਦੱਸਿਆ ਕਿ ਪਿਛਲੇ ਸਾਲ ਦੇ ਅੰਤ ਵਿੱਚ ਸ੍ਰੀ. ਕਰਤਾਰਪੁਰ ਸਾਹਿਬ ਦੇ ਲਾਂਘੇ ਰਾਹੀਂ ਪਾਕਿਸਤਾਨ ਵਿਖੇ ਸੀਨੀਅਰ ਸਿਟੀਜਨਜ਼ ਦੇ ਟੂਰ ਦੀ ਸ਼ਲਾਘਾ ਕਰਦੇ ਹੋਏ ਸੈਕਟਰੀ ਦਾ ਧੰਨਵਾਦ ਦਾ ਮਤਾ ਪਾਸ ਕੀਤਾ ਗਿਆ। ਮੀਟਿੰਗ ਵਿੱਚ ਸਰਕਾਰ ਵੱਲੋਂ ਦਿੱਤੇ ਜਾ ਰਹੇ ਤੋਹਫ਼ੇ 75 ਸਾਲ ਤੋਂ ਵੱਧ ਉਮਰ ਦੇ ਸ਼ਹਿਰੀਆਂ ਨੂੰ ਇਨਕਮ ਟੈਕਸ ਨਾ ਭਰਮ ਦੀ ਦਿੱਤੀ ਜਾ ਰਹੀ ਰਿਆਇਤ ਤੇ ਚਰਚਾ ਕਰਦੇ ਹੋਏ ਸਾਰੇ ਮੈਂਬਰਾਂ ਦਾ ਇਹ ਸੁਝਾਅ ਸੀ ਕਿ ਇਸਦੇ ਨਾਲ ਨਾਲ ਵਿੱਤ ਵਿਭਾਗ ਵਲੋਂ ਕੱਟੇ ਜਾਣ ਵਾਲੇ ਰਿਜ਼ਰਵ ਬੈਂਕ ਰਾਹੀਂ ਹਿਦਾਇਤ ਦਿੱਤੀ ਜਾਵੇ ਕਿ ਉਹ ਬੈਂਕਾਂ ਰਾਹੀਂ ਕੱਟੇ ਜਾਣ ਵਾਲੇ ਟੀ. ਡੀ. ਐਸ. ਤੇ ਵੀ ਛੋਟ ਦਿੱਤੀ ਜਾਵੇ ਤਾਂ ਜੋ ਸੀਨੀਅਰ ਸਿਟੀਜ਼ਨਜ਼ ਨੂੰ ਇਸਦਾ ਪੂਰਾ ਪੂਰਾ ਲਾਭ ਮਿਲ ਸਕੇ। ਇੱਕ ਹੋਰ ਮਤੇ ਰਾਹੀਂ ਇਹ ਵੀ ਪਾਸ ਕੀਤਾ ਗਿਆ ਕਿ ਨਿਕਟ ਭਵਿੱਖ ਵਿੱਚ ਕਿਸੇ ਨਿਸ਼ਚਤ ਜਗ੍ਹਾ ਤੇ ਸੀਨੀਅਰ ਸਿਟੀਜ਼ਨਜ਼ ਦਾ ਟੂਰ ਬਣਾਇਆ ਜਾਵੇ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਕਮਾਂਡੈਂਟ ਬਖ਼ਸ਼ੀਸ਼ ਸਿੰਘ, ਮਾਸਟਰ ਰਜਿੰਦਰ ਸਿੰਘ, ਸ਼ਾਮ ਲਾਲ ਮਹਿਤਾ, ਦਿਲਬਾਗ ਸਿੰਘ ਹੁੰਦਲ, ਡਾ. ਅਮਰੀਕ ਸਿੰਘ ਬਸਰਾ, ਸਤੀਸ਼ ਕਾਲੀਆ, ਵਿਨੋਦ ਹੰਸ, ਜਗਮੋਹਨ ਸ਼ਰਮਾ, ਸੁਰਿੰਦਰ ਨਾਥ, ਰਨਵੀਰ ਚੰਦ, ਇੰਦਰਜੀਤ,ਭਾਗ ਸਿੰਘ, ਵਿਨੋਦ ਕੁਮਾਰ ਚੌਹਾਨ, ਸ਼ਾਮ ਮੂਰਤੀ, ਬਲਦੇਵ ਸਿੰਘ, ਜੁਗਿੰਦਰ ਸਿੰਘ, ਹਰਮਿੰਦਰ ਲਾਲ, ਸਰਵਨ ਸਿੰਘ, ਰਮੇਸ਼ਵਰ ਜੋਸ਼ੀ ਆਦਿ ਹਾਜ਼ਰ ਸਨ।