ਚੋਰਾਂ ਨੇ ਪੈਟਰੋਲ ਪੰਪ ਤੇ ਖੜਾ ਟਰੱਕ ਕੀਤਾ ਚੋਰੀ, ਮਾਮਲਾ ਦਰਜ 

ਤਲਵਾੜਾ / ਦਸੂਹਾ (ਚੌਧਰੀ) : ਕੋਂਡਲ ਪੈਟਰੋਲ ਪੰਪ ਤਲਵਾੜਾ ਵਿਖੇ ਖੜਾ ਟਰੱਕ ਚੋਰੀ ਹੋਣ ਤੇ ਤਲਵਾੜਾ ਪੁਲਿਸ ਨੇ ਅਣਪਛਾਤੇ ਵਿਅਕਤੀ ਤੇ ਮਾਮਲਾ ਦਰਜ ਕੀਤਾ ਗਿਆ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਜੋਗਿੰਦਰ ਸਿੰਘ ਪੁੱਤਰ ਰੋਸ਼ਨ ਲਾਲ ਵਾਸੀ ਜਗੀਰ ਥਾਣਾ ਫਤਿਹਪੁਰ ਜਿਲਾ ਕਾਂਗੜਾ ਹਿਮਾਚਲ ਪ੍ਰਦੇਸ਼ ( ਉਮਰ ਕਰੀਬ 56 ਸਾਲ) ਨੇ ਕਿਹਾ ਕਿ ਇੱਕ ਟਰੱਕ ਨੰਬਰੀ HP-68 5128 ਜੋ ਵੀਨਾ ਕੁਮਾਰੀ ਪਤਨੀ ਸ਼ਸ਼ੀ ਪਾਲ ਵਾਸੀ ਟਿੱਬੀ ਥਾਣਾ ਅੰਬ ਜਿਲਾ ਉਨਾ ਹਿਮਾਚਲ ਪ੍ਰਦੇਸ਼ ਦੇ ਨਾਮ ਪਰ ਹੈ। ਇਸ ਟਰੱਕ ਪਰ ਕਰੀਬ 2 ਸਾਲ ਤੋਂ ਡਰਾਈਵਰੀ ਕਰ ਰਿਹਾ ਹੈ। ਉਹ ਸੀਮਿੰਟ ਫੈਕਟਰੀ ਬਰਮਾਣਾ ਤੋਂ ਸੀਮਿੰਟ ਲੋਡ ਕਰਕੇ ਵੱਖ ਵੱਖ ਸ਼ਹਿਰਾ ਵਿੱਚ ਸਪਲਾਈ ਕਰਦਾ ਹੈ। ਮਿਤੀ 05.04.2022 ਨੂੰ ਉਹ ਸਮੇਤ ਸਤੀਸ਼ ਕੁਮਾਰ ਪੁੱਤਰ ਪਾਲਾ ਰਾਮ ਵਾਸੀ ਸਥਾਣਾ ਥਾਣਾ ਫਤਿਹਪੁਰ ਜਿਲਾ ਕਾਂਗੜਾ ਉਕਤ ਟਰੱਕ ਨੰਬਰੀ ਪਰ ਸਵਾਰ ਹੋ ਕੇ ਆਪਣੇ ਨਿੱਜੀ ਕੰਮ ਲਈ ਹੁਸ਼ਿਆਰਪੁਰ ਗਏ ਸੀ ਤੇ ਹੁਸ਼ਿਆਰਪੁਰ ਤੋਂ ਵਾਪਸ ਤਲਵਾੜਾ ਆ ਕੇ ਵਕਤ ਕਰੀਬ 5.30 ਵਜੇ ਸ਼ਾਮ ਆਪਣਾ ਉਕਤ ਨੰਬਰੀ ਟਰੱਕ ਕੋਂਡਲ ਪੈਟਰੋਲ ਪੰਪ ਤਲਵਾੜਾ ਵਿਖੇ ਖੜਾ ਕਰਕੇ ਤਾਲਾ ਲਗਾ ਕੇ ਆਪਣੇ ਪਿੰਡ ਜਗੀਰ ਚਲੇ ਗਏ ਸੀ ਜੋ ਅੱਜ ਸੁਭਾ ਵਕਤ ਕਰੀਬ 9:30 ਵਜੇ ਪੈਟਰੋਲ ਪੰਪ ਤੇ ਪੁੱਜਾ ਤਾਂ ਉਕਤ ਨੰਬਰੀ ਟਰੱਕ ਉਥੇ ਮੌਜੂਦ ਨਹੀਂ ਸੀ। ਜੋ ਦਰਿਆਨੀ ਰਾਤ ਨੂੰ ਟਰੱਕ ਨੰਬਰੀ HP-68 5128 ਨੂੰ ਕੋਈ ਨਾ ਮਲੂਮ ਵਿਅਕਤੀ ਚੋਰੀ ਕਰਕੇ ਲੈ ਗਿਆ।ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ ।