ਮਾਡਲ ਟਾਊਨ / ਮੁਕੇਰੀਆਂ (ਬਿਊਰੋ)
15 ਦਸੰਬਰ : 72 ਗ੍ਰਾਮ ਨਸ਼ੀਲੇ ਪਾਊਡਰ ਅਤੇ 1008 ਨਸ਼ੀਲੇ ਕੈਪਸੂਲਾਂ ਸਮੇਤ ਦੋ ਵਿਅਕਤੀਆਂ ਨੂੰ ਜਿਲਾ ਹੁਸ਼ਿਆਰਪੁਰ ਦੇ ਵੱਖ ਵੱਖ ਥਾਣਿਆਂ ਦੀ ਪੁਲਿਸ ਨੇ ਕਾਬੂ ਕੀਤਾ ਹੈ।
ਮਾਡਲ ਟਾਊਨ : ਪੁਲਿਸ ਐਫ ਆਈ ਆਰ ਮੁਤਾਬਕ ਐਸ ਆਈ ਰਜਿੰਦਰ ਸਿੰਘ ਸਮੇਤ ਪੁਲਿਸ ਪਾਰਟੀ ਸਕੀਮ ਨੰਬਰ 02 ਰਹੀਮਪੁਰ ਮੌਜੂਦ ਸੀ ਤਾਂ ਇੱਕ ਐਕਟਿਵਾ ਨੰਬਰੀ PB 07 BH 7406 ਰੰਗ ਕਾਲਾ ਨੂੰ ਸ਼ੱਕ ਦੀ ਬਿਨਾਹ ਤੇ ਰੋਕਿਆ ਤਾਂ ਬਲਵਿੰਦਰ ਹੀਰ ਉਰਫ ਵਿੱਕੀ ਪੁੱਤਰ ਰੂਪ ਚੰਦ ਵਾਸੀ ਮੇਨ ਗਲੀ ਸੁੰਦਰ ਨਗਰ ਥਾਣਾ ਮਾਡਲ ਟਾਊਨ ਹੁਸ਼ਿਆਰਪੁਰ ਪਾਸੋਂ ਦੋਰਾਨੇ ਚੈਕਿੰਗ 72 ਗ੍ਰਾਮ ਨਸ਼ੀਲਾ ਪਾਊਡਰ ਬ੍ਰਾਮਦ ਹੋਣ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।
ਮੁਕੇਰੀਆਂ : ਇਸੇ ਤਰ੍ਹਾਂ ਏ ਐਸ ਆਈ ਸੁਖਦੇਵ ਸਿੰਘ ਸਮੇਤ ਪੁਲਿਸ ਪਾਰਟੀ ਦੇ ਗਸਤ ਦੇ ਸਬੰਧ ਵਿਚ ਬੱਸ ਸਟੈਂਡ ਮੁਕੇਰੀਆਂ ਤੋਂ ਹੁੰਦੇ ਹੋਏ ਬੱਸ ਸਟੈਂਡ ਮੁਕੇਰੀਆ ਤੋਂ ਹੁੰਦੇ ਨੌਸ਼ਿਹਰਾ ਰੋਡ ਤੋਂ ਪੁੱਲ ਹੇਠਾਂ ਤੋ ਰੇਲਵੇ ਲਾਇਨ ਵੱਲ ਨੂੰ ਜਾ ਰਹੇ ਸੀ ਤਾਂ ਸਾਹਮਣੇ ਤੋਂ ਇਕ ਮੌਨਾ ਵਿਅਕਤੀ ਪੈਦਲ ਆਉਂਦਾ ਦਿਖਾਈ ਦਿਤਾ ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਪਿਛੇ ਨੂੰ ਮੁੜਣ ਲੱਗਾ। ਜਿਸ ਨੂੰ ਸਮੇਤ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਸ਼ੱਕ ਦੀ ਬਿਨਾਹ ਤੇ ਕਾਬੂ ਕੀਤਾ। ਜਿਸ ਦੀ ਤਲਾਸ਼ੀ ਕਰਨ ਤੇ ਉਸਦੀ ਪਹਿਨੀ ਕਾਲੀ ਰੰਗ ਦੀ ਜੈਕਟ ਹੇਠਾਂ ਗਰਉ ਰੰਗ ਦੀ ਪਾਈ ਜਰਸੀ ਵਿਚ ਕਾਲੇ ਰੰਗ ਦਾ ਵਜਨਦਾਰ ਲਿਫਾਫਾ ਬਰਾਮਦ ਹੋਇਆ। ਜਿਸਦਾ ਮੂੰਹ ਖੋਲ ਕੇ ਚੈੱਕ ਕਰਨ ਤੇ ਉਸ ਵਿਚੋਂ ਖੁੱਲੇ ਨਸ਼ੀਲੇ ਕੈਪਸੂਲ ਰੰਗ ਨੀਲੇ ਦੇ ਬਰਾਮਦ ਹੋਏ ।ਨਸ਼ੀਲੇ ਕੈਪਸੂਲ ਦੀ ਗਿਣਤੀ ਕਰਨ ਤੇ ਕੁੱਲ 1008 ਕੈਪਸੂਲ ਬਰਾਮਦ ਹੋਏ ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।
