ਪਠਾਨਕੋਟ (ਤਰੁਣ ਸਣਹੋਤਰਾ)

10 ਨਵੰਬਰ : ਯੁਗਾਂ ਯੁਗਾਂ ਤੋਂ ਸਮਾਜ ਦੀ ਨਾ ਬਰਾਬਰੀ ਸਮਾਜਿਕ ਆਰਥਿਕ ਤੇ ਸਨਮਾਣ ਪਾਉਣ ਲਈ ਬਹੁਜਨ ਸਮਾਜ ਦੀਆ ਔਰਤਾਂ ਨੇ ਆਪਣੇ ਜੀਵਨ ਵਿਚ ਬਹੁਤ ਕਰੜੀ ਮਿਹਨਤ ਕਰਕੇ ਆਪਣੇ ਪਰਿਵਾਰਾਂ ਦੀ ਪਰਵਿਸ ਕਰਨ ਵਿਚ ਆਪਣੀ ਕੀਮਤੀ ਜਿੰਦਗੀ ਦੀ ਅਹੁਤੀ ਪਾਈ ਹੈ ਬਹੁਜਨ ਸਮਾਜ ਦੀਆ ਔਰਤਾਂ ਦੇ ਪਰਿਵਾਰ ਜਿਥੇ ਸਮਾਜ ਵਿਚ ਮਨੁੱਖ ਦਾ ਮਨੁੱਖ ਨਾਲ ਸਹੀ ਨਾ ਵਰਤਾਰੇ ਦਾ ਦਂਸ ਜੁਗਾਂ ਤੋਂ ਝੱਲਦੀਆਂ ਆ ਰਹੀ ਹੈ ਉਥੇ ਸਮਾਜ ਤੇ ਸਰਕਾਰਾਂ ਦੀ ਨਾ ਬਰਾਬਰੀ ਸਿਹਤ ਸਿੱਖਿਆ ਤੇ ਆਰਥਿਕ ਪੱਖੋਂ ਉਪਰ ਚੁੱਕਣ ਲਈ ਲੋੜੀਦੇ ਉਪਰਾਲੇ ਨਹੀਂ ਕੀਤੇ ਏਹ ਵਿਚਾਰ ਪ੍ਰਸਿੱਧ ਸਮਾਜ ਸੇਵਿਕਾ ਮੈਡਮ ਨਿਰਮਲਜੀਤ ਕੌਰ ਚੈਅਰਪਰਸਨ ਪਬਲਿਕ ਵਿਕਾਸ ਕੌਂਸਲ ਐਨ ਜੀ ਓ ਨੇ ਆਪਣੇ ਮੁਖਾਬਿੰਦ ਚੋ ਕਹੇ।ਉਹਨਾਂ ਕਿਹਾ ਕੇ ਮੌਜੂਦਾ ਦੌਰ ਵਿਚ ਕੇਵਲ ਆਰਥਿਕ ਬਰਾਬਰੀ ਹੀ ਨਹੀਂ ਬਲਕਿ ਹਰ ਤਰਾਂ ਦੀ ਬਰਾਬਰੀ ਦੇ ਸੰਕਲਪ ਨੂੰ ਆਪਣਾ ਕੇ ਹਰ ਪੱਧਰ ਉਤੇ ਹਕੀਕੀ ਬਰਾਬਰੀ ਦੇਣ ਦੀ ਲੋੜ ਹੈ ਸਮਾਜ ਵਿਚ ਲਿੰਗ ਗੈਰ ਬਰਾਬਰੀ ਜਾਤ ਪਾਤ ਦੀ ਗੈਰ ਬਰਾਬਰੀ ਸ਼ਹਿਰ ਤੇ ਪਿੰਡਾਂ ਦੇ ਪੜ੍ਹੇ ਲਿਖੇ ਤੇ ਅਨਪੜ ਤੇ ਹਰੇਕ ਉਮਰ ਦਾ ਧੰਨ ਦੌਲਤ ਹਰੇਕ ਇਨਸਾਨ ਦੀ ਬਰਾਬਰ ਵੰਡ ਨਾ ਕਰਨਾ ਗੈਰ ਬਰਾਬਰੀ ਹੈ।ਪੰਜਾਬ ਦੇ ਦਲਿਤਾਂ ਦੀ ਕੁਲ ਅਬਾਦੀ 32(31.94)ਫੀਸਦੀ ਦੇ ਕਰੀਬ ਹੈ ਪਿੰਡਾਂ ਵਿਚ ਦਲਿਤਾਂ ਦੀ ਅਬਾਦੀ ਕਰੀਬ 37.46ਫੀਸਦੀ ਹੈ ਇਸ ਤਰਾਂ ਦਲਿਤ ਔਰਤਾਂ ਦੀ ਅਬਾਦੀ ਅੱਧ ਦੇ ਕਰੀਬ ਹੈ,ਸਮਾਜਿਕ ਖੇਤਰਾਂ,ਨੌਕਰੀ ਪੇਸ਼ਾ ਹਕੀਕਤ ਵਿਚ ਫ਼ੈਸਲਾਕੁਨ ਭੂਮਿਕਾ ਵਿਚ ਇਹਨਾਂ ਦਲਿਤ ਔਰਤਾਂ ਦਾ ਪ੍ਰਭਾਵ ਨਾ ਮਾਤਰ ਦੇ ਬਰਾਬਰ ਹੈ ਕਾਰਨ ਉਹ ਸਾਰਾ ਜੀਵਨ ਸੰਘਰਸ ਸਕਤੀ ਆਪਣੇ ਪਰਿਵਾਰ ਨੂੰ ਗਰੀਬੀ ਚੋ ਉਭਾਰਨ ਲਈ ਹੀ ਲਗਾ ਦਿਦਿਆਂ ਹਨ ਉਹਨਾਂ ਨੂੰ ਬਹੁਤ ਘੱਟ ਮੌਕੇ ਅੱਗੇ ਨਿਕਲਣ ਲਈ ਮਿਲਦੇ ਹਨ।ਬੇਸ਼ਕ ਸਰਕਾਰ ਨੇ ਔਰਤਾਂ ਦਾ 50%ਰਾਖਵਾਂਕਰਨ ਪੰਚਾਇਤੀ ਢਾਂਚੇ ਵਿਚ ਸਰਪੰਚਾਂ,ਪੰਚ ਚੈਅਰਪਰਸਨ ਆਦਿ ਅਹੁਦਿਆਂ ਵਿਚ ਰਖਿਆ ਪਰ ਉਹਨਾਂ ਦੀ ਅਹੁਦੇ ਤੇ ਬਣੇ ਰਹਿਣ ਤੱਕ ਸੀਮਤ ਪਾਵਰਾ ਹਨ,ਜੇਕਰ ਸਰਕਾਰਾਂ ਦਲਿਤ ਸਮਾਜ ਨੂੰ ਦਿਲੋਂ ਉਪਰ ਚੁੱਕਣਾ ਚਾਹੁੰਦੀਆਂ ਹਨ ਤਾਂ ਦਲਿਤਾਂ ਦੇ ਹੱਕ ਦੀ ਬਣਦੀ ਜਮੀਨ ਹਰੇਕ ਪਰਿਵਾਰ ਦੀ ਮੁੱਖੀ ਔਰਤ ਦੇ ਨਾਮ ਕਰੇ ਜਿਸ ਨਾਲ ਨਾ ਬਰਾਬਰਤਾ ਦੀ ਫਿਨ ਨੂੰ ਇਸ ਕਾਰਜ ਨਾਲ ਮਿੱਧਿਆ ਜਾ ਸਕਦਾ ਕਿਸੇ ਵੀ ਪਰਿਵਾਰ ਦਾ ਔਰਤ ਤਰੱਕੀ ਦਾ ਮਾਰਗ ਦਰਸ਼ਨ ਹਨ ਔਰਤਾਂ ਦੀ ਬੇਹਤਰਤਾ ਨਾਲ ਹੀ ਤਰੱਕੀ ਦੀਆ ਪੋੜੀਆਂ ਨੂੰ ਚੜਿਆ ਜਾ ਸਕਦਾ ਹੈ।