ਦੀਨਾਨਗਰ(ਸੁਰਿੰਦਰ ਸਿੰਘ ਸੋਨੀ)

ਕ੍ਰੈਡਿਟ ਕਾਰਡ ਦੀ ਲਿਮਟ ਵਧਾਉਣ ਲਈ ਵਿਅਕਤੀ ਧੋਖਾਧੜੀ ਦਾ ਹੋਇਆ ਸ਼ਿਕਾਰ

30,ਸਤੰਬਰ : ਆਨਲਾਈਨ ਧੋਖਾਧੜੀ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ।ਅਜਿਹਾ ਹੀ ਇੱਕ ਮਾਮਲਾ ਦੀਨਾਨਗਰ ਦੇ ਪਿੰਡ ਅਵਾਂਖਾ ਵਿੱਚ ਦੇਖਣ ਨੂੰ ਮਿਲਿਆ ਜਦੋਂ ਕ੍ਰੈਡਿਟ ਕਾਰਡ ਦੀ ਲਿਮਟ ਵਧਾਉਣ ਲਈ ਇੱਕ ਵਿਅਕਤੀ ਨਾਲ ਲੱਖਾਂ ਰੁਪਏ ਦੀ ਠੱਗੀ ਮਾਰੀ ਗਈ।ਜਾਣਕਾਰੀ ਦਿੰਦੇ ਹੋਏ ਧੋਖਾਧੜੀ ਦਾ ਸ਼ਿਕਾਰ ਹੋਏ ਪਵਨ ਨੇ ਦੱਸਿਆ ਕਿ ਉਸ ਨੂੰ ਪੰਜਾਬ ਸਟੇਟ ਆਫ ਇੰਡੀਆ ਬੈਂਕ ਦੇ ਕਿਸੇ ਕਰਮਚਾਰੀ ਦਾ ਫੋਨ ਆਇਆ ਸੀ ਕਿ ਤੁਹਾਡੇ ਕ੍ਰੈਡਿਟ ਕਾਰਡ ਦੀ ਲਿਮਟ ਵਧਾਉਣੀ ਹੈ। ਹਾਲਾਂਕਿ,ਉਸਨੇ ਲਿਮਟ ਵਧਾਉਣ ਤੋਂ ਇਨਕਾਰ ਕਰ ਦਿੱਤਾ।ਜਿਸ ਤੋਂ ਬਾਅਦ ਉਸ ਦੇ ਮੋਬਾਈਲ ‘ਤੇ ਲਿੰਕ ਭੇਜਿਆ ਗਿਆ ਅਤੇ ਵਾਰ-ਵਾਰ ਲਿੰਕ ਖੋਲ੍ਹਣ ਲਈ ਬੋਲਣਾ ਸ਼ੁਰੂ ਕਰ ਦਿੱਤਾ। ਜਦੋਂਕਿ ਇਹ ਵੀ ਕਿਹਾ ਗਿਆ ਸੀ ਕਿ ਜੇਕਰ ਉਹ ਲਿੰਕ ਨਹੀਂ ਖੋਲ੍ਹਦਾ ਤਾਂ ਉਸ ਨੂੰ ਜੁਰਮਾਨਾ ਭਰਨਾ ਪਵੇਗਾ। ਵਾਰ-ਵਾਰ ਮਜਬੂਰ ਕਰਨ ‘ਤੇ ਜਦੋਂ ਉਸ ਨੇ ਵੈਰੀਫਾਈ ਕਰਨ ਲਈ ਲਿੰਕ ਖੋਲ੍ਹਿਆ ਤਾਂ ਉਸ ਦੇ ਖਾਤੇ ‘ਚੋਂ 99 ਹਜ਼ਾਰ 666 ਰੁਪਏ ਕੱਟ ਲਏ ਗਏ। ਜਿਸ ਤੋਂ ਬਾਅਦ ਉਸ ਨੇ ਕਿਹਾ ਕਿ ਉਕਤ ਰਕਮ ਉਸ ਦੇ ਖਾਤੇ ‘ਚੋਂ ਕੱਟ ਲਈ ਗਈ ਹੈ, ਤਾਂ ਕਾਲ ਕਰਨ ਵਾਲੇ ਨੇ ਕਿਹਾ ਕਿ ਲਿਮਟ ਵਧਾਉਣ ਕਾਰਨ ਰਕਮ ਕੱਟੀ ਗਈ ਹੈ,ਜੋ ਦੁਬਾਰਾ ਵਾਪਿਸ ਆ ਜਾਵੇਗੀ।ਜਿਸ ਤੋਂ ਬਾਅਦ ਉਸ ਨੇ ਦੁਬਾਰਾ ਤਸਦੀਕ ਕੀਤੀ ਤਾਂ ਉਸ ਦੇ ਖਾਤੇ ਵਿੱਚੋਂ 16 ਹਜ਼ਾਰ 230 ਰੁਪਏ ਕੱਟ ਲਏ ਗਏ।ਜਿਸ ਤੋਂ ਬਾਅਦ ਉਸਨੂੰ ਸ਼ੱਕ ਹੋਇਆ ਤਾਂ ਉਸਨੇ ਕਿਹਾ ਕਿ ਹੁਣ ਉਹ ਪੁਲਿਸ ਨੂੰ ਸ਼ਿਕਾਇਤ ਕਰਨਗੇ।ਜਦੋਂ ਵੀ ਫੋਨ ਕਰਨ ਵਾਲੇ ਨੇ ਕਿਹਾ ਕਿ ਜੇਕਰ ਤੁਹਾਨੂੰ ਕੋਈ ਸ਼ੱਕ ਹੈ ਤਾਂ ਕਿਸੇ ਹੋਰ ਬੈਂਕ ਦੇ ਏਟੀਐਮ ਕਾਰਡ ਦੀ ਸੀ.ਵੀ.ਵੀ. ਦੇ ਦੇਵੋ ਤਾਂ ਉਸ ਖਾਤੇ ਵਿੱਚ ਤੁਹਾਡੇ ਪੈਸੇ ਵਾਪਸ ਕਰ ਦਿੱਤੇ ਜਾਣਗੇ।ਜਿਸ ਤੋਂ ਬਾਅਦ ਉਸ ਨੇ ਉਕਤ ਵਿਅਕਤੀ ਨੂੰ ਐਕਸਿਸ ਬੈਂਕ ਦਾ ਸੀਵੀਵੀ ਨੰਬਰ ਭੇਜਿਆ ਤਾਂ ਉਸ ਦੇ ਖਾਤੇ ਵਿੱਚੋਂ 51 ਹਜ਼ਾਰ ਰੁਪਏ ਹੋਰ ਕੱਟ ਲਏ ਗਏ।ਇਸ ਸਬੰਧੀ ਐਸਐਸਪੀ ਦਫ਼ਤਰ ਵਿੱਚ ਸ਼ਿਕਾਇਤ ਵੀ ਦਰਜ ਕਰਵਾ ਦਿੱਤੀ ਗਈ ਹੈ।