ਪਠਾਨਕੋਟ (ਅਵਿਨਾਸ਼, ਤਰੁਣ )

ਸਰਕਾਰਾਂ ਕਾਰਪੋਰੇਟ ਦਾ ਪੱਖ ਪੂਰ ਰਹੀਆਂ ਹਨ- ਇੱਕਬਾਲ ਸਿੰਘ

ਪ੍ਰੇਮ ਨਾਥ ਜਿਲ੍ਹਾ ਪ੍ਧਾਨ ਤੇ ਬਿਕਰਮ ਸਿੰਘ ਜਨਰਲ ਸਕੱਤਰ ਚੁਣੇ ਗਏ

30 ਸਤੰਬਰ : ਪੰਜਾਬ ਸੁਬਾਰਡੀਨੇਟ ਸਰਵਸਿਜ ਫੈਡਰੇਸ਼ਨ -1680-22 ਬੀ ਦਾ ਜਿਲ੍ਹਾ ਇਜਲਾਸ ਸਥਾਨਕ ਟਰਾਂਸਪੋਰਟ ਵਰਕਰਜ਼ ਯੂਨੀਅਨ ਦੇ ਦਫਤਰ ਚ ਇੱਕਬਾਲ ਸਿੰਘ, ਪਰੇਮ ਕੁਮਾਰ,ਤਿਲਕ ਰਾਜ,ਰੰਜਨਾ ਸ਼ਰਮਾਂ ਦੀ ਪ੍ਰਧਾਨਗੀ ਹੇਠ ਹੋਇਆ। ਸੂਬਾ ਇਕਾਈ ਵਲੋਂ ਬਲਕਾਰ ਸਿੰਘ ਵਲਟੋਹਾ ਤੇ ਪ੍ਰਭਜੀਤ ਸਿੰਘ ਉੱਪਲ, ਗੁਰਜੀਤ ਸਿੰਘ ਘੋੜੇਵਾਹ ਸ਼ਾਮਲ ਹੋਏ। ਇਸ ਮੌਕੇ ਜਿਲ੍ਹਾ ਇਕਾਈ ਦਾ ਗਠਨ ਕਰਦਿਆਂ ਚੇਅਰਮੈਨ ਇਕਬਾਲ ਸਿੰਘ, ਸਰਪ੍ਰਸਤ ਕੇਦਾਰ ਨਾਥ, ਮੁੱਖ ਸਲਾਹਕਾਰ,ਤਿਲਕਰਾਜ, ਪਰੇਮ ਨਾਥ, ਜਨਰਲ ਸਕੱਤਰ ਬਿਕਰਮ ਸਿੰਘ,ਸੀਨੀਅਰ ਮੀਤ ਪ੍ਧਾਨ ਸੁਖਵਿੰਦਰ ਸਿੰਘ ਬਿੱਲਾ ਤੇ ਸ੍ਰੀ ਮਤੀ ਸਰਿਸ਼ਟਾ,ਮੀਤ ਸਕੱਤਰ ਕੂੜਾ ਰਾਮ ਤੇ ਦੇਵੀ ਸਿੰਘ,ਵਿੱਤ ਸਕੱਤਰ ਸੁਰੇਸ਼ ਕੁਮਾਰ ਤੇ ਪਰੈਸ ਸਕੱਤਰ ਧਿਆਨ ਸਿੰਘ ਬਣਾਏ ਗਏ। ਇਸ ਮੌਕੇ ਆਗੂਆਂ ਨੇ ਕਿਹਾ ਕਿ ਮੌਜੂਦਾ ਪੰਜਾਬ ਸਰਕਾਰ ਵੀ ਪਿਛਲੀਆਂ ਸਰਕਾਰਾਂ ਵਾਂਗ ਕਾਰਪੋਰੇਟ ਘਰਾਣਿਆਂ ਦੇ ਹੱਥਾਂ ਵਿੱਚ ਖੇਡ ਰਹੀ ਹੈ। ਵੱਡੀ ਗਿਣਤੀ ਵਿੱਚ ਠੇਕਾ ਅਧਾਰਿਤ-ਆਊਟਸੋਰਸਿੰਗ, ਸਕੀਮ ਵਰਕਰਜ਼ ਰਾਹੀਂ ਭਰਤੀ ਕਰਕੇ ਜਵਾਨੀ ਦੀ ਆਰਥਿਕ ਲੁੱਟ ਕਰ ਰਹੀਆਂ ਹਨ। ਲੱਖਾਂ ਦੀ ਗਿਣਤੀ ਮੁਲਾਜਮਾਂ ਨੂੰ ਨਿਗੂਣੀਆਂ ਤਨਖਾਹਾਂ ਦੇ ਕੇ ਲੁੱਟਿਆ ਜਾ ਰਿਹਾ ਹੈ। ਪੁਰਾਣੀ ਪੈਨਸ਼ਨ ਸਕੀਮ ਲਾਗੂ ਨਹੀਂ ਕੀਤੀ ਜਾ ਰਹੀ। ਬਾਰਡਰ ਭੱਤਾ, ਪੇਂਡੂ ਭੱਤਾ ਸਮੇਤ ਪੈਂਤੀ ਭੱਤੇ ਬੰਦ ਕੀਤੇ ਜਾ ਰਹੇ ਹਨ। ਡੀ ਏ ਨਹੀਂ ਦਿੱਤਾ ਜਾ ਰਿਹਾ। ਇਸ ਤਰ੍ਹਾਂ ਆਸ਼ਾ ਵਰਕਰਜ਼, ਮਿਡ ਡੇ ਮੀਲ ਵਰਕਰਜ਼ ਤੇ ਵੱਡੀ ਗਿਣਤੀ ਚ ਕਲਾਸ ਫੋਰ ਕਾਮੇ ਲੁੱਟ ਦਾ ਸ਼ਿਕਾਰ ਹਨ। ਜੋ ਫੈਡਰੇਸ਼ਨ ਨੂੰ ਮਨਜੂਰ ਨਹੀਂ।ਫੈਡਰੇਸ਼ਨ ਦੀ ਸੂਬਾਈ ਕਾਨਫਰੰਸ ਦੋ ਅਕਤੂਬਰ ਨੂੰ ਮੋਗਾ ਵਿਖੇ ਕਾਮਰੇਡ ਨਛੱਤਰ ਭਵਨ ਚ ਹੋ ਰਹੀ ਹੈ।ਉਸ ਵਿੱਚ ਵੱਡੇ ਸੰਘਰਸ਼ੀ ਫੈਸਲੇ ਹੋਣਗੇ। ਸੋ ਮੁਲਾਜ਼ਮ ਆਉਣ ਵਾਲੇ ਸਮੇਂ ਚ ਜੋਰਦਾਰ ਸੰਘਰਸ਼ ਕਰਨ ਲਈ ਮਜਬੂਰ ਹੋਣਗੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਗਗਨਦੀਪ ਸਿੰਘ ਖਾਲਸਾ,ਰਜਿੰਦਰ ਸਿੰਘ ਵਰਿਆਮ ਨੰਗਲ, ਸਰਵਨ ਸਿੰਘ ਗੁਰਦਾਸ ਪੁਰ ਨੇ ਵੀ ਵਿਚਾਰ ਰੱਖੇ।