ਬਾਲ ਵਾਟਿਕਾ ਸਕੂਲ ਵਿੱਚ ਬੱਚਿਆਂ ਵੱਲੋਂ ਕੀਤੀ ਤੈਰਾਕੀ (ਸ੍ਰਿਮਿੰਗ)

ਗੜ੍ਹਦੀਵਾਲਾ 8 ਜੁਲਾਈ (ਚੌਧਰੀ) : ਬਾਲ ਵਾਟਿਕਾ ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ  ਨਰੇਸ਼ ਡਡਵਾਲ,ਡਾਇਰੈਕਟਰ ਮੈਡਮ ਰਿੰਪੀ ਡਡਵਾਲ ਦੀ ਦੇਖ ਰੇਖ ਵਿੱਚ ਸਕੂਲ ਦੇ ਮੁੱਖ ਅਧਿਆਪਕਾ ਮਿਸ ਆਂਚਲ ਠਾਕੁਰ ਅਤੇ ਸਮੂਹ ਸਟਾਫ਼ ਦੁਆਰਾ “ਗਰਮੀ ਕੈਂਪ” ਦਾ ਆਯੋਜਨ ਕੀਤਾ ਗਿਆ|

ਰੋਜ਼ਾਨਾ ਦੀ ਤਰ੍ਹਾਂ ਕੈਂਪ ਦਾ ਆਰੰਭ ਯੋਗ ਅਤੇ ਪ੍ਰਾਰਥਨਾ ਨਾਲ ਕੀਤਾ ਗਿਆ|ਅਧਿਆਪਕਾ ਸਿਮਰਨਜੀਤ ਕੌਰ ਨੇ ਬੱਚਿਆਂ ਨੂੰ ਅੱਜ ਦੀ ਕਿਰਿਆ “ਤੈਰਾਕੀ” ਬਾਰੇ ਦੱਸਿਆ | ਸਾਰੇ ਬੱਚਿਆਂ ਨੇ ਅਧਿਆਪਕਾ (ਮੈਡਮ ਰਮਾ ਠਾਕੁਰ ਅਤੇ ਅਮਨਦੀਪ ਕੌਰ) ਦੇ ਸਹਿਯੋਗ ਨਾਲ ਪਾਣੀ ਵਿੱਚ ਸਹੀ ਢੰਗ ਨਾਲ ਤੈਰਨਾ ਸਿੱਖਿਆ ਅਤੇ ਬਾਅਦ ਵਿੱਚ ਬੱਚਿਆਂ ਨੇ ਨੱਚ ਕੇ ਖੁਸ਼ੀ ਪ੍ਰਗਟ ਕੀਤੀ। ਬੱਚਿਆਂ ਨੂੰ ਛਾਤੀ ਦੇ ਬਲ ਤੈਰਨਾ,ਪਿੱਠ ਦੇ ਬਲ ਤੈਰਨਾ,ਬੈਕ ਕਰਾਲ ਅਤੇ ਫ੍ਰੀ ਸਟਾਈਲ ਬਾਰੇ ਦੱਸਿਆ ਗਿਆ | ਇਸ ਦਿਨ ਦੀ ਸਮਾਪਤੀ ਵੀ ਰਾਸ਼ਟਰੀ ਗਾਣ ਨਾਲ਼ ਕੀਤੀ ਗਈ |