ਖਾਲਿਸਤਾਨ ਪੱਖੀ ਨਾਅਰੇ ਲਿੱਖਣ ਤੇ ਅਣਪਛਾਤਿਆਂ ਖ਼ਿਲਾਫ਼ ਮਾਮਲਾ ਦਰਜ

ਗੁਰਦਾਸਪੁਰ 3 ਜੂਨ(ਅਸ਼ਵਨੀ) : ਖਾਲਿਸਤਾਨ ਪੱਖੀ ਨਾਅਰੇ ਲਿੱਖਣ ਤੇ ਪੁਲਿਸ ਸਟੇਸ਼ਨ ਕਲਾਨੋਰ ਦੀ ਪੁਲਿਸ ਵੱਲੋਂ ਅਣਪਛਾਤਿਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ । ਸਹਾਇਕ ਸਬ ਇੰਸਪੈਕਟਰ ਹਰਮਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਟੀ ਪੁਆਇੰਟ ਕਲਾਨੋਰ ਮੋਜੂਦ ਸੀ ਕਿ ਮੁੱਖਬਰ ਖਾਸ ਨੇ ਸੂਚਨਾ ਦਿੱਤੀ ਕਿ ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ ਕਲਾਨੋਰ ਦੇ ਗੇਟ , ਪੰਜਾਬ ਨੈਸ਼ਨਲ ਬੈਂਕ ਦੇ ਬਾਹਰ ਬੋਰਡ ਅਤੇ ਤਹਿਸੀਲ ਕਲਾਨੋਰ ਦੇ ਬਾਹਰ ਗੇਟਾ ਆਦਿ ਉੱਪਰ ਹੱਥ ਲਿਖਤ ਇਸ਼ਤਿਹਾਰ ਕਾਲੇ ਮਾਰਕਰ ਪੈਨ ਨਾਲ ਲਿੱਖੇ ਪੇਪਰਾਂ ਉੱਪਰ ਖ਼ਾਲਸਾ ਰਾਜ ਸੰਤ ਬਾਬਾ ਜਰਣੈਲ ਸਿੰਘ ਭਿਡੰਰਾਵਾਲੇ ਪੰਜਾਬ ਦਾ ਅਸਲੀ ਹੱਕ ਖਾਲਿਸਤਾਨ ਜ਼ਿੰਦਾਬਾਦ ਹਿੰਦੂਸਤਾਨ ਮੁਰਦਾਬਾਦ ਸਿੱਖ ਕੋਮ ਜਿਉਂਦੀ ਆ ਬਦਲਾ ਲਵੇਗੀ ਲਿਖਿਆ ਹੋਇਆ ਹੈ । ਜਿਸ ਤੇ ਕਾਰਵਾਈ ਕਰਦੇ ਹੋਏ ਉਸ ਨੇ ਪੁਲਿਸ ਪਾਰਟੀ ਸਮੇਤ ਵੱਖ-ਵੱਖ ਜਗ੍ਹਾ ਮੋਕਾ ਤੇ ਪੁੱਜ ਕੇ ਉਕਤ ਇਸ਼ਤਿਹਾਰਾਂ ਨੂੰ ਲਾਹ ਕੇ ਕੱਬਜੇ ਵਿੱਚ ਲਿਆ ਇਹ ਕਾਰਵਾਈ ਕਿਸੇ ਨਾਮਾਲੂਮ ਸ਼ਰਾਰਤੀ ਅਨਸਰ ਵੱਲੋਂ ਦੇਸ਼ ਦੀ ਏਕਤਾ ਤੇ ਅੰਖਡਤਾ ਨੂੰ ਭੰਗ ਕਰਨ ਅਤੇ ਆਮ ਲੋਕਾ ਵਿੱਚ ਨਫ਼ਰਤ ਫੈਲਾਉਣ ਤੇ ਅਮਨ ਸ਼ਾਂਤੀ ਭੰਗ ਕਰਨ ਲਈ ਕੀਤੀ ਗਈ ਹੈ । ਜਿਸ ਤੇ ਨਾਮਾਲੂਮ ਵਿਅਕਤੀਆਂ ਵਿਰੁੱਧ ਧਾਰਾ 253-ਬੀ ਅਧੀਨ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।