ਸਕੂਟਰੀ ਅਤੇ ਮੋਟਰਸਾਈਕਲ ਦੀ ਜਬਰਦਸਤ ਟੱਕਰ ਚ ਸਕੂਟਰੀ ਸਵਾਰ ਦੀ ਮੌਤ,ਮਾਮਲਾ ਦਰਜ 

ਗੜ੍ਹਦੀਵਾਲਾ 17 ਮਈ (ਚੌਧਰੀ /ਯੋਗੇਸ਼ ਗੁਪਤਾ) : ਅੱਡਾ ਸਰਾਂਈ ਵਿਖੇ ਸਕੂਟਰੀ ਅਤੇ ਮੋਟਰਸਾਈਕਲ ਦੀ ਜਬਰਦਸਤ ਟੱਕਰ ਵਿਚ ਸਕੂਟਰੀ ਸਵਾਰ ਨੌਜਵਾਨ ਦੀ ਮੌਤ ਹੋਣ ਦੀ ਦੁਖਦਾਈ ਘਟਨਾ ਹੋਣ ਦਾ ਸਮਾਚਾਰ ਸਾਹਮਣੇ ਆਇਆ ਹੈ।ਮੋਟਰਸਾਈਕਲ ਸਵਾਰ ਮੌਕੇ ਤੋਂ ਫਰਾਰ ਦੱਸਿਆ ਜਾ ਰਿਹਾ ਹੈ।

ਸਧਾਨਕ ਪੁਲਸ ਨੂੰ ਦਿੱਤੇ ਬਿਆਨਾਂ ਵਿਚ ਕਰਮ ਪਾਲ ਸਿੰਘ ਪੁੱਤਰ ਸਵਾਏ ਰਾਮ ਵਾਸੀ ਢੋਲਬਾਹਾ ਥਾਣਾ ਹਰਿਆਣਾ ਜ਼ਿਲਾ ਹੁਸ਼ਿਆਰਪੁਰ ( 60) ਨੇ ਕਿਹਾ ਕਿ ਮੈਂ ਉਕਤ ਪਤੇ ਦਾ ਰਹਿਣ ਵਾਲਾ ਹਾਂ ਤੇ ਰਾਜ ਵਿਚ ਰਿਟਾਈਰਡ ਹਾਂ ਅੱਜ ਮੈਂ ਆਪਣੇ ਘਰ ਹਾਜਰ ਸੀ ਤਾਂ ਮੈਨੂੰ ਫੋਨ ਆਇਆ ਕਿ ਤੁਹਾਡੇ ਲੜਕੇ ਰਮਨ ਕੁਮਾਰ ਦਾ ਐਕਸੀਡੈਂਟ ਸਰਾਂਈ ਅੱਡੇ ਤੇ ਸਪਲੈਂਡਰ ਮੋਟਰ ਸਾਈਕਲ ਨਾਲ ਹੋਇਆ ਹੈ ਤੇ ਤੁਹਾਡਾ ਲੜਕਾ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਦਾਖਲ ਹੈ ਪੁੱਜ ਜੋ। ਮੈਂ ਆਪਣੇ ਰਿਸ਼ਤੇਦਾਰਾਂ ਸਮੇਤ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਪੁੱਜਾ ਜਿੱਥੇ ਮੈਨੂੰ ਪਤਾ ਲੱਗਾ ਕਿ ਮੇਰੇ ਲੜਕੇ ਦੀ ਮੌਤ ਹੋ ਚੁੱਕੀ ਸੀ ਜੋ ਮੈਨੂੰ ਪਤਾ ਲੱਗਾ ਕਿ ਮੇਰੇ ਲੜਕੇ ਰਮਨ ਕੁਮਾਰ ਉਮਰ ਕਰੀਬ 32 ਸਾਲ ਦਾ ਐਕਸੀਡੈਂਟ ਵਕਤ ਕਰੀਬ 10:00 AM ਵਜੇ ਸਰਾਂਈ ਅੱਡੇ ਤੇ ਸਪਲੈਂਡਰ ਮੋਟਰ ਸਾਈਕਲ ਨੰਬਰ 0247 ਨਾਲ ਹੋਇਆ ਸੀ ਤੇ ਚਾਲਕ ਧੂਰੀਆਂ ਪਿੰਡ ਦਾ ਸੀ ਜਿਸ ਨੇ ਲਾਪਰਵਾਹੀ ਤੇ ਰਫਤਾਰ ਨਾਲ ਮੇਰੇ ਲੜਕੇ ਦੀ ਸਕੂਟਰੀ ਨੰਬਰ PB07 BQ -3511 ਵਿੱਚ ਲਿਆ ਕਿ ਮਾਰਿਆ ਸੀ। ਜਿਸ ਕਾਰਨ ਮੇਰੇ ਲੜਕੇ ਦੀ ਮੌਤ ਹੋਈ ਹੈ ਉਕਤ ਮੋਟਰ ਸਾਈਕਲ ਨੰਬਰ ਦੇ ਚਾਲਕ ਦੇ ਖਿਲਾਫ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ। ਗੜ੍ਹਦੀਵਾਲਾ ਪੁਲਿਸ ਨੇ ਮ੍ਰਿਤਕ ਦੇ ਪਿਤਾ ਕਿਰਪਾਲ ਸਿੰਘ ਦੇ ਬਿਆਨਾਂ ਦੇ ਆਧਾਰ ਤੇ ਨਾ ਮਾਲੂਮ ਵਿਅਕਤੀ ਖਿਲਾਫ 304-A,279,427 IPC ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।