ਪੋਜੇਵਾਲ ਵਿਖੇ ਦੱਤਾ ਹਸਪਤਾਲ ਚ ਲਗਾਇਆ ਮੁਫ਼ਤ ਮੈਗਾ ਚੈਕਅਪ ਕੈਂਪ

ਗੜ੍ਹਸ਼ੰਕਰ (ਜਤਿੰਦਰ ਪਾਲ ਸਿੰਘ ਕਲੇਰ ) ਡਿੰਪਲ ਪੋ੍ਟੈਕਟ ਟ੍ਸਟ ਦੱਤਾ ਚੈਰੀਟੇਬਲ ਹਸਪਤਾਲ ਪੋਜੇਵਾਲ ਸਰਾਂ ਵਲੋਂ ਮੁਫ਼ਤ ਮੈਗਾ ਚੈੱਕਅਪ ਕੈਂਪ ਲਗਾਇਆ ਗਿਆ ਜਿਸ ਦਾ ਉਦਘਾਟਨ ਹਸਪਤਾਲ ਦੇ ਐਮ. ਡੀ. ਨਿਤਿਸ਼ ਸ਼ਰਮਾ ਤੇ ਪਤਵੰਤਿਆਂ ਵਲੋਂ ਕੀਤਾ ਗਿਆ | ਕੈਂਪ ਦੌਰਾਨ ਡਾ. ਹਰਸ਼ਨ ਬਾਲੀ, ਡਾ. ਦੀਪਕ ਵਰਮਾ ਆਰਥੋ, ਬੱਚਿਆਂ ਦੇ ਡਾਕਟਰ ਅਲਕਾ ਵਰਮਾ, ਚਮੜੀ ਮਾਹਿਰ ਸੰਜੀਵ ਸੋਢੀ, ਅੱਖਾਂ ਦੇ ਮਾਹਿਰ ਡਾ. ਮਨਦੀਪ ਕੌਰ ਤੇ ਡਾ. ਸੰਤੋਸ਼ ਝਾਅ ਅਤੇ ਗਾਇਨੀ ਦੇ ਡਾ. ਅਨੁਰਾਧਾ ਵਲੋਂ 900 ਦੇ ਕਰੀਬ ਮਰੀਜ਼ਾਂ ਦੀਆਂ ਵੱਖ-ਵੱਖ ਬਿਮਾਰੀਆਂ ਦੀ ਜਾਂਚ ਕਰਨ ਉਪਰੰਤ ਉਨ੍ਹਾਂ ਨੂੰ ਮੁਫ਼ਤ ਦਵਾਈਆਂ ਪ੍ਰਦਾਨ ਕੀਤੀਆਂ ਗਈਆਂ ਤੇ ਅੱਖਾਂ ਦੀ ਸਮੱਸਿਆ ਵਾਲੇ ਮਰੀਜ਼ਾਂ ਨੂੰ ਮੁਫ਼ਤ ਐਨਕਾਂ ਵੀ ਪ੍ਰਦਾਨ ਕੀਤੀਆਂ ਗਈਆਂ ਤੇ ਲੋਕਾਂ ਦੇ ਟੈੱਸਟ ਮੁਫ਼ਤ ਕੀਤੇ ਗਏ |ਐਮ.ਡੀ. ਨਿਤਿਸ਼ ਸ਼ਰਮਾ ਨੇ ਦੱਸਿਆ ਕਿ ਇਸ ਕੈਂਪ ਦੌਰਾਨ ਮਾਹਿਰ ਡਾਕਟਰਾਂ ਤੇ ਪੀ.ਜੀ.ਆਈ ਦੇ ਡਾਕਟਰਾਂ ਵਲੋਂ ਔਰਤਾਂ ਦੀਆ ਬਿਮਾਰੀਆਂ, ਡਿਸਕ, ਸਰਵਾਈਕਲ, ਜੋੜਾਂ ਦੇ ਦਰਦ, ਸ਼ੂਗਰ, ਚਮੜੀ ਰੋਗ, ਨਜ਼ਰ ਦੇ ਚੈੱਕਅਪ ਤੇ ਬੱਚਿਆਂ ਦੇ ਮਾਹਿਰ ਡਾਕਟਰਾਂ ਵਲੋਂ ਬੱਚਿਆਂ ਦੀ ਜਾਂਚ ਤੇ ਹਰੇਕ ਬਿਮਾਰੀ ਸਬੰਧੀ ਮਰੀਜ਼ਾਂ ਦੇ ਮੁਫ਼ਤ ਟੈੱਸਟ ਤੇ ਮੁਫ਼ਤ ਦਵਾਈ ਪ੍ਰਦਾਨ ਕੀਤੀ ਗਈ ਹੈ | ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੇ ਟਰੱਸਟ ਦਾ ਮਿਸ਼ਨ ਇਸ ਪਿਛੜੇ ਤੇ ਗ਼ਰੀਬ ਇਲਾਕੇ ਦੇ ਲੋਕਾਂ ਨੂੰ ਉੱਚ ਦਰਜੇ ਦੀਆਂ ਸਿਹਤ ਸਹੂਲਤਾਂ ਪ੍ਰਦਾਨ ਕਰਵਾਉਣਾ ਹੈ ਤੇ ਇਹ ਸਾਰੇ ਮਾਹਿਰ ਡਾਕਟਰ ਹਫ਼ਤੇ ਵਿਚ ਇਕ ਦਿਨ ਹਸਪਤਾਲ ਵਿਖੇ ਬੈਠਣਗੇ ਤੇ ਲੋਕਾਂ ਦੀ ਜਾਂਚ ਕਰਨਗੇ ਤੇ ਟਰੱਸਟ ਵਲੋਂ ਅਜਿਹੇ ਕੈਪ ਵੱਖ-ਵੱਖ ਪਿੰਡਾਂ ਵਿਚ ਲਗਾਏ ਜਾਣਗੇ ਤਾਂ ਕਿ ਲੋਕਾਂ ਨੂੰ ਵੱਧ ਤੋਂ ਵੱਧ ਲਾਭ ਮਿਲ ਸਕੇ | ਇਸ ਮੌਕੇ ਲੋਕਾਂ ਲਈ ਲੰਗਰ ਦਾ ਵੀ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ |