ਵਿਧਾਇਕ ਸੰਤੋਸ਼ ਕਟਾਰੀਆ ਨੇ ਸਕੰਦਮਾਤਾ ਦੀ ਕੀਤੀ ਪੂਜਾ ਅਰਚਨਾ

ਬਲਾਚੌਰ, 7 ਅਪਰੈਲ (ਜਤਿੰਦਰ ਪਾਲ ਸਿੰਘ ਕਲੇਰ ) ਨਵਰਾਤਰਿਆਂ ਦੇ ਤਿਉਹਾਰ ਵਿਚ ਆਦਿਸ਼ਕਤੀ ਮਾਂ ਦੁਰਗਾ ਦੇ ਨੌਂ ਸਵਰੂਪਾਂ ਦੀ ਪੂਜਾ ਅਰਚਨਾ ਕਰਨਾ ਨਾਰੀ ਸ਼ਕਤੀ ਦੀ ਬਹਾਦਰੀ ਨੂੰ ਨਮਨ ਕਰਨਾ ਹੈ।ਪ੍ਰਾਚੀਨ ਸਮੇਂ ਤੋਂ ਹੀ ਸਾਡੇ ਮਹਾਂਪੁਰਖ ਨਾਰੀ ਸ਼ਕਤੀ ਨੂੰ ਸਾਮਾਨ ਦਿੰਦੇ ਆ ਰਹੇ ਹਨ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਬੀਬੀ ਸੰਤੋਸ਼ ਕਟਾਰੀਆ ਵਿਧਾਇਕ ਹਲਕਾ ਬਲਾਚੌਰ ਨੇ ਭੱਦੀ ਵਿਖੇ ਚੇਤ ਨਵਰਾਤੇ ਦੇ ਪੰਜਵੇਂ ਦਿਨ ਸਕੰਦਮਾਤਾ ਦੀ ਪੂਜਾ ਅਰਚਨਾ ਕਰਦਿਆਂ ਹੋਇਆਂ ਪਿੰਡ ਦੇ ਮੰਦਰ ਵਿਖੇ ਕੀਤਾ।ਬੀਬੀ ਸੰਤੋਸ਼ ਕਟਾਰੀਆ ਨੇ ਕਿਹਾ ਕਿ ਅੱਠਵੇਂ ਤੇ ਨੌਵੇਂ ਨਵਰਾਤੇ ਕੰਜਕਾਂ ਦੀ ਪੂਜਾ ਕਰਨਾ ਨਾਰੀ ਸ਼ਕਤੀ ਨੂੰ ਸਾਮਾਨ ਦੇਣਾ ਹੈ ਅਤੇ ਉਨ੍ਹਾਂ ਸੰਸਾਰ ਦੇ ਹਰੇਕ ਪ੍ਰਾਣੀ ਦੀ ਖੁਸ਼ਹਾਲੀ ਲਈ ਤੇ ਉਨ੍ਹਾਂ ਦੀਆਂ ਮਨੋਕਾਮਨਾਵਾਂ ਪੂਰਨ ਕਰਨ ਦੇ ਲਈ ਮਾਤਾ ਰਾਣੀ ਅੱਗੇ ਅਰਦਾਸ ਕੀਤੀ।ਇਸ ਮੌਕੇ ਪਿੰਡ ਵਾਸੀਆਂ ਨੇ ਬੀਬੀ ਸੰਤੋਸ਼ ਕਟਾਰੀਆ ਨੂੰ ਸਨਮਾਨਿਤ ਵੀ ਕੀਤਾ। ਇਸ ਮੌਕੇ ਨਿੱਕਾ ਨਾਨੋਵਾਲ ਤੇ ਸਮੂਹ ਪਿੰਡ ਵਾਸੀ ਹਾਜ਼ਰ ਸਨ।