ਟਰੱਕ ਡਰਾਈਵਰ ਤੋਂ ਟਰੱਕ ਖੋਹ ਕੇ ਤਿੰਨ ਵਿਅਕਤੀ ਹੋਏ ਫਰਾਰ,ਮਾਮਲਾ ਦਰਜ

ਤਲਵਾੜਾ / ਦਸੂਹਾ 15 ਅਪ੍ਰੈਲ (ਚੌਧਰੀ) : ਸਥਾਨਕ ਪੁਲਿਸ ਨੇ ਇੱਕ ਟਰੱਕ ਡਰਾਈਵਰ ਤੋਂ ਟਰੱਕ ਖੋਹ ਕੇ ਫਰਾਰ ਹੋ ਜਾਣ ਤੇ ਤਿੰਨ ਵਿਅਕਤੀਆਂ ਖਿਲਾਫ ਮਾਮਲ ਦਰਜ ਕੀਤਾ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਸਰਬਜੀਤ ਸਿੰਘ ਪੁੱਤਰ ਕਾਕਾ ਸਿੰਘ ਵਾਸੀ ਮੁਹੱਲਾ ਅਜੀਤ ਨਗਰ ਰਾਮਪੁਰਾ ਫੂਲ ਜਿਲਾ ਬਠਿੰਡਾ ਨੇ ਦੱਸਿਆ ਕਿ ਉਹ ਟਰੱਕ ਨੰਬਰੀ PB03-AJ-9799 ਜੋ ਕੀਰਬ 10 ਸਾਲ ਤੋਂ ਚਲਾ ਰਿਹਾ ਹੈ। ਜਿਸਦਾ ਮਾਲਕ ਸੰਦੀਪ ਸਿੰਘ ਵਾਸੀ ਬਠਿੰਡਾ ਹੈ ਜੋ ਉਸਦੇ ਮਾਲਕ ਨੇ ਉਸਨੂੰ ਬਠਿੰਡਾ ਤੋ ਮਿਤੀ 13 04-22 ਨੂੰ ਸਿੰਧੀਬਿਨਾਇਕ ਕਰੈਸ਼ਰ ਤਲਵਾੜਾ ਕਰੈਸ਼ਰ ਲੈਣ ਭੇਜਿਆ ਸੀ ਜੋ ਗੱਡੀਆਂ ਦਾ ਰੱਛ ਹੋਣ ਕਰਕੇ ਉਸਦੀ ਮਿਤੀ 13-4-22 ਨੂੰ ਉਸਦੀ ਗੱਡੀ ਭਰਨ ਦੀ ਬਾਰੀ ਨਹੀ ਆਈ ਜਿਸਤੇ ਮਿਤੀ 14-04 22 ਨੂੰ ਉਹ ਹੋਰ ਕਰੈਸ਼ਰ ਤੇ ਜਾ ਰਿਹਾ ਸੀ ਤਾ ਜਦੋ ਉਹ ਮੇਨ ਰੋਡ

ਨੰਗਲ ਖਨੋੜਾ ਤੇ ਪੁੱਜਾ ਤਾ ਉਸਨੂੰ ਦੋ ਨਾਮਲੂਮ ਮੋਟਰ ਸਾਈਕਲ ਸਵਾਰ ਵਿਅਕਤੀਆਂ ਨੇ ਹੱਥ ਦੇ ਕੇ ਰੋਕਿਆ ਤੇ ਉਸੇ ਟਾਈਮ ਹੀ ਉਥੇ ਇੱਕ ਕਾਰ ਨੰਬਰੀ PB40- A-3295 ਮਾਰਕਾ ਬੈਗਨਾਰ ਆਈ ਜਿਸ ਵਿੱਚੋ ਪਿੰਦਰ ਨਾਮ ਦਾ ਲੜਕਾ ਉਤਰਿਆ ਜਿਸ ਨੂੰ ਉਹ ਪਹਿਲਾ ਤੋ ਹੀ ਜਾਣਦਾ ਸੀ। ਉਸ ਨੇ ਟਰੱਕ ਵਿੱਚ ਵੜ ਕੇ ਟੱਰਕ ਦੀ ਚਾਬੀਆ ਕੱਢ ਲਈ ਤੇ ਦੋ ਨਾ ਮਾਲੂਮ ਲੜਕਿਆਂ ਨੇ ਆਪਣਾ ਮੋਟਰ ਸਾਈਕਲ ਉਸਦੇ ਟੱਰਕ ਵਿੱਚ ਲੱਧ ਲਿਆ ਤੇ ਪਿੰਦਰ ਨੇ ਟਰੱਕ ਦੀ ਚਾਬੀ ਇੱਕ ਲੜਕੇ ਨੂੰ ਦੇ ਦਿੱਤੀ ਤੇ ਉਸਨੂੰ ਟਰੱਕ ਚਲਾ ਕੇ ਪਠਾਨਕੋਟ ਲੈ ਕੇ ਜਾਣ ਲਈ ਕਿਹਾ ਤੇ ਪਿੰਦਰ ਆਪ ਪਿੱਛੇ ਗੱਡੀ ਵਿੱਚ ਆ ਰਿਹਾ ਸੀ ਤੇ ਜਦੋ ਉਹ ਡਮਟਾਲ ਕੋਲ ਪੁੱਜੇ ਤਾ ਉਹਨਾ ਦੋ ਨਾ ਮਾਲੂਮ ਲੜਕਿਆ ਨੇ ਸਰਬਜੀਤ ਸਿੰਘ ਨੂੰ ਥੱਲੇ ਉਤਾਰ ਦਿੱਤਾ ਤੇ ਟੱਰਕ ਖੋਹ ਕੇ ਭੱਜ ਗਏ ।ਜਿਸ ਤੇ ਮੁਕਦਮਾ ਦਰਜ ਰਜਿਸਟਰ ਕੀਤਾ ਗਿਆ।