ਬਟਾਲਾ (ਅਵਿਨਾਸ਼ ਸ਼ਰਮਾ )

ਨਿਊ ਬਾਵਾ ਲਾਲ ‌ਜੀ ਹਸਪਤਾਲ ਧਿਆਨਪੁਰ ਵੱਲੋਂ ਫ੍ਰੀ ਲਗਾਏ ਮੈਡੀਕਲ ਕੈਂਪ ‘ਚ 520 ਮਰੀਜ਼ਾਂ ਨੇ ਕਰਵਾਇਆ ਚੈਕਅੱਪ

14 ਅਕਤੂਬਰ : ਨਿਊ ਬਾਵਾ ਲਾਲ ਜੀ ਹਸਪਤਾਲ ਧਿਆਨਪੁਰ ਵੱਲੋਂ ਸੁੱਖ ਭੰਡਾਰ ਚਰਚ ਵੰਡਾਲਾ ਬਾਂਗਰ ਵਿਚ ਫ੍ਰੀ ਮੈਡੀਕਲ ਕੈਂਪ ਲਗਾਇਆ ਗਿਆ। ਜਿਸ ਵਿੱਚ ਮਾਹਿਰ ਡਾਕਟਰਾਂ ਦੀਆਂ ਟੀਮਾਂ ਵੱਲੋਂ ਵੱਖ ਵੱਖ ਮਰੀਜ਼ਾਂ ਦਾ ਚੈੱਕਅੱਪ ਕੀਤਾ । ਜਿਸ ਵਿਚ ਡਾ ਕਿਸ਼ਨ ਚੰਦ ਰਿਟਾਇਰਡ ਸਿਵਲ ਸਰਜਨ ਵੱਲੋਂ ਮਰੀਜ਼ਾਂ ਦਾ ਜਨਰਲ ਚੈਕਅੱਪ ਕੀਤਾ ਗਿਆ , ਡਾ ਨਿਧੀ ਪੁਰੀ (ਐੱਮ ਡੀ) ਵੱਲੋਂ ਮਰੀਜ਼ ਔਰਤਾਂ ਅਤੇ ਮਰਦਾਂ ਦੇ ਕੈਂਸਰ ਦੇ ਟੈਸਟ ਪੀ ਐੱਸ ਏ 20 , ਪੈਪ ਸਮੀਅਰ 30 ਮਰੀਜ਼ਾ ਦੇ ਟੈਸਟ ਕਰਵਾਏ ਗਏ । ਡਾ ਸਿਮਰਨ ਐੱਮ ਡੀ ਵੱਲੋਂ ਲੇਡੀਜ਼ ਮਰੀਜ਼ਾਂ ਦਾ ਚੈੱਕਅੱਪ ਕੀਤਾ ਗਿਆ ਜਿਸ ਵਿਚ 350 ਮਰੀਜ਼ਾਂ ਦਾ ਅੱਖਾਂ ਦਾ ਚੈੱਕਅਪ ਕਰ ਕੇ ਐਨਕਾਂ ,ਦਵਾਈਆਂ ਅਤੇ ਅੱਖਾਂ ਲਈ ਦਾਰੂ ਵੀ ਦਿੱਤਾ ਗਿਆ । ਇਸ ਵਿਚ ਟੋਟਲ 520 ਦੇ ਕਰੀਬ ਮਰੀਜ਼ਾਂ ਦਾ ਚੈੱਕਅੱਪ ਕੀਤਾ ਗਿਆ ਨਿਊ ਬਾਵਾ ਲਾਲ ਜੀ ਹਸਪਤਾਲ ਦੇ ਐਮ ਡੀ ਡਾ ਸਿਮਰਨ ਨੇ ਜਾਣਕਾਰੀ ਦਿੱਤੀ ਕਿ ਹਰ ਮਹੀਨੇ ਇਸੇ ਤਰ੍ਹਾਂ ਦੇ ਕੈਂਪ ਵੱਖ ਵੱਖ ਜਗ੍ਹਾ ਤੇ ਲਗਾਏ ਜਾਣਗੇ ਤਾਂ ਜੋ ਲੋਕਾਂ ਨੂੰ ਕੈਂਸਰ ਰੂਪੀ ਬਿਮਾਰੀ ਤੋਂ ਬਚਾਇਆ ਜਾ ਸਕੇ। ਇਸ ਮੌਕੇ ਬਿਪਸ ਰਿਆਜ਼ ਮਸੀਹ ,ਤੇਜਾ ਵਡਾਲਾ ਬਾਂਗਰ, ਬੱਬੂ ਪ੍ਰਧਾਨ, ਅਲੀਸਾ ਤੇਜਾ, ਗੁਲਜ਼ਾਰ ਮਸੀਹ, ਰੌਣਕੀ ਰਾਮ ,ਪਰਮਿੰਦਰ ਜੌਨ ਫਾਰਮਾਸਿਸਟ ,ਮੋਨਿਕਾ ,ਗੁਰਪ੍ਰੀਤ, ਡਾ ਗਗਨਦੀਪ, ਕੰਵਲਜੀਤ, ਆਗਿਆਪਾਲ, ਰਮਨਜੀਤ ਕੌਰ , ਸਵਰੀਤ ਕੌਰ, ਅਲਕਾ ਕੁਮਾਰੀ, ਜੁਗਰਾਜ ਸਿੰਘ ਆਦਿ ਹਾਜ਼ਰ ਸਨ ।