ਦਸੂਹਾ/ ਮਿਆਣੀ, 17 ਜਨਵਰੀ (ਚੌਧਰੀ )- ਅੱਜ ਸਵੇਰੇ ਕਰੀਬ 10 / 11 ਵਜੇ ਪਿੰਡ ਆਲਮਪੁਰ ਤੋਂ ਦਸੂਹਾ ਵੱਲ ਨੂੰ ਆ ਰਹੀ ਇੱਕ ਕਾਰ ਨੰਬਰ ਪੀ.ਬੀ.07 ਏ.ਕੇ.6008 ਹਾਦਸਾਗ੍ਰਸਤ ਹੋ ਗਈ। ਜਿਸ ‘ਚ ਇੱਕ ਪਰਿਵਾਰ ਦੇ 4 ਜੀਅ ਸਵਾਰ ਸਨ। ਇਸ ਹਾਦਸੇ ਦੌਰਾਨ ਇੱਕ ਛੋਟੀ ਬੱਚੀ ਦੀ ਮੌਤ ਹੋ ਗਈ ਤੇ 3 ਕਾਰ ਸਵਾਰ ਜ਼ਖ਼ਮੀ ਹੋ ਗਏ।ਇਸ ਕਾਰ ਨੂੰ ਭੁਪਿੰਦਰ ਸਿੰਘ ਪੁੱਤਰ ਸੂਰਤ ਸਿੰਘ ਵਾਸੀ ਆਲਮਪੁਰ (37 ਸਾਲ) ਚਲਾ ਰਿਹਾ ਸੀ। ਜਿਸ ‘ਚ ਉਸ ਨਾਲ ਉਸਦੀ ਪਤਨੀ ਕੁਲਵਿੰਦਰ ਕੌਰ (35 ਸਾਲ), ਬੇਟੀ ਅਸ਼ਮੀਤ (5ਸਾਲ) ਤੇ ਬੋਟਾ ਪਰਮ (1 ਸਾਲ) ਸਵਾਰ ਸਨ। ਇਸ ਮੌਕੇ ਛੋਟੀ ਬੱਚੀ ਅਸ਼ਮੀਤ ਦੀ ਮੌਤ ਹੋ ਗਈ ਤੇ ਬਾਕੀ 3 ਜਣੇ ਜ਼ਖ਼ਮੀ ਹੋ ਗਏ। ਇਸ ਸੰਬੰਧੀ ਪੁਲੀਸ ਅਗਲੀ ਕਾਰਵਾਈ ਕਰ ਰਹੀ ਹੈ।