ਗੜ੍ਹਦੀਵਾਲਾ 12 ਅਗਸਤ (ਚੌਧਰੀ) 

: ਸ਼ਕਤੀ ਮੰਡਲ ਸੋਸਾਇਟੀ, ਰਜੀ ਗੜ੍ਹਦੀਵਾਲਾ ਵੱਲੋਂ ਕਰਵਾਏ ਜਾ ਰਹੇ 44ਵੇਂ ਸਾਲਾਨਾ ਵਿਸ਼ਾਲ ਮਾਤਾ ਚਿੰਤਪੂਰਨੀ ਲੰਗਰ ਮੇਲੇ ਦੀਆਂ ਤਿਆਰੀਆਂ ਲਗਭਗ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਇਸ ਸੰਬੰਧੀ ਸ਼ਕਤੀ ਮੰਡਲ ਸੋਸਾਇਟੀ ਦੇ ਮੈਂਬਰਾਂ ਦੀ ਇੱਕ ਮੀਟਿੰਗ ਸ਼ਿਵ ਸ਼ਕਤੀ ਜੰਜ ਘਰ ਗੜ੍ਹਦੀਵਾਲਾ ਵਿਖੇ ਪ੍ਰਧਾਨ ਵਿਜੇ ਕੁਮਾਰ ਤੇ ਚੇਅਰਮੈਨ ਡਾ ਸੰਜੀਵ ਸ਼ਰਮਾ ਦੀ ਪ੍ਰਧਾਨਗੀ ਹੇਠ ਹੋਈ, ਜਿਸ ਵਿੱਚ ਸਮਾਗਮ ਦੌਰਾਨ ਕਰਵਾਏ ਜਾਣ ਵਾਲੇ ਵੱਖ-ਵੱਖ ਧਾਰਮਿਕ ਪ੍ਰੋਗਰਾਮਾਂ ਸਬੰਧੀ ਵਿਚਾਰ-ਵਟਾਂਦਰਾ ਕੀਤਾ ਗਿਆ ਅਤੇ ਸਮੂਹ ਮੈਂਬਰਾਂ ਦੀਆਂ ਡਿਊਟੀਆਂ ਲਗਾਈਆਂ ਗਈਆਂ।

ਸਮਾਗਮ ਸਬੰਧੀ ਜਾਣਕਾਰੀ ਦਿੰਦਿਆਂ ਸਕੱਤਰ ਸੁਖਜੀਤ ਸਹੋਤਾ ਨੇ ਦੱਸਿਆ ਕਿ 14 ਅਗਸਤ ਨੂੰ ਸ਼ਾਮ 4:30 ਵਜੇ ਗੜ੍ਹਦੀਵਾਲਾ ਸ਼ਹਿਰ ਵਿੱਚ ਭਵਿਆ ਝੰਡਾ ਫੇਰੀ ਕੱਢੀ ਜਾਵੇਗੀ। ਇਸ ਤੋਂ ਬਾਅਦ 15 ਅਗਸਤ ਨੂੰ ਮਹਿਸ਼ਾਸੁਰਮਰਦਿਨੀ ਸ਼੍ਰੀ ਦੇਵੀ ਮੰਦਰ ਵਿਖੇ ਮਾਤਾ ਰਾਣੀ ਦਾ ਵਿਸ਼ਾਲ ਜਾਗਰਣ ਕਰਵਾਇਆ ਜਾਵੇਗਾ, ਜਿਸ ਵਿੱਚ ਪ੍ਰਸਿੱਧ ਭਜਨ ਗਾਇਕ ਪੰਕਜ ਮਨਹਾਸ ਐਂਡ ਪਾਰਟੀ (ਮੁਕੇਰੀਆਂ) ਮਾਤਾ ਰਾਣੀ ਦਾ ਗੁਣਗਾਨ ਕਰਨਗੇ।

ਇਸ ਉਪਰੰਤ 17, 18, 19 ਅਤੇ 20 ਅਗਸਤ ਨੂੰ ਜੱਲੋਂ ਦੀ ਵੜ੍ਹ ਧਰਮਸ਼ਾਲਾ, ਗੜ੍ਹਦੀਵਾਲਾ ਵਿਖੇ 44ਵੇਂ ਸਾਲਾਨਾ ਵਿਸ਼ਾਲ ਲੰਗਰ ਮੇਲੇ ਦਾ ਆਯੋਜਨ ਕੀਤਾ ਜਾਵੇਗਾ। ਇਸ ਦੌਰਾਨ ਹਜ਼ਾਰਾਂ ਸ਼ਰਧਾਲੂਆਂ ਅਤੇ ਰਾਹਗੀਰਾਂ ਲਈ ਲੰਗਰ ਦੀ ਵਿਸ਼ੇਸ਼ ਵਿਵਸਥਾ ਕੀਤੀ ਜਾਵੇਗੀ। 19 ਅਗਸਤ ਨੂੰ ਮਾਤਾ ਰਾਣੀ ਦੇ ਵਿਸ਼ਾਲ ਜਾਗਰਣ ਵਿੱਚ ਪ੍ਰਸਿੱਧ ਭਜਨ ਗਾਇਕਾ ਸਰਿਤਾ ਸ਼ਰਮਾ ਐਂਡ ਪਾਰਟੀ (ਟਾਂਡਾ) ਵੱਲੋਂ ਭਜਨਾਂ ਰਾਹੀਂ ਸ਼ਰਧਾਲੂਆਂ ਨੂੰ ਭਗਤੀ ਰਸ ਨਾਲ ਜੋੜਿਆ ਜਾਵੇਗਾ । ਲੰਗਰ ਮੇਲੇ ਦੇ ਚਾਰੇ ਦਿਨ ਸ਼ਰਮਾ ਹਸਪਤਾਲ, ਗੜ੍ਹਦੀਵਾਲਾ ਵੱਲੋਂ ਮੁਫ਼ਤ ਮੈਡੀਕਲ ਕੈਂਪ ਵੀ ਲਗਾਇਆ ਜਾਵੇਗਾ, ਜਿਸ ਵਿੱਚ ਲੋੜਵੰਦ ਲੋਕਾਂ ਨੂੰ ਸਿਹਤ ਸੇਵਾਵਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ।

ਸ਼ਕਤੀ ਮੰਡਲ ਸੋਸਾਇਟੀ ਨੇ ਇਲਾਕੇ ਦੀ ਸੰਗਤ ਅਤੇ ਸ਼ਰਧਾਲੂਆਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਪਾਵਨ ਧਾਰਮਿਕ ਸਮਾਗਮ ਵਿੱਚ ਤਨ, ਮਨ ਅਤੇ ਧਨ ਨਾਲ ਸਹਿਯੋਗ ਕਰਨ ਅਤੇ ਵੱਧ ਤੋਂ ਵੱਧ ਗਿਣਤੀ ਵਿੱਚ ਪਹੁੰਚ ਕੇ ਮਾਤਾ ਸ਼੍ਰੀ ਚਿੰਤਪੂਰਨੀ ਜੀ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ। ਸੋਸਾਇਟੀ ਮੈਂਬਰਾਂ ਨੇ ਕਿਹਾ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਲੰਗਰ ਮੇਲਾ ਸ਼ਰਧਾ, ਭਗਤੀ ਅਤੇ ਸੇਵਾ ਦਾ ਅਨੂਠਾ ਸੰਗਮ ਬਣੇਗਾ।

ਇਸ ਮੌਕੇ ਹਾਜ਼ਰ ਮੈਂਬਰਾਂ ‘ਚ ਜੀਵਨ ਵਰਮਾ,ਆਦੇਸ਼ ਗੁਪਤਾ,ਲਵਲੀ ਵਰਮਾ, ਰਿੰਪੀ,ਦਿਸ਼ਾਂਤ ਬਹਿਲ, ਸਚਿਨ ਰੂਪੋਵਾਲੀਆ,, ਸੁਰਿੰਦਰ ਸ਼ਿੰਦਾ, ਸੁਭਾਸ਼ ਕੁਮਾਰ ਬਾਸੀ, ਸ਼ੈਂਕੀ ਕਲਿਆਣ,ਪ੍ਰਥਮ ਸੇਠ, ਗਣੇਸ਼ ਦੱਤ, ਗੋਪਾਲ ਐਰੀ, ਯੋਗੇਸ਼ ਗੁਪਤਾ, ਕਨਿਸ਼ਕ ਕਪਿਲਾ, ਹੈਪੀ, ਕਿਸ਼ੋਰੀ ਲਾਲ, ਨਰਿੰਦਰ ਕੁਮਾਰ ਸਤਕਰਤਾਰ, ਬਲਰਾਮ ਗੁਪਤਾ, ਪੰਡਿਤ ਜੌਹਲ, ਮਹੇਸ਼ ਕੁਮਾਰ, ਰਵੀ ਕੁਮਾਰ, ਰਮੇਸ਼ ਕੁਮਾਰ, ਫ਼ੌਜੀ ਅਤੇ ਸ਼ਿਵਮ ਵਰਮਾ ਆਦਿ ਸਮੂਹ ਸੋਸਾਇਟੀ ਮੈਂਬਰ ਹਾਜ਼ਰ ਸਨ।