ਗੁਰਦਾਸਪੁਰ ( ਅਸ਼ਵਨੀ )

19 ਅਪ੍ਰੈਲ – ਰਿਸ਼ਤੇਦਾਰ ਦੱਸ ਕੇ ਫ਼ੋਨ ਕਰਕੇ ਠੱਗੀ ਮਾਰਨ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ । ਸਥਾਨਕ ਗਲੀ ਮੋਹਨ ਪਲਾਜਾ ਡੇਰਾ ਬਾਬਾ ਨਾਨਕ ਰੋਡ ਵਸਨੀਕ ਇਕ ਵਿਅਕਤੀ ਨੂੰ ਫਰਜੀ ਰਿਸ਼ਤੇਦਾਰ ਭਾਣਜਾ ਦੱਸ ਕੇ 16.25 ਲੱਖ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ਵਿੱਚ ਪੁਲਿਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਦੀ ਪੁਲਿਸ ਵਲੋ ਚਾਰ ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ । ਅਜੈਬ ਸਿੰਘ ਪੁੱਤਰ ਲੇਟ ਗੁਲਜ਼ਾਰ ਸਿੰਘ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀ ਦੱਸਿਆ ਕਿ ਉਸ ਨੂੰ ਕਿਸੇ ਨੇ ਕਾਲ ਕਰਕੇ ਕਨੇਡਾ ਰਹਿੰਦਾ ਉਸ ਦਾ ਭਾਣਜਾ ਦੱਸਿਆ ਤੇ ਗੱਲਾ ਵਿੱਚ ਲੈ ਕੇ ਸੰਦੀਪ ਸ਼੍ਰੀ ਵਾਸੀ ਹਰਿਆਣਾ , ਪਰਸਨਾਥ ਵਾਸੀ ਝਾਰਖੰਡ , ਸ਼ਿਵ ਕੁਮਾਰ ਕੰਧਾਰੇ ਮੱਧ ਪ੍ਰਦੇਸ਼ ਅਤੇ ਆਸਵਾਤੀਸੇਨ ਵਾਸੀ ਮੱਧ ਪ੍ਰਦੇਸ਼ ਨੇ ਆਪਣੇ ਖਾਤਿਆਂ ਵਿੱਚ 16.25 ਲੱਖ ਰੁਪਏ ਟਰਾਂਸਫਰ ਕਰਵਾ ਕੇ ਧੋਖਾਧੜੀ ਕੀਤੀ ਹੈ । ਸਹਾਇਕ ਸਬ ਇੰਸਪੈਕਟਰ ਪਰਮਜੀਤ ਸਿੰਘ ਨੇ ਦੱਸਿਆ ਕਿ ਅਜੈਬ ਸਿੰਘ ਵੱਲੋ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਕਪਤਾਨ ਪੁਲਿਸ ਸਿਟੀ ਗੁਰਦਾਸਪੁਰ ਵੱਲੋ ਕਰਨ ਉਪਰਾਂਤ ਉਕਤ ਚਾਰ ਵਿਅਕਤੀ ਨੂੰ ਨਾਮਜ਼ਦ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ।