ਬਟਾਲਾ 3 ਨਵੰਬਰ (ਅਵਿਨਾਸ਼ ਸ਼ਰਮਾ) 

: ਸ਼ਿਵ ਸੈਨਾ ਊਧਵ ਠਾਕਰੇ ਪੰਜਾਬ ਦੇ ਮੀਤ ਪ੍ਰਧਾਨ ਰਮੇਸ਼ ਨਈਅਰ , ਪੱਤਰਕਾਰ ਅਸ਼ੋਕ ਨਈਅਰ ਅਤੇ ਪੰਜਾਬ ਚੰਡੀਗੜ੍ਹ ਪ੍ਰੈਸ ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਸੰਜੀਵ ਨਈਅਰ ਦੇ ਪਿਤਾ ਰਾਮ ਲੁਭਾਇਆ ਦਾ 105 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਸੀ। ਰੱਖੜਾ ਪੈਲੇਸ ਕਾਦੀਆਂ ਵਿਖੇ ਅੱਜ ਉਹਨਾਂ ਦੀ ਅੰਤਿਮ ਅਰਦਾਸ, ਰਸਮ ਕਿਰਿਆ ਅਤੇ ਸ਼ਰਧਾਂਜਲੀ ਸਮਾਗਮ ਕਰਵਾਇਆ ਗਿਆ।

ਇਸ ਮੌਕੇ ਕਾਦੀਆਂ ਅਤੇ ਬਟਾਲਾ ਤੋਂ ਵੱਡੀ ਗਿਣਤੀ ਵਿੱਚ ਪੱਤਰਕਾਰ ਭਾਈਚਾਰਾ , ਰਾਜਨੀਤਕ ਪਾਰਟੀਆਂ ਦੇ ਆਗੂ ਅਤੇ ਧਾਰਮਿਕ ਸੰਗਤਾਂ ਨੇ ਸ਼ਮੂਲੀਅਤ ਕੀਤੀ। ਇਸ ਮੌਕੇ ਹਲਕਾ ਸ੍ਰੀ ਹਰਗੋਬਿੰਦਪੁਰ ਦੇ ਸਾਬਕਾ ਵਿਧਾਇਕ ਅਤੇ ਭਾਜਪਾ ਆਗੂ ਬਲਵਿੰਦਰ ਸਿੰਘ ਲਾਡੀ ਨੇ ਸ਼ਰਧਾਂਜਲੀ ਭੇਂਟ ਕਰਦਿਆਂ ਕਿਹਾ ਕਿ ਰਾਮ ਲੁਭਾਇਆ ਜੀ ਨੇ ਆਪਣਾ ਸਮੁੱਚਾ ਜੀਵਨ ਬੜੀ ਸਾਦਗੀ ਨਾਲ ਮਨੁੱਖਤਾ ਦੀ ਸੇਵਾ ਅਤੇ ਰਾਧਾ ਸੁਆਮੀ ਡੇਰਾ ਬਿਆਸ ਸੇਵਾ ਵਿਚ ਬਤੀਤ ਕੀਤਾ। ਇਸ ਮੌਕੇ ਅਕਾਲੀ ਦਲ (ਬਾਦਲ) ਦੇ ਹਲਕਾ ਇੰਚਾਰਜ ਗੁਰਇਕਬਾਲ ਸਿੰਘ ਮਾਹਲਾ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਰਾਮ ਲੁਭਾਇਆ ਦੇ ਦੇਹਾਂਤ ਨਾਲ ਸ਼ਹਿਰ ਵਾਸੀਆਂ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਉਹ ਬਹੁਤ ਧਾਰਮਿਕ ਕੰਮਾਂ ਵਿੱਚ ਰੁੱਚੀ ਰੱਖਦੇ ਸਨ । ਇਸ ਮੌਕੇ ਅਜ਼ੇ ਮਹਾਜਨ, ਜੋਗਿੰਦਰ ਕੁਮਾਰ ਅੰਗੂਰਾਲਾ, ਭਾਜਪਾ ਆਗੂ ਬੀਬੀ ਕੁਲਵੰਤ ਕੌਰ, ਸੈਂਡੀ ਗਿੱਲ ਸਮੇਤ ਕਈ ਆਗੂਆਂ ਨੇ ਸੰਬੋਧਨ ਕੀਤਾ ਅਤੇ ਵਿਛੜੀ ਰੂਹ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ । ਅਖੀਰ ਵਿਚ ਸੀਨੀਅਰ ਪੱਤਰਕਾਰ ਸੈਡੀ ਗਿੱਲ ਨੇ ਇਸ ਦੁਖ ਦੀ ਘੜੀ ਵਿੱਚ ਪਰਿਵਾਰ ਨਾਲ ਦੁੱਖ ਵੰਡਾਵਣ ਲਈ ਪਹੁੰਚੇ ਦੂਰੋਂ ਨੇੜਿਓਂ ਆਏ ਪਤਵੰਤੇ ਸੱਜਣਾਂ ਦਾ ਧਨਵਾਦ ਕੀਤਾ । ਇਸ ਮੌਕੇ ਨਗਰ ਕੌਾਸਲ ਦੇ ਮੀਤ ਪ੍ਰਧਾਨ ਚੌਧਰੀ ਅਬਦੁਲ ਵਾਸੇ , ਮੇਅਰ ਸੁਖਦੀਪ ਸਿੰਘ ਤੇਜਾ , ਕਸਤੂਰੀ ਲਾਲ ਸੇਠ , ਕੋਸਲਰ ਚੰਦਰ ਮੋਹਨ ਵਿਜ, ਲੱਖ ਦਾਤਾ ਦਰਬਾਰ ਦੇ ਚੇਅਰਮੈਨ .ਜੋਗਿੰਦਰਪਾਲ ਬਿੱਟੂ, ਗੁਲਸ਼ਨ ਸਰਾਫ਼, ‘ਆਪ’ ਆਗੂ ਦਵਿੰਦਰ ਸ਼ਰਮਾਂ, ਸਹਾਰਾ ਕਲੱਬ ਤੋਂ ਜਤਿੰਦਰ ਕੱਦ , ਬਿਟੂ ਯਾਦਵ , ਬਲਦੇਵ ਸਿੰਘ ਖ਼ਾਲਸਾ , ਅਸ਼ੋਕ ਜਰੇਵਾਲ , ਰਿੰਕੂ ਰਾਜਾ,ਪਵਨ ਤ੍ਰੇਹਨ ਅਤੇ ਵੱਡੀ ਗਿਣਤੀ ‘ਚ ਆਗੂ ਹਾਜ਼ਰ ਸਨ |