ਬਸਪਾ ਜਿਲਾ ਸਕੱਤਰ ਗੁਰਦੀਪ ਸਿੰਘ ਬਬਲੂ ਦੇ ਨਿਵਾਸ ਤੇ ਹੋਇ ਬੈਠਕ।

ਗੜ੍ਹਦੀਵਾਲਾ 25 ਅਪ੍ਰੈਲ : (ਯੋਗੇਸ਼ ਗੁਪਤਾ) ਹਲਕਾ ਉੜਮੁੜ ਟਾਂਡਾ ਦੇ ਸ਼ਹਿਰ ਗੜ੍ਹਦੀਵਾਲਾ ਵਿਖੇ ਬਹੁਜਨ ਸਮਾਜ ਪਾਰਟੀ ਦੇ ਹਾਈ ਕਮਾਂਡ ਦੇ ਆਗੂਆਂ ਦੀ ਜਿਲ੍ਹਾ ਸਕੱਤਰ ਗੁਰਦੀਪ ਸਿੰਘ ਦੇ ਨਿਵਾਸ ਤੇ ਚਰਚਾ ਬੈਠਕ ਕੀਤੀ ਗਈ।ਜਿਸ ਵਿਚ ਪੰਜਾਬ ਪ੍ਰਧਾਨ ਜਸਵੀਰ ਸਿੰਘ ਗੜ੍ਹੀ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ।ਇਸ ਮੌਕੇ ਉਨ੍ਹਾਂ ਨਾਲ ਪੰਜਾਬ ਦੇ ਆਗੂ ਗੁਰਲਾਲ ਸੈਲਾ ਹਲਕਾ ਉੜਮੁੜ ਦੇ ਇੰਚਾਰਜ ਮਨਿੰਦਰ ਸ਼ੇਰਪੁਰੀ ਵੀ ਬੈਠਕ ਚ ਸ਼ਾਮਿਲ ਹੋਏ।ਇਸ ਮੌਕੇ ਪੰਜਾਬ ਪ੍ਰਧਾਨ ਜਸਵੀਰ ਸਿੰਘ ਗੜ੍ਹੀ ਨੇ ਪਾਰਟੀ ਦੀ ਮਜ਼ਬੂਤੀ ਲਈ ਵੱਖ ਵੱਖ ਅਹਿਮ ਮਸਲਿਆਂ ਤੇ ਚਰਚਾ ਕੀਤੀ।ਉਨ੍ਹਾਂ ਕਿਹਾ ਕਿ ਬਸਪਾ ਅਕਾਲੀ ਗਠਜੋੜ ਆਉਣ ਵਾਲੇ ਸਮੇਂ ‘ਚ ਲੋਕ ਹਿਤ ਕਾਰਜ ਕਰਨ ‘ਚ ਮੋਹਰੀ ਰਹੇਗਾ ਕਿਊਕਿ ਪੰਜਾਬ ‘ਚ ਬਣੀ ਨਵੀਂ ਸਰਕਾਰ ਦਾ ਸੱਚ ਜਗ ਜਾਹਿਰ ਹੋ ਰਿਹਾ ਹੈ ਤੇ ਬਸਪਾ ਗਠਜੋੜ ਸਰਕਾਰ ਦੇ ਲੋਕਾਂ ਵਿਰੁੱਧ ਲਏ ਫੈਸਲਿਆ ਦਾ ਡਟ ਕੇ ਕਰੇਗਾ।ਉਨ੍ਹਾਂ ਕਿਹਾ ਕਿ ਪਹਿਲਾਂ ਤੋਂ ਮਹਿਗਾਈ ਤੇ ਆਰਥਿਕ ਤੰਗੀ ਦੀ ਮਾਰ ਹੇਠ ਆਏ ਕਿਸਾਨ ਪ੍ਰੇਸ਼ਾਨ ਹਨ ਤੇ ਆਪ ਸਰਕਾਰ ਨੇ ਕਿਸਾਨ ਵਿਰੋਧੀ ਫੈਸਲਾ ਲਿਆ ਤੇ ਕੁਝ ਕਿਸਾਨਾਂ ਦੀਆਂ ਗਿਰਫ਼ਤਾਰੀਆਂ ਵੀ ਕਾਰਵਾਈਆਂ ਜਿਨ੍ਹਾਂ ਤੋਂ ਕਰਜ਼ਾ ਵਾਪਸ ਨਹੀਂ ਕਰ ਹੋਇਆ ਸੀ।ਜਦਕਿ ਆਮ ਆਦਮੀ ਪਾਰਟੀ ਦੀ ਪੰਜਾਬ ਸਰਕਾਰ ਨੂੰ ਉਨ੍ਹਾਂ ਦੇ ਕਰਜੇ ਮਾਫ਼ ਕਰਨੇ ਚਾਹੀਦੇ ਸਨ। ਹਾਲਾਂਕਿ ਸਰਕਾਰ ਦਾ ਕਿਸਾਨ ਵਿਰੋਧੀ ਚਿਹਰਾ ਜਗ ਜਾਹਿਰ ਹੋਣ ਤੋਂ ਬਾਅਦ ਕਿਸਾਨਾਂ ਚ ਭਾਰੀ ਰੋਸ ਪਾਇਆ ਗਿਆ,ਜਿਸਤੋਂ ਬਾਅਦ ਇਹ ਫੈਸਲੇ ਤੇ ਰੋਕ ਲਗਾਈ ਗਈ। ਦੂਜਾ ਫੈਸਲਾ ਜਗਾੜੂ ਰਿਹੜੀਆਂ ਬੰਦ ਕਰਨ ਦਾ ਲਿਆ ਗਿਆ ਜਿਸ ਨਾਲ ਜਗਾੜੂ ਰਿਹੜੀਆਂ ਬਣਾ ਕੇ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਚਲਾਉਣ ਵਾਲਿਆਂ ਵਿਚ ਭਾਰੀ ਰੋਸ ਪਾਇਆ ਗਿਆ ਜਿਸਦਾ ਡੱਟ ਕੇ ਵਿਰੋਧ ਹੋਇਆ ਜਿਸ ਤੋਂ ਬਾਅਦ ਇਹ ਫੈਸਲਾ ਵੀ ਨਵੀਂ ਬਣੀ ਸਰਕਾਰ ਨੂੰ ਵਾਪਿਸ ਲੈਣਾ ਪਿਆ। ਉਨ੍ਹਾਂ ਕਿਹਾ ਕਿ ਜਿਸ ਸਰਕਾਰ ਨੂੰ ਇਹ ਨਹੀਂ ਪਤਾ ਕਿਹੜਾ ਫੈਸਲਾ ਲੈਣਾ ਚਾਹੀਦਾ ਕਿਹੜਾ ਨਹੀਂ ਉਹ ਸਰਕਾਰ ਆਪਣੇ ਕਾਰਜਕਾਲ ਚ ਪੰਜਾਬ ਵਿੱਚ ਕਿਸ ਤਰ੍ਹਾਂ ਦੇ ਹਲਾਤ ਪੈਦਾ ਕਰੇਗੀ, ਇਹ ਗੰਭੀਰ ਵਿਚਾਰ ਵਾਲੀ ਗੱਲ ਹੈ।ਉਨ੍ਹਾਂ ਪਾਰਟੀ ਦੇ ਅਹੁਦੇਦਾਰਾਂ, ਵਰਕਰਾਂ ਸਮਰਥਕਾਂ ਤੇ ਕਿਸੇ ਵੀ ਪਾਰਟੀ ਨਾਲ ਸਬੰਧ ਰੱਖਦੇ ਲੋਕਾਂ ਨੂੰ ਇੱਕ ਜੁਟ ਹੋਣ ਦੀ ਅਪੀਲ ਕਰਦੇ ਹੋਏ ਕਿਹਾ ਕਿ ਜੇਕਰ ਪੰਜਾਬ ਸਰਕਾਰ ਲੋਕ ਵਿਰੋਧੀ ਨੀਤੀਆਂ ਦੀ ਵਰਤੋਂ ਕਰੇਗੀ ਤਾਂ ਬਸਪਾ ਅਕਾਲੀ ਦਲ ਗਠਜੋੜ ਲੋਕਾਂ ਦੇ ਹਿੱਤ ਚ ਖੜ੍ਹੀ ਹੋਵੇਗੀ ਕਿਸੇ ਨਾਲ ਧੱਕੇਸ਼ਾਹੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ।ਇਸ ਮੌਕੇ ਜਿਲ੍ਹਾ ਇੰਚਾਰਜ ਗੁਰਦੇਵ ਬਿੱਟੂ,ਯੂਥ ਵਿੰਗ ਪ੍ਰਧਾਨ ਗੁਰਪਾਲ ਸਿੰਘ ਆਦਿ ਹਾਜਰ ਸਨ।