21 ਸਾਲਾਂ ਲੜਕੀ ਨੂੰ ਜਰੂਰੀ ਗੱਲ ਕਰਨ ਦੇ ਬਹਾਨੇ ਬੁਲਾ ਕੇ ਦਿੱਤਾ ਘਿਨੌਣੀ ਵਾਰਦਾਤ ਨੂੰ ਅੰਜਾਮ,ਤਿੰਨ ਤੇ ਮਾਮਲਾ ਦਰਜ

ਗੜਸ਼ੰਕਰ / ਹੁਸ਼ਿਆਰਪੁਰ 25 ਅਪ੍ਰੈਲ (ਬਿਊਰੋ) : ਸਧਾਨਕ ਪੁਲਸ ਵਲੋਂ 21 ਸਾਲਾਂ ਲੜਕੀ ਨਾਲ ਰੇਪ ਕਰਨ ਤੇ ਦੋ ਨੌਜਵਾਨਾਂ ਸਮੇਤ ਇੱਕ ਔਰਤ ਤੇ ਮਾਮਲਾ ਦਰਜ ਕੀਤਾ ਹੈ।

ਗੜ੍ਹਸ਼ੰਕਰ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ 21 ਸਾਲਾਂ ਲੜਕੀ ਨੇ ਕਿਹਾ ਕਿ ਮੈਂ ਘਰੇਲੂ ਕੰਮ ਕਰਦੀ ਹੈ ਤੇ ਅਠੱਵੀ ਕਲਾਸ ਤੱਕ ਦੀ ਪੜਾਈ ਕੀਤੀ ਹੋਈ ਹੈ।ਇੱਕ ਲੜਕਾ ਜੋ ਪਿੰਡ ਬਿਲੜੋ ਦਾ ਰਹਿਣ ਵਾਲਾ ਹੈ ਨਾਲ ਮੇਰੀ ਗੁਵਾਢਣ ਨੇ ਕਰੀਬ 2 ਸਾਲ ਪਹਿਲਾਂ ਉਸ ਨਾਲ ਦੋਸਤੀ ਕਰਵਾਈ ਸੀ ਮਿਤੀ 22-04-2022 ਨੂੰ ਉਸਦਾ ਪਿਤਾ ਰਿਸ਼ਤੇਦਾਰੀ ਵਿੱਚ ਬਾਹਰ ਗਿਆ ਹੋਇਆ ਸੀ ਅਤੇ ਜਿਨ੍ਹਾਂ ਨੇ ਮਿਤੀ 23-04-2022 ਨੂੰ ਵਾਪਸ ਆਉਣਾ ਸੀ ਉਸਦਾ ਵੱਡਾ ਭਰਾ ਵੀ ਕੰਮ ਤੇ ਗਿਆ ਸੀ। ਉਹ ਤੇ ਉਸਦਾ ਭਰਾ ਸੰਨੀ ਘਰ ਵਿੱਚ ਇਕੱਲੇ ਸਨ ਮਿਤੀ 22-04-22 ਨੂੰ ਰਾਤ ਵਕਤ ਕਰੀਬ 10:30 ਵਜੇ ਉਸਨੂੰ ਉਸਦੇ ਦੋਸਤ ਬੰਟੀ ਦਾ ਫੋਨ ਆਇਆ ਕਿ ਉਸਨੇ ਉਸ ਨਾਲ ਕੋਈ ਜਰੂਰੀ ਗੱਲ ਕਰਨੀ ਹੈ ਉਸਦਾ ਦੋਸਤ ਘਰ ਦੇ ਬਾਹਰ ਗੱਡੀ ਲੈ ਕੇ ਖੜਾ ਹੈ। ਲੜਕੀ ਨੂੰ ਬਾਹਰ ਆਉਣ ਲਈ ਕਿਹਾ ਜਦੋਂ ਲੜਕੀ ਬਾਹਰ ਆਈ ਤਾਂ ਬੰਟੀ ਨੇ ਕਿਹਾ ਕਿ ਉਸ ਨੇ ਲੜਕੀ ਨਾਲ ਕੋਈ ਜਰੂਰੀ ਗੱਲ ਕਰਨੀ ਹੈ ਗੱਡੀ ਵਿੱਚ ਬੈਠ ਜਾ। ਜਿਸ ਤੇ ਲੜਕੀ ਗੱਡੀ ਦੀ ਮੋਹਰਲੀ ਸੀਟ ਤੇ ਬੈਠ ਗਈ ਅਤੇ ਤੇ ਗੱਡੀ ਦੀ ਪਿਛਲੀ ਸੀਟ ਤੇ ਬੰਟੀ ਦੀ ਭਾਬੀ ਅਤੇ ਭਰਾ ਸੰਨੀ ਬੈਠੇ ਹੋਏ ਸਨ ਜੋ ਬੰਟੀ ਸਾਰਿਆਂ ਨੂੰ ਗੱਡੀ ਵਿੱਚ ਬਿਠਾ ਕੇ ਪਿੰਡ ਬਿਲੜੋ ਵਿਖੇ ਲੈ ਕੇ ਗਿਆ ।ਜੋ ਬੰਟੀ ਨੇ ਲੜਕੀ ਨੂੰ ਗੱਡੀ ਵਿੱਚ ਉਤਾਰ ਕੇ ਆਪਣੇ ਮੱਝਾਂ ਵਾਲੇ ਵਾੜੇ ਅੰਦਰ ਲੈ ਗਿਆ ਤੇ ਬੰਟੀ ਦੀ ਭਾਬੀ ਅਤੇ ਭਰਾ ਸੰਨੀ ਗੱਡੀ ਦੇ ਵਿੱਚ ਹੀ ਬੈਠੇ ਰਹੇ ।ਜਿੱਥੇ ਬੰਟੀ ਨੇ ਲੜਕੀ ਨਾਲ ਉਕਤ ਨਾਲ ਸਹਮਿਤੀ ਤੋ ਬਿਨਾਂ ਡਰਾ ਧਮਕਾ ਕੇ ਗਲਤ ਕੰਮ ਕੀਤਾ ਜੋ ਫਿਰ ਕੁੱਝ ਸਮੇਂ ਬਾਅਦ ਬੰਟੀ ਨੂੰ ਕਿਸੇ ਦਾ ਫੋਨ ਆਇਆ ਕਿ ਲੜਕੀ ਨੂੰ ਉਸਦੇ ਘਰ ਵਾਲੇ ਲੱਭ ਰਹੇ ਹਨ ਤਾਂ ਬੰਟੀ ਨੇ ਲੜਕੀ ਨੂੰ ਗੱਡੀ ਵਿੱਚ ਬਿਠਾ ਕੇ ਕੁੱਟਮਾਰ ਕਰਕੇ ਕੁੱਝ ਦੂਰੀ ਤੇ ਪਿੰਡ ਮਜਾਰੀ ਛੱਡ ਗਿਆ। ਗੜਸ਼ੰਕਰ ਪੁਲਿਸ ਨੇ ਪੀੜਤ ਲੜਕੀ ਦੇ ਬਿਆਨ ਦੇ ਆਧਾਰ ਤੇ ਬੰਟੀ, ਬੰਟੀ ਦੀ ਭਾਬੀ ਅਤੇ ਸੰਨੀ ਵਾਸੀ ਬਿਲੜੋ ਤੇ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ।