ਗੜ੍ਹਦੀਵਾਲਾ (ਚੌਧਰੀ) 

13 ਦਸੰਬਰ : ਗੜ੍ਹਦੀਵਾਲ ਦੇ ਨਜ਼ਦੀਕੀ ਪਿੰਡ ਬਾਹਟੀਵਾਲ ਦੇ ਦਰਬਾਰ ਸ਼੍ਰੀ ਬਾਲਾ ਜੀ ਵੱਲੋਂ ਕਰਵਾਏ ਧਾਰਮਿਕ ਸਮਾਗਮ ਦੌਰਾਨ ਦਰਬਾਰ ਦੇ ਮੁੱਖ ਸੇਵਾਦਾਰ ਡਾ. ਰਾਮਜੀ ਸੂਫੀ ਲੇਖਕ ਅਤੇ ਵਾਇਸ ਚੇਅਰਮੈਨ ਸ਼੍ਰੀ ਧੰਨਵੰਤਰੀ ਵੈਦ ਮੰਡਲ ਰਜਿ. ਪੰਜਾਬ ਵੱਲੋਂ ਹੱਥੀਂ ਲਿਖੀ ਪੁਸਤਕ ਕੌੜੇ ਬੋਲ ਪਰ ਹੈ ਸੱਚੇ ਸਾਧੂ ਸੰਤਾਂ ਤੇ ਵਿਧਾਇਕ ਐਡਵੋਕੇਟ ਕਰਮਵੀਰ ਸਿੰਘ ਘੁੰਮਣ ਦੁਆਰਾ ਰਿਲੀਜ਼ ਕੀਤੀ ਗਈ। ਇਸ ਪੁਸਤਕ ਵਿੱਚ ਡਾ. ਰਾਮਜੀ ਵੱਲੋਂ ਸ਼ੇਅਰੋ ਸ਼ਾਇਰੀ ਦੇ ਅੰਦਾਜ਼ ਨਾਲ ਹਕੀਕੀ ਇਸ਼ਕ ਕਰਕੇ ਦਿਲ ਵਿੱਚ ਉਠਦੇ ਨਵੇਕਲੇ ਦਰਦਾਂ ਨੂੰ ਸੱਚੀਆਂ ਗੱਲਾਂ ਅਤੇ ਸਮਾਜਿਕ ਬੁਰਾਈਆਂ ਨੂੰ ਆਪਣੀ ਕਲਮ ਰਾਹੀਂ ਪੇਸ਼ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਵੀ ਡਾ. ਰਾਮਜੀ ਵੱਲੋਂ 5 ਪੁਸਤਕਾਂ ਨੂੰ ਜਨਤਕ ਕੀਤਾ ਜਾ ਚੁੱਕਾ ਹੈ ਜਿਸ ਵਿੱਚ ਇਸ਼ਕੇ ਦਾ ਦਰਦ, ਯਾਦਾਂ ਯਾਰ ਦੀਆਂ, ਵਿਛੋੜਾ ਸੱਜਣਾਂ ਦਾ, ਇਸ਼ਕ ਫਕੀਰਾਂ ਵਾਲਾ, ਤੱਕੀਏ ਤੇਰੀਆਂ ਰਾਹਾਂ ਸ਼ਾਮਿਲ ਹਨ। ਜਿਨ੍ਹਾਂ ਨੂੰ ਪਾਠਕਾਂ ਵੱਲੋਂ ਭਰਮਾ ਹੁੰਗਰਾ ਮਿਲਿਆ ਹੈ। ਇਸ ਮੌਕੇ ਆਏ ਹੋਏ ਸਾਧੂ ਸੰਤਾਂ ਅਤੇ ਮੁੱਖ ਮਹਿਮਾਨ ਵਿਧਾਇਕ ਦਸੂਹਾ ਐਡਵੋਕੇਟ ਕਰਮਵੀਰ ਸਿੰਘ ਘੁੰਮਣ ਦੁਆਰਾ ਡਾ. ਰਾਮਜੀ ਨੂੰ ਵਧਾਈਆਂ ਦਿੰਦੇ ਹੋਏ ਕਿਹਾ ਕਿ ਹਕੀਕੀ ਇਸ਼ਕ ਦੀ ਗੱਲ ਨੂੰ ਲਿਖਣਾ ਸੌਖਾ ਨਹੀਂ, ਇਹ ਸਭ ਪ੍ਰਮਾਤਮਾ ਦੀ ਮੇਹਰ ਸਦਕਾ ਹੀ ਸੰਭਵ ਹੁੰਦਾ ਹੈ। ਇਸ ਮੌਕੇ ਬਾਬਾ ਰਾਮਾ ਗਿਰੀ ਜੀ ਗੱਗਾਂ ਵਾਲੇ, ਬਾਬਾ ਬਾਲੀ ਜੀ, ਬਾਬਾ ਸਾਬੀ ਜੀ, ਬਾਬਾ ਸ਼ਾਦੀ ਲਾਲ ਜੀ, ਬਾਬਾ ਲਛਮਣ ਦਾਸ ਜੀ, ਮਸ਼ਹੂਰ ਗੀਤਕਾਰ ਸੁਖਜੀਤ ਝਾਂਸਾ ਵਾਲਾ, ਗਾਇਕ ਕੁਲਵਿੰਦਰ ਕਿੰਦਾ, ਨਿਸ਼ਾਨ ਨੀਸ਼ੂ, ਚੇਅਰਮੈਨ ਕੁਲਵੀਰ ਸਿੰਘ, ਐਡਵੋਕੇਟ ਲਖਵੀਰ ਸਿੰਘ, ਡਾ. ਪ੍ਰਸ਼ੋਤਮ, ਡਾ. ਸਤਪਾਲ, ਡਾ. ਹਰਵਿੰਦਰ ਸਿੰਘ, ਲੰਬੜਦਾਰ ਦਲਜੀਤ ਕੁਮਾਰ ਸਮੇਤ ਦਰਬਾਰ ਦੇ ਸੇਵਾਦਾਰ ਹਾਜ਼ਰ ਸਨ।