ਕਰਤੇ ਹੋ ਤੁਮ ਕਬੀਰਾ,ਮੇਰਾ ਸਿਰਫ ਨਾਮ ਹੋ ਰਿਹਾ ਹੈ : ਅਸ਼ੋਕ ਭਗਤ

ਅਸ਼ੋਕ ਭਗਤ ਦੇ ਲੋਕ ਭਲਾਈ ਦੇ ਕੰਮਾਂ ਤੋਂ ਪ੍ਰਭਾਵਿਤ ਹੋ ਕੇ ਗੁਲਸ਼ਨ ਭਗਤ ਵੱਲੋਂ 15 ਕਨਾਲ ਜ਼ਮੀਨ ਜੰਮੂ ਵਿਖੇ ਕਬੀਰ ਭਵਨ ਬਨਾਉਣ ਲਈ ਕੀਤੀ ਸਪੁਰਦ

ਬਟਾਲਾ (ਅਵਿਨਾਸ਼ ਸ਼ਰਮਾ ) ਆਪਣੇ ਨਾਮ ਦੇ ਨਾਲ ਸਮਾਜ ਸੇਵਕ ਲਗਾਉਣਾ ਤਾਂ ਬੜਾ ਆਸਾਨ ਕੰਮ ਹੈ ਪਰ ਸਮਾਜ ਸੇਵਕ ਦੀ ਕਸੌਟੀ ਤੇ ਖਰਾ ਉਤਰਨਾ ਬੜਾ ਹੀ ਔਖਾ ਹੈ ਜਿਵੇਂ ਕਿ ਇਕ ਖੰਡੇ ਦੀ ਧਾਰ ਤੇ ਚੱਲਣ ਬਰਾਬਰ । ਪਰ ਇਹ ਮਿਸਾਲ ਬਣ ਕੇ ਸਾਹਮਣੇ ਆਈ ਹੈ ਉਹ ਹੈ ਅਸ਼ੋਕ ਭਗਤ ਪਿੰਡ ਧਰਮਕੋਟ ਬੱਗਾ । ਭਗਤ ਜੀ ਇਲਾਕੇ ਵਿਚ ਸਮਾਜ ਸੇਵਕ ਦੇ ਨਾਂਮ ਤੇ ਪ੍ਰਸਿੱਧ ਹਨ । ਉਹਨਾਂ ਦਾ ਕੰਮ ਹਮੇਸ਼ਾ ਹਮੇਸ਼ਾ ਲੋੜ ਵੰਦ , ਬੇਸਹਾਰਾ ਲੋਕਾਂ ਦੀ ਮਦਦ ਕਰਨਾ ਉਹ ਵੀ ਬਗੈਰ ਭੇਦ ਭਾਵ ਦੇ । ਬੀਤੇ ਦਿਨੀਂ ਭਗਤ ਕਬੀਰ ਸਭਾ ਦੇ ਸੂਬਾ ਪ੍ਰਧਾਨ ਅਸ਼ੋਕ ਭਗਤ ਵਲੋ ਸੰਤ ਆਸ਼ਰਮ ਕਬੀਰ ਭਵਨ ਵਿਖੇ ਸਾਧੂਆਂ ਲਈ 8 ਕਮਰੇ ਬਣਾਏ ਗਏ ਜਿਸ ਦਾ ਉਦਘਾਟਨ ਵੀ ਪਿਛਲੇ ਦਿਨੀਂ ਨਾਮਵਰ ਹਸਤੀਆਂ ਵੱਲੋਂ ਕਰ ਦਿੱਤਾ ਗਿਆ ਹੈ । ਇਸ ਮੌਕੇ ਤੇ ਅਸ਼ੋਕ ਭਗਤ ਦੇ ਸਮਾਜ ਭਲਾਈ ਦੇ ਕੰਮਾਂ ਤੋਂ ਪ੍ਰਭਾਵਿਤ ਹੋ ਕੇ ਚੇਅਰਮੈਨ ਰਾਸ਼ਟਰੀ ਯੂਥ ਭਗਤ ਸੰਗਠਨ ਸ਼੍ਰੀ ਗੁਲਸ਼ਨ ਭਗਤ ਵਲੋ ਜੰਮੂ ਵਿਖੇ 15 ਕਨਾਲ 3 ਮਰਲੇ ਜਮੀਨ ਕਬੀਰ ਭਵਨ ਬਣਾਉਣ ਲਈ ਸਪੁਰਦ ਕੀਤੀ ਗਈ ਅਤੇ ਅਸ਼ੋਕ ਭਗਤ ਨੂੰ ਅਜਿਹੇ ਸਮਾਜ ਭਲਾਈ ਦੇ ਉਪਰਾਲੇ ਜੰਮੂ ਸ਼ੁਰੂ ਕਰਨ ਲਈ ਵੀ ਬੇਨਤੀ ਕੀਤੀ।ਇਸ ਮੌਕੇ ਤੇ ਅਸ਼ੋਕ ਭਗਤ ਨੇ ਪੱਤਰਕਾਰਾਂ ਨਾਲ ਗੱਲ ਬਾਤ ਦੌਰਾਨ ਕਿਹਾ ਕਿ ਇਹ ਜੌ ਵੀ ਅੱਜ ਹਾਂ ਇਹ ਸੰਸਕਾਰ ਮੈਨੂੰ ਆਪਣੇ ਮਾਤਾ ਪਿਤਾ ਕੋਲੋਂ ਮਿਲੇ ਹਨ । ਜੋ ਵੀ ਮਾਣ ਸਤਿਕਾਰ ਸੰਗਤ ਵੱਲੋ ਦਿੱਤਾ ਜਾ ਰਿਹਾ ਹੈ , ਮੈਂ ਇਸ ਦੇ ਕਾਬਲ ਨਹੀਂ ਹਾਂ ਇਹ ਸਭ ਮੇਰੇ ਸਤਿਗੁਰੂ ਕਬੀਰ ਸਾਹਿਬ ਦੀ ਦੇਣ ਹੈ। ਕਰਦੇ ਹੋ ਤੁਮ ਕਬੀਰ ਸਾਹਿਬਾ , ਮੇਰਾ ਨਾਮ ਹੋ ਰਿਹਾ ਹੈ। ਓਹਨਾ ਕਿਹਾ ਕਿ ਮੇਰੀ ਕੋਈ ਹਸਤੀ ਨਹੀਂ ਅਤੇ ਨਾਂ ਹੀ ਕੋਈ ਦੇਣ ਹੈ। ਓਹਨਾ ਕਿਹਾ ਕਿ ਜਦੋਂ ਤਕ ਪਰਮਾਤਮਾ ਦਾ ਹੁਕਮ ਰਹੇਗਾ ਅਜਿਹੇ ਉਪਰਾਲੇ ਜਾਰੀ ਰਹਿਣਗੇ।