ਬੁਲੋਵਾਲ /ਹੁਸ਼ਿਆਰਪੁਰ 4 ਮਾਰਚ (ਬਿਊਰੋ) : ਇਕ ਔਰਤ ਅਤੇ ਉਸ ਦੇ ਬੱਚੇ ਨੂੰ ਪਿਸਤੌਲ ਦੀ ਨੋਕ ਤੇ ਅਗਵਾ ਕਰਨ ਤੇ ਫਿਰ ਔਰਤ ਨੂੰ ਜੰਗਲ ਵਿਚ ਲੈ ਜਾ ਕੇ ਉਸ ਨਾਲ ਰੇਪ ਕਰਨ ਤੇ ਬੁਲੋਵਾਲ ਪੁਲਸ ਨੇ ਪੰਜ ਲੋਕਾਂ ਤੇ ਮਾਮਲਾ ਦਰਜ ਕਰਨ ਦਾ ਦਾਅਵਾ ਕੀਤਾ ਹੈ। ਮੁਲਜਮਾਂ ਦੀ ਪਛਾਣ ਬਨਾਰਸੀ ਦੇਵੀ ਪਤਨੀ ਸੰਜੇ ਪਾਸਵਾਨ ਵਾਸੀ ਮਹਿਨਾਰ ਥਾਣਾ ਮਹਿਨਾਰ ਜਿਲ੍ਹਾ ਵੈਸ਼ਾਲੀ ਬਿਹਾਰ, ਸੁੰਬਾ ,ਸਰੋਜ ਪਾਸਵਾਨ, ਰੰਜਾ ਅਤੇ ਸੋਨੂੰ ਵਜੋਂ ਹੋਈ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਰੇਨੂੰ ਦੇਵੀ ਪਤਨੀ ਅੰਜੇ ਭਗਤ ਵਾਸੀ ਮਹਿਨਾਰ ਥਾਣਾ ਮਹਿਨਾਰ ਜਿਲਾ ਵੈਸ਼ਾਲੀ ਬਿਹਾਰ ਹਾਲ ਵਾਸੀ ਪਿੰਡ ਰਾਜੋਵਾਲ ਥਾਣਾ ਬੁੱਲੋਵਾਲ ਜਿਲ੍ਹਾ ਹੁਸਿ: ਨੇ ਕਿਹਾ ਕਿ ਉਸ ਦਾ ਪਤੀ ਮਿਹਨਤ ਮਜਦੂਰੀ ਦਾ ਕੰਮ ਕਰਦਾ ਹੈ ਅਤੇ ਉਸ ਦੇ 5 ਬੱਚੇ ਹਨ।ਤਿੰਨ ਲੜਕੀਆਂ ਅਤੇ ਦੋ ਲੜਕੇ ਹਨ।ਮਿਤੀ 16-2-2022 ਨੂੰ ਰੋਜਾਨਾ ਦੀ ਤਰਾਂ ਮੇਰਾ ਪਤੀ ਅੰਜੇ ਭਗਤ ਦਿਹਾੜੀ ਤੇ ਗਿਆ ਸੀ।ਸਵੇਰੇ 11 ਵਜੇ ਮੈਂ ਆਪਣੇ ਬੇਟੇ ਅਨਿਰੁੱਧ ਨੂੰ ਨਾਲ ਲੈ ਕੇ ਆਪਣੇ ਜਵਾਈ ਦੀ ਰੀੜ ਦੀ ਹੱਡੀ ਦੀ ਦਵਾਈ ਲੈਣ ਲਈ ਸਾਈਕਲ ਤੇ ਸਵਾਰ ਹੋ ਕੇ ਮਿਰਜਾਪੁਰ ਚੱਲੀ ਸੀ।ਹਾਲੇ ਅਸੀਂ ਦੋਵੇਂ ਸ਼ਾਮ ਚੁਰਾਸੀ ਦੇ ਮੋੜ ਪਰ ਪੁੱਜੇ ਕੇ ਮੈਨੂੰ ਮੇਰੀ ਜਾਣਕਾਰ ਬਨਾਰਸੀ ਦੇਵੀ ਪਤਨੀ ਸੰਜੇ ਪਾਸਵਾਨ ਵਾਸੀ ਮਹਿਨਾਰ ਥਾਣਾ ਮਹਿਨਾਰ ਜਿਲ੍ਹਾ ਵੈਸ਼ਾਲੀ ਬਿਹਾਰ ਸਮੇਤ ਸੁੰਬਾ ਪਤਨੀ ਨਾ ਮਾਲੂਮ,ਸਰੋਜ ਪਾਸਵਾਨ, ਰੰਜਾ ਅਤੇ ਸੋਨੂੰ ਮਲਾਕੀ ਹੋਏ।ਇਹ ਪੰਜੋ ਜਣੇ ਮਾਰੂਤੀ ਕਾਰ ਚਿੱਟੇ ਰੰਗ ਦੀ ਵਿੱਚ ਸਵਾਰ ਸਨ।ਜਿਨਾਂ ਨੇ ਮੈਨੂੰ ਅਤੇ ਮੇਰੇ ਬੇਟੇ ਅਨਿਰੁੱਧ ਨੂੰ ਜਬਰਦਸਤੀ ਪਿਸਤੋਲ ਦੀ ਨੋਕ ਤੇ ਆਪਣੀ ਮਾਰੂਤੀ ਕਾਰ ਵਿੱਚ ਬਿਠਾ ਲਿਆ ਫਿਰ ਥੋੜੀ ਦੂਰ ਜਾ ਕੇ ਮੇਰੇ ਬੇਟੇ ਸਮੇਤ ਬਨਾਰਸੀ ਅਤੇ ਸੂਬਾ ਦੋਵੇਂ ਜਣੀਆਂ ਉਤਰ ਗਈਆਂ ਅਤੇ ਬਾਕੀ ਤਿੰਨੇ ਜਣੇ ਰੰਜਾ,ਸਰੋਜ ਪਾਸਮਾਨ ਅਤੇ ਸੋਨੂੰ ਦੂਰ ਜੰਗਲ ਵਿੱਚ ਲੈ ਗਏ ਅਤੇ ਤਿੰਨਾਂ ਨੇ ਮੇਰੇ ਨਾਲ ਬਲਾਤਕਾਰ ਕੀਤਾ ਫਿਰ ਮੈਂ ਬੇਹੋਸ਼ ਹੋ ਗਈ।ਜਿਸ ਤੇ ਪੁਲਿਸ ਨੇ ਰੇਨੂੰ ਦੇਵੀ ਦੇ ਬਿਆਨਾਂ ਦੇ ਆਧਾਰ ਤੇ ਪੰਜ ਲੋਕਾਂ ਬਨਾਰਸੀ ਦੇਵੀ ਪਤਨੀ ਸੰਜੇ ਪਾਸਵਾਨ ਵਾਸੀ ਮਹਿਨਾਰ ਥਾਣਾ ਮਹਿਨਾਰ ਜਿਲ੍ਹਾ ਵੈਸ਼ਾਲੀ ਬਿਹਾਰ ਸਮੇਤ ਸੁੰਬਾ ਪਤਨੀ ਨਾ ਮਾਲੂਮ,ਸਰੋਜ ਪਾਸਵਾਨ, ਰੰਜਾ ਅਤੇ ਸੋਨੂੰ ਦੇ ਖਿਲਾਫ ਧਾਰਾ 376 -D, 384,506 ਭ:ਦ, 25-54-59 ਆਰਮ ਐਕਟ ਅਧੀਨ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।