ਇਸ ਘਟਨਾ ਸਬੰਧੀ ਪੀੜਤ ਗੁਰਨਾਮ ਸਿੰਘ ਪੁੱਤਰ ਤੇਜਾ ਸਿੰਘ ਵਾਸੀ ਸਰਹਾਲਾ ਨੇ ਦੱਸਿਆ ਕਿ ਉਹ ਬੀਤੇ ਦਿਨ ਸੋਮਵਾਰ ਨੂੰ ਆਪਣੇ ਮੋਟਰਸਾਈਕਲ ਨੰਬਰ ਪੀ ਬੀ – 07 ਸੀ ਸੀ-8655 ਤੇ ਸਵਾਰ ਹੋ ਕੇ ਹੁਸ਼ਿਆਰਪੁਰ ਤੋਂ ਆਪਣੇ ਪਿੰਡ ਸਰਹਾਲਾ ਵਿਖੇ ਆ ਰਿਹਾ ਸੀ ਜਦੋਂ ਉਹ ਪਿੰਡ ਗੋਂਦਪੁਰ ਤੋਂ ਆਪਣੇ ਨੂੰ ਮੁੜਿਆ ਤਾਂ (ਵਕਤ ਕਰੀਬ 8.40 ਦਾ ਹੋਵੇਗਾ) ਜਦੋ ਮੈਂ ਪਿੰਡ ਗੋਂਦਪੁਰ ਦੀ ਗਰਾਉਂਡ ਨਜਦੀਕ ਪੁੱਜਾ ਤਾਂ ਮੇਰੇ ਪਿਛੇ ਇੱਕ ਸਪਲੈਡਰ ਮੋਟਰਸਾਈਕਲ ਰੰਗ ਬਲੈਕ ਆ ਰਿਹਾ ਸੀ ਜਿਸਤੇ ਦੋ ਅਣਪਛਾਤੇ ਨੌਜਵਾਨ ਸਵਾਰ ਸਨ। ਜਿਨਾਂ ਨੂੰ ਮੈਂ ਸਾਈਡ ਦੇਣ ਲਈ ਆਪਣਾ ਮੋਟਰਸਾਈਕਲ ਹੋਲੀ ਕੀਤਾ ਤਾਂ ਉਨ੍ਹਾਂ ਨੇ ਮੇਰੇ ਮੋਟਰਸਾਈਕਲ ਦੇ ਅੱਗੇ ਆਪਣਾ ਮੋਟਰਸਾਈਕਲ ਲੱਗਾ ਦਿੱਤਾ। ਉਨ੍ਹਾਂ ਚੋਂ ਇਕ ਨੌਜਵਾਨ ਨੇ ਆਉਂਦੇ ਸਾਰ ਹੀ ਮੇਰੇ ਮੋਟਰਸਾਈਕਲ ਦੀ ਚਾਬੀ ਕੱਢ ਲਈ ਅਤੇ ਮੋਬਾਈਲ ਤੇ ਪੈਸੇ ਦੇਣ ਦੀ ਗੱਲ ਆਖੀ। ਅਜੇ ਮੈਂ ਉਨ੍ਹਾਂ ਨਾਲ ਗੱਲਬਾਤ ਹੀ ਕਰਨ ਲੱਗਾ ਸੀ ਤਾਂ ਇੰਨੇ ਵਿਚ ਉਹ ਮੇਰੇ ਨਾਲ ਗੁੱਥਮ ਗੁੱਥੀ ਹੋਣ ਲੱਗ ਪਿਆ। ਮੈਂ ਹੌਸਲਾ ਕਰਕੇ ਉਸ ਨੌਜਵਾਨ ਨੂੰ ਜਮੀਨ ਤੇ ਸਿੱਟ ਲਿਆ। ਇੰਨੀ ਦੇਰ ਨੂੰ ਦੂਜੇ ਨੌਜਵਾਨ ਨੇ ਮੇਰੀ ਲੱਤ ਅਤੇ ਢਿੱਡ ਵਿਚ ਜੋਰ ਨਾਲ ਕੋਈ ਚੀਜ ਮਾਰੀ। ਇੰਨੀ ਦੇਰ ਵਿਚ ਦੋਵੇਂ ਨੌਜਵਾਨ ਮੇਰੇ ਕੋਲੋਂ ਮੇਰਾ ਮੋਬਾਈਲ ਫੋਨ,ਮੋਟਰਸਾਈਕਲ ਦੀ ਚਾਬੀ, ਪਰਸ(ਜਿਸ ਵਿਚ ਅਧਾਰ ਕਾਰਡ, ਲਾਈਸੈਂਸ, ਤੇ ਹੋਰ ਜਰੂਰੀ ਕਾਗਜਾਤ, 2000 ਹਜਾਰ ਰੁਪਏ ਕੈਸ਼) ਖੋਹ ਕੇ ਮੁੜ ਗੋਂਦਪੁਰ ਵੱਲ ਫਰਾਰ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਮੈਂ ਬਾਅਦ ਵਿਚ 100 ਨੰਬਰ ਤੇ ਫੋਨ ਕਰਕੇ ਇਸ ਘਟਨਾ ਵਾਰੇ ਜਾਣਕਾਰੀ ਦਿੱਤੀ। ਗੜ੍ਹਦੀਵਾਲਾ ਪੁਲਿਸ ਦੇ ਅਧਿਕਾਰੀ ਵੀ ਇਸ ਘਟਨਾ ਦੀ ਜਾਂਚ ਵਿਚ ਜੁੱਟ ਗਏ ਹਨ।

ਜਿਕਰਯੋਗ ਹੈ ਕਿ ਗੜ੍ਹਦੀਵਾਲਾ ਹਲਕੇ ਵਿਚ ਲੁੱਟ ਖੋਹ ਦੀਆਂ ਵਾਰਦਾਤਾਂ ਦਿਨ ਬ ਦਿਨ ਵੱਧਦੀਆਂ ਜਾ ਰਹੀਆਂ ਹਨ। ਬੀਤੇ ਐਤਵਾਰ ਨੂੰ ਇੱਕ ਮੋਬਾਈਲ ਦੀ ਦੁਕਾਨ ਤੋਂ ਦੁਕਾਨਦਾਰਾਂ ਕੋਲੋ ਦੋ ਅਣਪਛਾਤੇ ਨੌਜਵਾਨ ਦੋ ਮੋਬਾਈਲ ਫੋਨ ਖੋਹ ਕੇ ਫਰਾਰ ਹੋ ਗਏ ਸਨ ਤੇ ਸੋਮਵਾਰ ਨੂੰ ਇੱਕ ਹੋਰ ਘਟਨਾ ਨੂੰ ਲੁਟੇਰੇ ਅੰਜਾਮ ਦੇ ਗਏ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਗੜ੍ਹਦੀਵਾਲਾ ਪੁਲਿਸ ਇਨ੍ਹਾਂ ਲੁਟੇਰਿਆਂ ਤੱਕ ਪਹੁੰਚਣ ਵਿੱਚ ਸਫਲ ਹੁੰਦੀ ਹੈ ਜਾਂ ਨਹੀਂ।