ਹਾਜੀਪੁਰ / ਦਸੂਹਾ 20 ਜਨਵਰੀ (ਚੌਧਰੀ) 

: ਹਾਜੀਪੁਰ ਪੁਲਿਸ ਨੇ ਦੋ ਸਕੇ ਭਰਾਵਾਂ ਤੋਂ ਚੋਰੀ ਦੇ 10 ਬਿਨਾਂ ਨੰਬਰੀ ਮੋਟਰਸਾਈਕਲ ਬਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।

ਇੰਸਪੈਕਟਰ ਹਰਪ੍ਰੇਮ ਸਿੰਘ ਥਾਣਾ ਮੁੱਖੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਏ.ਐਸ.ਆਈ ਰਵਿੰਦਰ ਸਿੰਘ ਹੁਸ਼ਿ ਸਮੇਤ ਪੁਲਿਸ ਪਾਰਟੀ ਦੇ ਸ਼ੱਕੀ ਪੁਰਸ਼ਾਂ, ਸ਼ੱਕੀ ਵਹੀਕਲਾਂ ਅਤੇ ਸ਼ਿਫਟਿੰਗ ਨਾਕਬੰਦੀ ਟੀ-ਪੁਆਇੰਟ ਹਾਜੀਪੁਰ ਮੋਜੂਦ ਸੀ ਕਿ ਮੁੱਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਮਾਸੂਮ ਅਲੀ ਉਰਫ ਅੰਮੂ ਪੁੱਤਰ ਮਸਰਦੀਨ ਵਾਸੀ ਸੰਧਵਾਲ ਥਾਣਾ ਹਾਜੀਪੁਰ ਜਿਲਾ ਹੁਸ਼ਿਆਰਪੁਰ ਜੋ ਆਪਣੇ ਏਰੀਏ ਅਤੇ ਹੋਰ ਏਰੀਆ ਵਿੱਚੋ ਮੋਟਰ ਸਾਈਕਲ ਚੋਰੀ ਕਰਕੇ ਵੇਚਦਾ ਹੈ। ਜੋ ਅੱਜ ਵੀ ਸਧੰਵਾਲ ਸਾਇਡ ਤੋ ਪਾਵਰ ਕਲੋਨੀ ਹਾਜੀਪੁਰ ਨੂੰ ਆ ਰਿਹਾ ਹੈ । ਜਿਸ ਨੇ ਨਾਕਾਬੰਦੀ ਕਰਕੇ ਮਾਸੂਮ ਅਲੀ ਉਰਫ ਅਮੂ ਨੂੰ ਸਮੇਤ ਬਿਨਾ ਨੰਬਰੀ ਮੋਟਰ ਸਾਈਕਲ ਸਲੈਡਰ ਪਾਵਰ ਹਾਉਸ ਮੋੜ ਪਰ ਗ੍ਰਿਫਤਾਰ ਕਰਕੇ ਮੁਕੱਦਮਾ ਨੰਬਰ 10 ਮਿਤੀ 17.01.2026 ਅ/ਧ 303(2), 317 (2) BNS ਥਾਣਾ ਹਾਜੀਪੁਰ ਜਿਲਾ ਹੁਸ਼ਿਆਰਪੁਰ ਦਰਜ ਰਜਿਸਟਰ ਕਰਕੇ ਏ.ਐਸ.ਆਈ ਰਵਿੰਦਰ ਸਿੰਘ ਹੁਸ਼ਿ ਵੱਲੋ ਤਫਤੀਸ਼ ਅਮਲ ਵਿੱਚ ਲਿਆਂਦੀ। ਦੋਰਾਨੇ ਤਫਤੀਸ਼ ਦੋਸ਼ੀ ਮਾਸੂਮ ਅਲੀ ਉਰਫ ਅੰਮੂ ਪੁੱਤਰ ਮਸਰਦੀਨ ਵਾਸੀ ਸੰਧਵਾਲ ਥਾਣਾ ਹਾਜੀਪੁਰ ਜਿਲਾ ਹੁਸ਼ਿਆਰਪੁਰ ਨੂੰ ਹਸਬ ਜਾਬਤਾ ਅਨੁਸਾਰ ਗ੍ਰਿਫਤਾਰ ਕਰਕੇ ਬਰੀਕੀ ਨਾਲ ਪੁੱਛਗਿੱਛ ਕੀਤੀ ਗਈ। ਦੋਰਾਨੇ ਪੁੱਛ ਗਿੱਛ ਅਰੋਪੀ ਮਾਸੂਮ ਅਲੀ ਉਰਫ ਅੰਮੂ ਉਕਤ ਨੇ ਦੱਸਿਆ ਕਿ ਇਹ ਮੋਟਰ ਸਾਈਕਲ ਮੈ ਤੇ ਮੇਰਾ ਭਰਾ ਸ਼ਰੀਫ ਮਿਲ ਕੇ ਵੱਖ ਵੱਖ ਇਲਾਕਿਆਂ ਤੋਂ ਚੋਰੀ ਕਰਕੇ ਹਾਜੀਪੁਰ ਏਰੀਏ ਵਿੱਚ ਵੇਚਦੇ ਹਾਂ।ਜਿਸ ਤੇ ਆਰੋਪੀ ਸ਼ਰੀਫ ਪੁੱਤਰ ਮਸਰਦੀਨ ਵਾਸੀ ਸੰਧਵਾਲ ਥਾਣਾ ਹਾਜੀਪੁਰ ਜਿਲਾ ਹੁਸ਼ਿਆਰਪੁਰ ਨੂੰ ਮੁਕੱਦਮਾ ਵਿੱਚ ਨਾਮਜਦ ਕਰਕੇ ਮਿਤੀ 18.01.2026 ਨੂੰ ਗਿਫਤਾਰ ਕੀਤਾ ਗਿਆ । ਜਿਹਨਾਂ ਪਾਸੋਂ ਬਿਨਾ ਨੰਬਰੀ 10 ਮੋਟਰ ਸਾਈਕਲ ਬ੍ਰਾਮਦ ਕੀਤੇ ਗਏ ਅਤੇ ਜਿਹਨਾ ਦਾ ਪੁਲਿਸ ਰਿਮਾਡ ਹਾਸਲ ਕਰਕੇ ਹੋਰ ਵੀ ਮੋਟਰ ਸਾਈਕਲ ਬਰਾਮਦ ਕੀਤੇ ਜਾਣਗੇ।