ਗੜ੍ਹਦੀਵਾਲਾ,5 ਫਰਵਰੀ (ਚੌਧਰੀ ) : ਪਿੰਡ ਚੱਕਲਾਦੀਆਂ  ਦੇ ਸਰਪੰਚ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਦੀ ਕਾਰ ਬੀਤੀ ਰਾਤ ਸੜ੍ਹਕ ਹਾਦਸੇ ’ਚ ਦਰਦਨਾਕ ਮੌਤ ਹੋਣ ਦਾ ਸਮਾਚਾਰ ਮਿਲਿਆ ਹੈ। ਪ੍ਰਾਪਤ ਕੀਤੀ ਜਾਣਕਾਰੀ ਮੁਤਾਬਕ ਸਰਪੰਚ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਉਮਰ 35 ਸਾਲ ਪੁੱਤਰ ਰਜਿੰਦਰ ਸਿੰਘ ਪਿੰਡ ਚੱਕਲਾਦੀਆਂ ਥਾਣਾ ਹਰਿਆਣਾ ਪਿਛਲੀ ਰਾਤ 6.45 ਵਜੇ ਦੇ ਕਰੀਬ ਟਾਟ ਟਿਗੋਰ ਕਾਰ ਨੰ:ਪੀ.ਬੀ.07-ਬੀ.ਕਿਉ-4209 ਤੇ
ਆਪਣੇ ਪਿੰਡ ਚੱਕਲਾਦੀਆਂ ਤੋ ਦਸੂਹਾ ਸਾਈਡ ਸਹੁਰਿਆਂ ਦੇ ਘਰ ਨੂੰ ਪਤਨੀ ਅਤੇ ਬੱਚਿਆ ਨੂੰ ਲੈਣ ਜਾ ਰਿਹਾ ਸੀ। ਜਦੋਂ ਉਹ ਪਿੰਡ ਗੱਜ ਦੇ ਨਜ਼ਦੀਕ ਪੁੱਜਾ ਤਾਂ ਉਸ ਦੀ ਕਾਰ ਇਕ ਸਫੈਦੇ ਦੇ ਦਰਖੱਤ ਨਾਲ ਜਾ ਵੱਜੀ । ਲੋਕਾਂ ਨੇ ਉਸ ਨੂੰ ਗੰਭੀਰ ਹਾਲਤ ਵਿਚ ਚੁੱਕ ਕੇ ਪੀ.ਐਚ.ਸੀ ਭੂੰਗਾ ਲਿਆਦਾ ਗਿਆ,ਪਰ ਡਾਕਟਰ ਨੇ ਉਸ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ। ਪਿੰਡ ਚੱਕਲਾਦੀਆਂ ਵਿਖੇ ਦੁਪਹਿਰ ਡੇਢ ਵਜੇ ਦੇ ਕਰੀਬ ਉਸ ਦਾ ਸੰਸਕਾਰ ਕਰ ਦਿੱਤਾ ਗਿਆ ਹੈ।