ਦੋ ਸਗੇ ਭਰਾਵਾਂ ਦੀ ਛੱਪੜ ਚ ਡੁੱਬਣ ਕਾਰਨ ਮੌਤ

ਗੜ੍ਹਸ਼ੰਕਰ , 17 ਅਪ੍ਰੈਲ (ਜਤਿੰਦਰ ਪਾਲ ਸਿੰਘ ਕਲੇਰ )-ਇੱਥੋਂ ਨਜ਼ਦੀਕੀ ਪਿੰਡ ਢਾਂਡਾ ਖ਼ੁਰਦ ਦੇ ਪਿੰਡੋਂ ਬਾਹਰਵਾਰ ਚੋਅ ਵਿਚਕਾਰ ਬਣੇ ਵੱਡੇ ਪਾਣੀ ਦੇ ਟੋਭੇ ਵਿਚ 9 ਸਾਲ ਤੇ 11 ਸਾਲ ਦੋ ਬੱਚੇ ਲਗਭਗ ਬਾਅਦ ਦੁਪਹਿਰ ਢਾਈ ਕੁ ਵਜੇ ਦੇ ਕਰੀਬ ਬਾਲਣ ਚੁਗਣ ਗਏ ਡੁੱਬ ਗਏ, ਜਿਨ੍ਹਾਂ ਦੀ ਡੁੱਬਣ ਨਾਲ ਮੌਕੇ ‘ਤੇ ਮੌਤ ਹੋ ਜਾਣ ਦੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੋਈ ਹੈ। ਮੌਕੇ ‘ਤੇ ਬੱਚਿਆਂ ਦੇ ਪਿਤਾ ਵਲੋਂ ਰੌਲਾ ਪਾਉਣ ਤੇ ਨੇੜੇ-ਤੇੜੇ ਲੋਕਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਪੁਲਿਸ ਨੂੰ ਸੂਚਿਤ ਕੀਤਾ। ਮੌਕੇ ‘ਤੇ ਡੀ. ਐੱਸ.ਪੀ. ਨਰਿੰਦਰ ਸਿੰਘ ਔਜਲਾ ਤੇ ਐੱਸ.ਐੱਚ.ਓ. ਬਲਵਿੰਦਰ ਪਾਲ ਮਾਹਿਲਪੁਰ ਐੱਸ.ਆਈ ਬਲਜਿੰਦਰ ਸਿੰਘ ਕੋਟਫ਼ਤੂਹੀ ਨੇ ਪੁਲਿਸ ਪਾਰਟੀ ਨਾਲ ਪਹੁੰਚ ਕੇ ਦੋਵੇਂ ਬੱਚਿਆਂ ਦੀਆਂ ਲਾਸ਼ਾਂ ਬਾਹਰ ਕੱਢ ਕੇ ਆਪਣੇ ਕਬਜ਼ੇ ਵਿਚ ਲੈ ਕੇ ਪੋਸਟਮਾਰਟਮ ਨੂੰ ਭੇਜ ਦਿੱਤੀਆਂ ਹਨ।