ਪਾਣੀ ਚ ਜੰਗਲੀ ਜੀਵਾਂ ਦੇ ਗਲਣ ਨਾਲ ਫੈਲ ਸਕਦੀਆਂ ਹਨ ਭਿਆਨਕ ਬੀਮਾਰੀਆਂ : ਪਿੰਡ ਵਾਸੀ

ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ) :

: ਕੰਢੀ ਕਨਾਲ ਨਹਿਰ ‘ਚ ਡਿੱਗਣ ਨਾਲ ਤਿੰਨ ਜੰਗਲੀ ਜੀਵਾਂ ਦੀ ਮੌ+ਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ ਮਸਤੀਵਾਲ ਤੇ ਪਿੰਡ ਪੰਡੋਰੀ ਅਟਵਾਲ ਦੇ ਵਿਚ ਬਣੇ ਸੈਫਨ ਨੂੰ RD 37475 M ਦੀ ਇਹ ਘਟਨਾ ਹੈ। ਦੇਖਣ ਵਿਚ ਇਹ ਜਾਨਵਰ ਪਿਛਲੇ ਤਿੰਨ ਚਾਰ ਦਿਨਾਂ ਤੋਂ ਡਿੱਗੇ ਹੋਏ ਲਗਦੇ ਹਨ ਪਰ ਨਹਿਰੀ ਵਿਭਾਗ ਤੇ ਜੰਗਲੀ ਜੀਵ ਸੁਰੱਖਿਆ ਵਿਭਾਗ ਕੁੰਭਕਰਨੀ ਨੀਂਦ ਸੁੱਤਾ ਪਿਆ ਸੀ। ਨਾਂ ਨਾ ਛਾਪਣ ਦੀ ਸੂਰਤ ਵਿਚ ਪਿੰਡ ਮਸਤੀਵਾਲ ਦੇ ਲੋਕਾਂ ਨੇ ਦੱਸਿਆ ਕਿ ਇਹ ਜੰਗਲੀ ਜੀਵ ਪਿਛਲੇ ਤਿੰਨ ਚਾਰ ਦਿਨਾਂ ਤੋਂ ਡਿੱਗੇ ਹਨ।ਉਨ੍ਹਾਂ ਦਾ ਇਹ ਵੀ ਕਹਿਣਾ ਹੈ ਕਿ ਵਿਭਾਗ ਨੂੰ ਇਸ ਦੀ ਸੂਚਨਾ ਦਿੱਤੀ ਗਈ ਹੈ ਪਰ ਫਿਰ ਵੀ ਵਿਭਾਗ ਵਲੋਂ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਮਰੇ ਹੋਏ ਜੰਗਲੀ ਜੀਵ ਪਾਣੀ ਵਿਚ ਗਲ ਰਹੇ ਹਨ ਤੇ ਇਸ ਨਹਿਰ ਦਾ ਪਾਣੀ ਅੱਗੇ ਜਾ ਰਿਹਾ। ਇਹ ਪਾਣੀ ਹੋਰ ਜੀਵ ਤੇ ਜਾਨਵਰ ਅਤੇ ਇਲਾਕੇ ਦੇ ਲੋਕ ਹੋਰ ਕੰਮਾਂ ਲਈ ਪ੍ਰਯੋਗ ਕਰ ਰਹੇ ਹਨ। ਜਿਸ ਨਾਲ ਉਹ ਵੀ ਕਿਸੇ ਗੰਭੀਰ ਬੀਮਾਰੀ ਦਾ ਸ਼ਿਕਾਰ ਹੋ ਸਕਦੇ ਹਨ। ਪਿੰਡ ਦੇ ਲੋਕਾਂ ਨੇ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਹੈ ਕਿ ਇਨਾਂ ਮਰੇ ਹੋਏ ਜੰਗਲੀ ਜੀਵਾਂ ਨੂੰ ਤੁਰੰਤ ਨਹਿਰ ਵਿਚੋਂ ਬਾਹਰ ਕੱਢਿਆ ਜਾਵੇ।

ਦੇਖੋ ਵੀਡੀਓ