ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ) 

ਚੋਰਾਂ ਨੇ ਬੇਖੌਫ ਮੰਦਿਰ ਨਿੱਕੀ’ ਦਾਦੀ ਪਿੰਡ ਪੰਡੋਰੀ ਅਟਵਾਲ ਵਿਖੇ ਫਿਰ ਦਿੱਤਾ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ

14 ਸਤੰਬਰ : ਗੜ੍ਹਦੀਵਾਲਾ ਅਤੇ ਆਸ ਪਾਸ ਦੇ ਖੇਤਰਾਂ ਵਿਚ ਚੋਰ ਬੇਖੌਫ ਵੱਡੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦੇ ਰਹੇ ਹਨ। ਐਸਾ ਹੀ ਇੱਕ ਮਾਮਲਾ 12/13 ਸਤੰਬਰ ਰਾਤ ਪਿੰਡ ਪੰਡੋਰੀ ਅਟਵਾਲ ਵਿਖੇ ਦੇਖਣ ਨੂੰ ਮਿਲਿਆ ਹੈ। ਜਿੱਥੇ ਚੋਰਾਂ ਨੇ ਪਿੰਡ ਵਿਚ ਸਥਿਤ ਮੰਦਿਰ ਨਿੱਕੀ’ ਦਾਦੀ ਵਿਖੇ ਇੱਕ ਵਾਰ ਫਿਰ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ।  ਦੋ ਚੋਰ ਬੇਖੌਫ ਇਸ ਮੰਦਿਰ ਵਿਚ ਦਾਖਲ ਹੁੰਦੇ ਹਨ ਅਤੇ ਮੰਦਿਰ ਦੀ ਗੋਲਕ ਨੂੰ ਤੋੜਨ ਦੀ ਕੋਸ਼ਿਸ਼ ਕਰਦੇ ਹਨ ਪਰ ਕਾਮਯਾਬ ਨਹੀਂ ਹੁੰਦੇ ਅਤੇ ਜਾਂਦੇ ਸਮੇਂ ਦੋ ਬੋਰਿਆਂ ਕਣਕ ਦੀਆਂ ਚੁੱਕ ਕੇ ਫਰਾਰ ਹੋ ਜਾਂਦੇ ਹਨ । ਇਹ ਸਾਰੀ ਘਟਨਾ ਮੰਦਰ ਵਿਚ ਲੱਗੇ ਸੀਸੀਟੀਵੀ ਵਿਚ ਕੈਦ ਹੋ ਗਈ। ਮੰਦਿਰ ਕਮੇਟੀ ਮੈਂਬਰ ਵਿਪਨ ਕੁਮਾਰ ਅਤੇ ਸਮੂਹ ਮੈਂਬਰਾਂ ਨੇ ਇਸ ਚੋਰੀ ਸਬੰਧੀ ਇੱਕ ਦਰਖਾਸਤ ਥਾਣਾ ਗੜਦੀਵਾਲਾ ਪੁਲਿਸ ਨੂੰ ਦਿੱਤੀ ਹੈ। ਜਿਸ ਵਿੱਚ ਉਨ੍ਹਾਂ ਕਿਹਾ ਕਿ ਅਸੀਂ ਮੁੱਖ ਸੇਵਾਦਾਰ ਬਿਪਨ ਕੁਮਾਰ ਪੁੱਤਰ ਸ਼ਿਵ ਰਾਮ, /  ਕੁਲਵਿੰਦਰ ਕੁਮਾਰ ਪੁੱਤਰ ਬਾਲ ਕ੍ਰਿਸ਼ਨ ,ਵਾਸੀਆਨ ਪਿੰਡ ਪੰਡੋਰੀ ਅਟਵਾਲ, ਤਹਿਸੀਲ ਦਸੂਹਾ ਜਿਲ੍ਹਾ ਹੁਸ਼ਿਆਰਪੁਰ ਆਪ ਜੀ ਨੂੰ ਬੇਨਤੀ ਕਰਦੇ ਹਾਂ ਕਿ ਅਸੀਂ ਮੰਦਿਰ ਨਿੱਕੀ ਦਾਦੀ ਪਿੰਡ ਪੰਡੋਰੀ ਅਟਵਾਲ ਦੇ ਮੁੱਖ ਸੇਵਾਦਾਰ ਹਾਂ ਅਤੇ ਮਿਤੀ 13-9-2022 ਨੂੰ ਜਦ ਅਸੀਂ ਸਵੇਰੇ ਮੰਦਿਰ ਗਏ ਤਾਂ ਦੇਖਿਆ ਕਿ ਜੋ ਮੰਦਿਰ ਅੰਦਰ ਪਏ ਗੱਲੇ ਦੀ ਭੰਨ ਤੋੜ ਕੀਤੀ ਹੋਈ ਸੀ। ਫਿਰ ਸੀ.ਸੀ.ਟੀ.ਵੀ. ਕੈਮਰੇ ਦੇਖੇ ਤਾਂ ਪਤਾ ਚੱਲਿਆ ਕਿ ਮਿਤੀ 12-9-2002 ਦੀ ਰਾਤ ਨੂੰ 9:੦੦ ਵਜੇ ਤੋਂ 10:30 ਵਜੇ ਦੇ ਕਰੀਬ  ਚੋਰਾਂ ਨੇ ਇਹ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ ਅਤੇ ਚੋਰਾਂ ਨੇ ਗੱਲੇ ਨੂੰ ਤੋੜਨ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਗੱਲਾ ਨਹੀਂ ਟੁੱਟਿਆ ਅਤੇ ਜਾਂਦੇ ਹੋਏ ਦੋ ਬੋਰੇ ਦਾਣਿਆਂ ਦੇ ਲੈ ਕੇ ਫਰਾਰ ਹੋ ਗਏ।

ਉਨ੍ਹਾਂ ਐਸ ਐਚ ਓ ਗੜ੍ਹਦੀਵਾਲਾ ਨੂੰ ਦੱਸਿਆ ਕਿ ਪਹਿਲਾਂ ਵੀ ਦੋ ਵਾਰੀ ਇਸ ਮੰਦਰ ਵਿਚ ਚੋਰੀਆਂ ਹੋ ਚੁੱਕੀਆਂ ਹਨ, ਜਿਸ ਸਬੰਧੀ ਆਪ ਵਲੋਂ ਮੌਕਾ ਵੀ ਦੇਖਿਆ ਗਿਆ ਸੀ ਅਤੇ ਸਾਨੂੰ ਸੀ.ਸੀ. ਟੀ.ਵੀ. ਕੈਮਰੇ ਲਗਾਉਣ ਦੀ ਹਦਾਇਤ ਕੀਤੀ ਸੀ ਅਤੇ ਆਪ ਜੀ ਦੇ ਕਹਿਣ ਮੁਤਾਬਕ  ਅਸੀਂ ਮੰਦਿਰ ਅੰਦਰ ਸੀ ਸੀ ਟੀ ਵੀ ਕੈਮਰੇ ਵੀ ਲਗਵਾ ਰੱਖੇ ਹਨ ਅਤੇ ਚੋਰ ਕੈਮਰੇ ਵਿਚ ਸਾਫ ਦਿਖਾਈ ਦੇ ਰਹੇ ਹਨ। ਸਮੂਹ ਮੈਂਬਰਾਂ ਨੇ ਪੁਲਸ ਨੂੰ ਅਪੀਲ ਕੀਤੀ ਕਿ ਇਨ੍ਹਾਂ ਚੋਰਾਂ ਨੂੰ ਜਲਦ ਫੜਿਆ ਜਾਵੇ।