ਚਾਂਦਪੁਰ ਰੁੜਕੀ ਵਿਖੇ ਨਹਿਰੀ ਵਿਭਾਗ ਵਲੋਂ ਬਣਾਈ ਪੁਲੀ ਦੀ ਰੇਲਿੰਗ ਟੁੱਟੀ

ਬਲਾਚੌਰ, 25 ਜੂਨ (ਜਤਿੰਦਰ ਪਾਲ ਸਿੰਘ ਕਲੇਰ ) ਪਿੰਡ ਚਾਂਦਪੁਰ ਰੁੜਕੀ ਵਿਖੇ ਪਿੰਡ ਨੂੰ ਆ ਰਹੀ ਸੜਕ ‘ਤੇ ਜੋ ਪੁਲੀ ਬਣੀ ਹੋਈ ਹੈ, ਉਹ ਦੋਨੋਂ ਪਾਸੇ ਤੋਂ ਟੱਟੀ ਹੋਈ ਹੈ ਤੇ ਛੋਟੀ ਵੀ ਹੈ ਜਿਸ ਕਾਰਨ ਇਸ ਪੁਲੀ ‘ਤੇ ਰੋਜ਼ਾਨਾ ਹਾਦਸੇ ਹੋ ਰਹੇ ਹਨ | ਜਦ ਕਿ ਇਹ ਸੜਕ 18 ਫੁੱਟ ਚੌੜੀ ਹੈ ਤੇ ਪੁਲੀ 12 ਫੁੱਟ ਦੇ ਕਰੀਬ ਹੈ | ਇਸ ਸਬੰਧੀ ਪਿੰਡ ਦੇ ਸਰਪੰਚ ਬਿੰਦਰ ਕੁਮਾਰ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਇਸ ਪੁਲੀ ਨੂੰ ਸਰਕਾਰ ਨਵੇਂ ਸਿਰਿਓਾ ਬਣਾਵੇ ਤਾਂ ਜੋ ਹਾਦਸੇ ਹੋਣ ਤੋਂ ਬਚਣ | ਉਨ੍ਹਾਂ ਕਿਹਾ ਕਿ ਇਸ ਤੰਗ ਪੁਲੀ ਕਾਰਨ ਕਦੇ ਵੀ ਕੋਈ ਵੱਡਾ ਹਾਦਸਾ ਵਾਪਰ ਸਕਦਾ ਹੈ ਤੇ ਕੋਈ ਜਾਨੀ ਨੁਕਸਾਨ ਵੀ ਹੋ ਸਕਦਾ ਹੈ | ਵਰਨਣਯੋਗ ਹੈ ਕਿ ਜਦੋਂ ਨਹਿਰੀ ਵਿਭਾਗ ਵਲੋਂ ਇਹ ਪੁਲੀ ਬਣਾਈ ਸੀ, ਉਸ ਵੇਲੇ ਵਿਭਾਗ ਨੇ ਸਿਰਫ਼ ਖਾਨਾਪੂਰਤੀ ਹੀ ਕੀਤੀ ਸੀ, ਇਸ ਪੁਲੀ ਤਾਂ ਬਣਦੇ ਸਾਰ ਹੀ ਦੋਨੋਂ ਪਾਸਿਆਂ ਤੋਂ ਟੁੱਟ ਗਈ ਸੀ, ਵਿਚਕਾਰ ਇਕ ਵਾਰ ਵਿਭਾਗ ਵਲੋਂ ਇਸ ਪੁਲੀ ਦੀ ਮੁਰੰਮਤ ਵੀ ਕੀਤੀ ਸੀ ਪਰ ਮੁਰੰਮਤ ਤੋਂ ਬਾਅਦ ਇਹ ਪੁਲੀ ਫਿਰ ਟੁੱਟ ਗਈ | ਇਸ ਸਬੰਧੀ ਪਿੰਡ ਦੇ ਨੌਜਵਾਨ ਹਰਅਮਰਿੰਦਰ ਸਿੰਘ ਰਿੰਕੂ ਚਾਂਦਪੁਰੀ ਸਾਬਕਾ ਚੇਅਰਮੈਨ, ਜਤਿੰਦਰ ਸਿੰਘ ਜਿੰਦੂ, ਧਰਮ ਚੰਦ ਸਾਬਕਾ ਪੰਚ, ਹਰਮਮੰਦਰ ਸਿੰਘ ਪ੍ਰਧਾਨ, ਲੰਬੜਦਾਰ ਰੌਸ਼ਨ ਲਾਲ, ਹਰਮੇਸ਼ ਲਾਲ, ਗਿਰਧਾਰੀ ਲਾਲ, ਸਤਿੰਦਰ ਕੁਮਾਰ ਸਾਬਕਾ ਸਰਪੰਚ ਆਦਿ ਨੇ ਨਹਿਰੀ ਵਿਭਾਗ ਤੋਂ ਮੰਗ ਕੀਤੀ ਹੈ ਇਸ ਤੰਗ ਤੇ ਟੁੱਟੀ ਹੋਈ ਪੁਲੀ ਨੂੰ ਨਵੇਂ ਸਿਰੇ ਤੋਂ ਦੁਬਾਰਾ ਚੌੜੀ ਕਰਕੇ ਬਣਾਇਆ ਜਾਵੇ |