ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ / ਚੌਧਰੀ) 

6 ਮਾਰਚ : ਅੱਜ ਪਿੰਡ ਅਰਗੋਵਾਲ ਵਿੱਖੇ ਮੈਡਮ ਕੋਮਲ ਮਿੱਤਲ ਆਈ.ਏ.ਐਸ.ਮਾਨਯੋਗ ਡਿਪਟੀ ਕਮਿਸ਼ਨਰ ਹੁਸ਼ਿਆਰਪੁਰ ਦੇ ਦਿਸਾਂ ਨਿਰਦੇਸ਼ਾਂ ਅਤੇ ਉਜਸਵੀ ਅਲੰਕਾਰ ਆਈ.ਏ.ਐਸ. ਮਾਨਯੋਗ ਉਪ ਮੰਡਲ ਮੈਜਿਸਟਰੇਟ ਦਸੂਹਾ ਦੀ ਰਹਿਨੁਮਾਈ ਤਹਿਤ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਲਵਦੀਪ ਸਿੰਘ ਧੂਤ ਦੀ ਅਗਵਾਈ ਹੇਠ ਪੰਜਾਬ ਸਰਕਾਰ ਵਲੋਂ ਚਲਾਈ ਜਾ ਰਹੀ “ਸਰਕਾਰ ਆਪ ਦੇ ਦੁਆਰ ” ਲੜੀ ਤਹਿਤ ਪਿੰਡਾਂ ਵਿੱਚ ਜਾ ਕੇ ਪੰਜਾਬ ਸਰਕਾਰ ਵਲੋ ਵੱਖ-2 ਸਕੀਮਾਂ ਜਿਵੇ ਕਿ ਮੇਰਾ ਘਰ ਮੇਰੇ ਨਾਮ (ਲਾਲ ਲਕੀਰ), ਬੁਢਾਪਾ ਪੈਨਸ਼ਨ,ਰੈਵੀਨਿਊ ਕੰਮਾਂ, ਵੱਖ-2 ਤਰਾਂ ਸਰਟੀਫਿਕੇਟਾਂ ਆਦਿ ਦਾ ਕੰਮ ਘਰ ਤੋ ਆਨ ਲਾਇਨ ਅਪਲਾਈ ਕਰਨ ਸਬੰਧੀ ਅਤੇ ਉਹਨਾਂ ਦਾ ਨਿਪਟਾਰਾ ਕਰਨ ਸਬੰਧੀ 10ਵਾਂ ਕੈਂਪ ਲਗਾਇਆ ਗਿਆ।ਇਸ ਤੋ ਪਹਿਲਾ ਪਿੰਡ ਚੱਕਨੂਰਅਲੀ, ਜੌਹਲ, ਅੱਲੜ ਪਿੰਡ, ਭਾਣੋਵਾਲ, ਡੱਫਰ, ਥੇਂਦਾ,ਰਾਜਾ ਕਲਾਂ, ਗੋਦਪੁਰ, ਭਾਨਾ ਆਦਿ ਸਰਕਲਾਂ ਦੇ ਪਿੰਡਾਂ ਵਿੱਚ ਕੈਂਪ ਲਗਾਕੇ ਆਮ ਪਬਲਿਕ ਨੂੰ ਪੰਜਾਬ ਸਰਕਾਰ ਦੀਆਂ ਵੱਖ-2 ਸਕੀਮਾਂ ਤੋਂ ਜਾਣੂ ਕਰਵਾਇਆ ਗਿਆ।ਕੈਂਪ ਦੌਰਾਨ ਪ੍ਰਾਪਤ ਹੋਈਆਂ ਦਰਖਾਸਤਾਂ ਦਾ ਮੌਕੇ ਤੇ ਨਿਪਟਾਰਾ ਕੀਤਾ ਗਿਆ ਅਤੇ ਬਾਕੀ ਦਰਖਾਸਤ ਦਾ ਨਿਪਟਾਰਾ ਕਰਨ ਲਈ ਸਮਾਂ ਨਿਰਧਾਰਤ ਕੀਤਾ ਗਿਆ।ਸਬੰਧਤ ਮਹਿਕਮਿਆਂ ਨੂੰ ਸਮੇਂ ਸਿਰ ਨਿਪਟਾਰਾ ਕਰਨ ਲਈ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ।