ਟਾਂਡਾ ਉੜਮੁੜ / ਦਸੂਹਾ (ਚੌਧਰੀ) 

ਭੇਦਭਰੇ ਹਲਾਤਾਂ ਵਿਚ ਖੇਤਾਂ ਚੋਂ ਨੌਜਵਾਨ ਦੀ ਮਿਲੀ ਲਾਸ਼ 

21 ਸਤੰਬਰ : ਪਿੰਡ ਬੈਂਚਾਂ ਵਾਸੀ ਨੌਜਵਾਨ ਦੀ ਲਾਸ਼ ਅੱਜ ਸੇਵੇਰੇ ਪਿੰਡ ਨਜ਼ਦੀਕ ਗੰਨੇ ਦੇ ਖੇਤ ਵਿੱਚੋਂ ਮਿਲੀ | ਭੇਦਭਰੇ ਹਲਾਤਾਂ ਵਿਚ ਮੌਤ ਦਾ ਸ਼ਿਕਾਰ ਹੋਏ ਨੌਜਵਾਨ ਦੀ ਪਛਾਣ ਦਲਜੀਤ ਸਿੰਘ ਪੁੱਤਰ ਜਰਨੈਲ ਸਿੰਘ ਦੇ ਰੂਪ ਵਿਚ ਹੋਈ ਹੈ | ਟਾਂਡਾ ਪੁਲਸ ਨੇ ਮ੍ਰਿਤਿਕ ਨੌਜਵਾਨ ਦੇ ਪਿਤਾ ਦੇ ਬਿਆਨ ਦੇ ਅਧਾਰ ਤੇ 174 ਸੀ.ਆਰ.ਪੀ.ਸੀ. ਤਹਿਤ ਕਾਰਵਾਈ ਕੀਤੀ ਹੈ|ਆਪਣੇ ਬਿਆਨ ਵਿਚ ਜਰਨੈਲ ਸਿੰਘ ਨੇ ਦੱਸਿਆ ਕਿ ਉਸਦਾ ਪੁੱਤਰ ਬੀਤੀ ਸਵੇਰ ਆਪਣੇ ਬੱਚਿਆਂ ਨੂੰ ਲੈਣ ਆਪਣੇ ਸਹੁਰਿਆਂ ਦੇ ਐਕਟਿਵਾ ਤੇ ਗਿਆ ਸੀ | ਰਾਤ ਤੱਕ ਵਾਪਸ ਨਾ ਆਉਣ ਤੇ ਉਨ੍ਹਾਂ ਉਸਦੀ ਭਾਲ ਕੀਤੀ |

ਅੱਜ ਸਵੇਰੇ ਸੂਚਨਾ ਮਿਲਣ ਤੇ ਜਦੋ ਉਨ੍ਹਾਂ ਪਿੰਡ ਤੋਂ ਕਲੋਆ ਜਾਂਦੇ ਕੱਚੇ ਰਾਹ ਤੇ ਗੰਨੇ ਦੇ ਖੇਤ ਵਿਚ ਜਾ ਕੇ ਵੇਖਿਆ ਗਿਆ ਤਾਂ ਦਲਜੀਤ ਸਿੰਘ ਮੂਧੇ ਮੂਹ ਡਿੱਗਿਆ ਹੋਇਆ ਸੀ ਉਸਦੇ ਕੰਨਾਂ ਅਤੇ ਮੂੰਹ ਵਿੱਚੋਂ ਖੂਨ ਨਿਕਲਿਆ ਹੋਇਆ ਸੀ ਅਤੇ ਉਸਦੀ ਮੌਤ ਹੋ ਚੁੱਕੀ ਸੀ|ਮੌਤ ਦਾ ਸ਼ਿਕਾਰ ਨੌਜਵਾਨ ਟੈਕਸੀ ਚਾਲਕ ਸੀ |

ਫੋਟੋ : ਦਲਜੀਤ ਸਿੰਘ ਦੀ ਫਾਈਲ ਫੋਟੋ