ਗੜਦੀਵਾਲਾ (ਚੌਧਰੀ) 

21 ਫਰਵਰੀ – ਪਰਮਪਿਤਾ ਗਿਆਨ ਦਾਤਾ ਸ਼ਿਵ ਭਗਵਾਨ ਦਾ ਮਹਾਸ਼ਿਵਰਾਤਰੀ ਉਤਸਵ ਪ੍ਰਜਾਪਤੀ ਬ੍ਰਹਮਕੁਮਾਰੀ ਇਸ਼ਵਰ ਵਿਸ਼ਵ ਵਿਦਿਆਲਿਆ ਜੈਨ ਕਲੋਨੀ ਗੜ੍ਹਦੀਵਾਲਾ ਆਸ਼ਰਮ ਵਿੱਚ ਬੜੀ ਧੂਮ ਧਾਮ ਨਾਲ ਮਨਾਇਆ ਗਿਆ। ਜਿਸਦਾ ਅਰੰਭ ਸ਼ਿਵ ਭਗਵਾਨ ਦਾ ਝੰਡਾ ਚਾੜ੍ਹ ਕੇ ਕੀਤਾ ਗਿਆ। ਇਸ ਮੌਕੇ ਬੱਚਿਆਂ ਵੱਲੋਂ ਧਾਰਮਿਕ ਅਤੇ ਸੱਭਿਆਚਾਰ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਦੇ ਪਿਤਾ ਮਹਿੰਦਰ ਸਿੰਘ, ਆਮ ਆਦਮੀ ਪਾਰਟੀ ਯੂਥ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਚੌਧਰੀ ਰਾਜਵਿੰਦਰ ਸਿੰਘ ਰਾਜਾ, ਪੀ. ਏ. ਅਤਵਾਰ ਸਿੰਘ ਪੱਲ੍ਹਾ ਚੱਕ ਆਪ ਨੇਤਾ ਵਿਵੇਕ ਗੁਪਤਾ ਆਦਿ ਸ਼ਾਮਿਲ ਹੋਏ। ਇਸ ਮੌਕੇ ਤੇ ਗੜ੍ਹਦੀਵਾਲਾ ਸੈਂਟਰ ਦੀ ਰਾਜਯੋਗਨੀ ਬ੍ਰਹਮਕੁਮਾਰੀ ਜਸਕੀਰਤ ਕੌਰ ਅਤੇ ਦਸੂਹਾ ਸੈਂਟਰ ਦੀ ਇੰਚਾਰਜ ਰਾਜਜੋਗਨੀ ਬ੍ਰਹਮਕੁਮਾਰੀ ਸੁਮਨ ਨੇ ਆਏ ਹੋਏ ਮਹਿਮਾਨਾਂ ਦਾ ਸਵਾਗਤ ਕਰਕੇ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ।ਇਸ ਮੌਕੇ ਤੇ ਪਰਮਪਿਤਾ ਦੇ ਅਵਤਾਰ ਦਿਵਸ ਸ਼ਿਵਰਾਤਰੀ ਦੇ ਉਤਸਵ ਮੌਕੇ ਵਿੱਚ ਕੇਕ ਕੱਟਿਆ ਗਿਆ। ਇਸ ਮੌਕੇ ਭਗਤਾ ਨੂੰ ਸ਼ਿਵਰਾਤਰੀ ਦਾ ਅਧਿਆਤਮਿਕ ਅਰਥ ਸਪੱਸ਼ਟ ਕਰਦੇ ਹੋਏ ਜਸਕੀਰਤ ਨੇ ਕਿਹਾ ਕਿ ਨਿਰੰਕਾਰ ਪਰਮਪਿਤਾ ਸ਼ਿਵ ਪਰਮਾਤਮਾ ਗੀਤਾ ਗਿਆਨ ਦੇਣ ਲਈ ਧਰਤੀ ਤੇ ਆ ਚੁੱਕੇ ਹਨ। ਉਹ ਸਾਨੂੰ ਮਨੁੱਖ ਤੋਂ ਦੇਵਤਾ ਬਨਾਉਣ ਅਤੇ ਸਾਰੇ ਦੁੱਖਾਂ ਤੋਂ ਛੁਟਕਾਰਾ ਦਿਵਾਉਣ ਤੇ ਸੱਚਾ ਗੀਤਾ ਗਿਆਨ ਦੇਣ ਲਈ ਆਏ ਹਨ। ਉਨ੍ਹਾਂ ਕਿਹਾ ਕਿ ਸਾਨੂੰ ਸਭ ਨੂੰ ਇਸ ਸੱਚੇ ਗਿਆਨ ਨਾਲ ਆਪਣੀ ਆਤਮਾ ਨੂੰ ਅਗਿਆਨਤਾ ਦੇ ਹਨੇਰੇ ਵਿਚੋਂ ਕੱਢ ਕੇ ਗਿਆਨ ਦੀ ਰੌਸ਼ਨੀ ਵਲ ਲੈ ਕੇ ਜਾਣਾ ਚਾਹੀਦਾ ਹੈ। ਸ਼ਿਵਰਾਤਰੀ ਉਤਸਵ ਗੜ੍ਹਦੀਵਾਲਾ ਨਿਵਾਸੀਆਂ ਦੇ ਸਹਿਯੋਗ ਤੇ ਗੜ੍ਹਦੀਵਾਲਾ ਸੈਂਟਰ ਸੰਬਾਲੀਕਾ ਬੀ ਕੇ ਜਸਕੀਰਤ ਕੌਰ ਦੀ ਦੇਖ ਰੇਖ ਵਿੱਚ ਸਮਾਪਤ ਹੋਇਆ। ਪ੍ਰੋਗਰਾਮ ਤੋਂ ਬਾਅਦ ਪਰਮਪਿਤਾ ਪਰਮਾਤਮਾ ਦਾ ਅਟੁੱਟ ਲੰਗਰ ਸਮੂਹ ਸ਼ਰਧਾਲੂਆਂ ਨੂੰ ਵਰਤਾਇਆ ਗਿਆ।ਪ੍ਰੋਗਰਾਮ ਵਿੱਚ ਬੀ.ਕੇ. ਸੁਰਜੀਤ, ਨੀਲਾਮ, ਰਜਨੀ, ਮਨਦੀਪ, ਸੁਮਨ, ਸੁਨੀਤਾ, ਰੀਆ, ਅੰਜੂ, ਆਸ਼ਾ, ਸੰਗੀਤਾ, ਬੀਨੂ, ਬਸੰਤੀ, ਰੇਖਾ, ਅਨੀਤਾ, ਚਨਦੀਪ, ਸੁਰਪ੍ਰੀਤ, ਕੁਲਵਿੰਦਰ ਅਤੇ ਸ਼੍ਰੀ ਬੇ.ਕੇ.ਅਮਰਜੀਤ ਨਾਂਗਲੂ, ਸੁਖਵਿੰਦਰ ਸਿੰਘ, ਵਰਿੰਦਰ ਗੁਪਤਾ ਇੱਟਾਂ ਵਾਲੇ ਆਦਿ ਸ਼ਾਮਿਲ ਹੋਏ।