ਗੜ੍ਹਦੀਵਾਲਾ (ਚੌਧਰੀ) 18 ਨਵੰਬਰ

: ਟਾਂਡਾ ਤੋਂ ਧੂਤਕਲਾਂ ਨੂੰ ਜਾਂਦੀ 14 ਕਿਲੋਮੀਟਰ ਲਿੰਕ ਸੜਕ ਜੋ ਕਿ ਕਾਮਰੇਡ ਚਨਣ ਸਿੰਘ ਧੂਤ ਮਾਰਗ ਨਾਲ ਜਾਣੀ ਜਾਂਦੀ ਹੈ। ਇਹ ਪਿੰਡ ਧੂਤਕਲਾਂ ਇੱਕ ਇਤਿਹਾਸਿਕ ਪਿੰਡ ਹੈ। ਜਿਸ ਪਿੰਡ ਦੇ ਲੋਕਾਂ ਨੇ ਆਜ਼ਾਦੀ ਸੰਗ੍ਰਾਮ ਮੌਕੇ ਭਾਰੀ ਗਿਣਤੀ ਵਿੱਚ ਯੋਧਿਆਂ ਨੇ ਹਿੱਸਾ ਲਿਆ। 75 ਤੋਂ ਵੱਧ ਇਸ ਪਿੰਡ ਦੇ ਯੋਧਿਆਂ ਨੇ ਇਸ ਆਜ਼ਾਦੀ ਸੰਗ੍ਰਾਮ ਵਿੱਚ ਤਰਾਂ ਤਰਾਂ ਦੇ ਤਸੀਹੇ ਝੱਲੇ ਪਰ ਇਹ ਸੜਕ ਬਾਰੇ ਕੋਈ ਧਿਆਨ ਨਹੀਂ ਦੇ ਰਿਹਾ।ਇਸ ਸੜਕ ਦੀ ਹਾਲਤ ਕਾਫੀ ਖਸਤਾ ਬਣੀ ਹੋਈ ਹੈ।ਜਿਸ ਦੇ ਚਲਦਿਆਂ ਇਲਾਕੇ ਦੇ ਲੋਕ ਡਾਢੇ ਪ੍ਰੇਸ਼ਾਨ ਹਨ। ਵਿਧਾਨ ਸਭਾ ਦੀਆਂ ਵੋਟਾਂ ਵੇਲੇ ਇਹ ਸੜਕ ਤੇ ਪੈਚ ਲਾਏ ਸਨ ਪਰ ਕੁਝ ਉਹ ਕੁਝ ਦਿਨ ਹੀ ਟਿਕੇ। ਹੁਣ ਇਸ ਸੜਕ ਤੋਂ ਜਾਣ ਤੋਂ ਹਰੇਕ ਗੱਡੀ ਵਾਲਾ ਗਰੇਜ ਕਰਦਾ ਹੈ। ਇਸ ਸੜਕ ਰਾਹੀਂ 40 ਪਿੰਡਾਂ ਦਾ ਗੰਨਾ ਸ਼ੂਗਰ ਮਿਲਣ ਨੂੰ ਜਾਂਦਾ ਹੈ। ਇਸ ਸੜਕ ਤੇ ਪੁਲੀਆਂ ਨਹੀਂ ਹਨ ਤੇ ਕਾਜਵੇ ਬਣੇ ਹੋਏ ਹਨ ਜੋ ਕਿ ਬਰਸਾਤ ਦੇ ਪਾਣੀ ਵਿੱਚ ਭਰ ਜਾਂਦੇ ਹਨ ਤੇ ਆਵਾਜਾਹੀ ਬਿਲਕੁਲ ਹੀ ਠੱਪ ਹੋ ਜਾਂਦੀ ਹੈ। ਅੰਮ੍ਰਿਤਸਰ ਏਅਰਪੋਰਟ ਨੂੰ ਜਾਣ ਵਾਲੇ ਵੀ ਇਸੇ ਰੋਡ ਦਾ ਇਸਤੇਮਾਲ ਕਰਦੇ ਹਨ ਪਰ ਸੜਕ ਦੀ ਹਾਲਤ ਖਸਤਾ ਹੋਣ ਕਰਕੇ ਲੁੱਟਾਂ ਖੋਹਾਂ ਦੀ ਵਾਰਦਾਤਾਂ ਇਸ ਰੋਡ ਤੇ ਆਮ ਦੇਖਣ ਨੂੰ ਮਿਲਦੀਆਂ ਹਨ । ਇਸ ਰੋਡ ਬਾਰੇ ਬੋਲਦਿਆਂ ਕਾਮਰੇਡ ਹਰਬੰਸ ਸਿੰਘ, ਰਣਜੀਤ ਸਿੰਘ ਚੌਹਾਨ, ਪੰਕਜ ਕੁਮਾਰ ਅਤੇ ਹਰਵਿੰਦਰ ਸਿੰਘ ਬੱਲੂ ਹੋਰਾਂ ਨੇ ਕਿਹਾ ਕਿ ਸਰਕਾਰਾਂ ਨੇ ਜੇਕਰ ਇਸ ਸੜਕ ਵੱਲ ਧਿਆਨ ਨਾ ਦਿੱਤਾ ਤਾਂ ਲੋਕ ਸੰਘਰਸ਼ ਕਰਕੇ ਸੜਕਾਂ ਤੇ ਉਤਰ ਆਉਣਗੇ।