ਗੜ੍ਹਦੀਵਾਲਾ 9 ਨਵੰਬਰ (ਪ੍ਰਾਈਮ ਪੰਜਾਬ ਟਾਈਮਜ਼) 

:  ਪ੍ਰਧਾਨ ਮੰਤਰੀ ਗ੍ਰਾਮ ਸੜਕ ਯੋਜਨਾ ਤਹਿਤ ਟਾਂਡਾ ਤੋਂ ਢੋਲਵਾਹਾ ਸੜਕ ਦੇ ਅਪਗਰੇਡਿੰਗ ਦਾ ਕੰਮ, ਲੰਬਾਈ 22.85 ਕਿਲੋ ਮੀਟਰ,ਜਿਸਦਾ ਉਦਘਾਟਨ 26 ਨਵੰਬਰ 2004 ਨੂੰ ਐਮਪੀ ਰਾਜਕੁਮਾਰ,ਸਹਿਕਾਰਤਾ ਮੰਤਰੀ ਡਾਕਟਰ ਰਵਜੋਤ ਸਿੰਘ ਤੇ ਵਿਧਾਇਕ ਟਾਂਡਾ ਜਸਬੀਰ ਸਿੰਘ ਰਾਜਾ ਵਲੋਂ ਕੀਤਾ ਗਿਆ ਸੀ। ਇਸ ਕੰਮ ਦੇ ਬਹੁਤ ਹੀ ਧੀਮੀ ਸਪੀਡ ਨਾਲ ਚੱਲਣ ਤੇ ਲੋਕਾਂ ਦੀ ਪਰੇਸ਼ਾਨੀ ਦਾ ਸਬੱਬ ਬਣਿਆ ਹੋਇਆ ਹੈ। ਅਜੇ ਤੱਕ ਸੜਕ ਤੇ ਬਣੀਆਂ ਪੁਲੀਆਂ ਦੁਆਲੇ ਸੜਕ ਤਾਂ ਕੀ ਬਣਨੀ ਸੀ ਅਜੇ ਤੱਕ ਪੁਲੀਆਂ ਦੁਆਲੇ ਮਿੱਟੀ ਨਹੀਂ ਪਈ। ਸਥਾਨਕ ਲੋਕਾਂ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਇਹ ਪੰਜਾਬ ਦੇ ਵਿਕਾਸ ਦੀ ਮੂੰਹ ਬੋਲਦੀ ਤਸਵੀਰ ਹੈ ?

ਜਦੋਂ ਪ੍ਰੈਸ ਵਾਲਿਆਂ ਨੇ ਪੀ ਡਬਲਿਊ ਡੀ ਅਧਿਕਾਰੀਆਂ ਨਾਲ ਇਹ ਸੜਕ ਦੀ ਧੀਮੀ ਰਿਪੇਅਰ ਬਾਰੇ ਗੱਲ ਕਰਨੀ ਚਾਹੀ ਤਾਂ ਉਹਨਾਂ ਨੇ ਫੋਨ ਚੁੱਕਣਾ ਮੁਨਾਸਬ ਨਹੀਂ ਸਮਝਿਆ ।ਲੋਕਾਂ ਦੀ ਮੰਗ ਹੈ ਕਿ ਸੜਕ ਦੀ ਰਿਪੇਅਰ ਦਾ ਕੰਮ ਜਲਦ ਤੋਂ ਜਲਦ ਪੂਰਾ ਕੀਤਾ ਜਾਵੇ ਤਾਂ ਕਿ ਵਾਹਨ ਚਾਲਕ ਸਹੀ ਆਵਾਜਾਈ ਦੀ ਸਹੂਲਤ ਮਾਣ ਸਕਣ।