ਗੜ੍ਹਦੀਵਾਲਾ (ਚੌਧਰੀ)

30 ਜੁਲਾਈ – 6 ਵੀੰ ਨੈਸ਼ਨਲ ਤਾਈਕਵਾਡੋਂ ਚੈਂਪੀਅਨਸ਼ਿਪ 2023 ਕੇ. ਡੀ. ਸਟੇਡੀਅਮ ਲਖਨਊ ਵਿਖੇ 28 ਜੁਲਾਈ ਤੋਂ 30 ਜੁਲਾਈ ਤੱਕ ਕਰਵਾਈ ਗਈ। ਜਿਸ ਵਿੱਚ ਕ੍ਰਿਸ਼ਨਾ ਤਾਈਕਵਾਡੋਂ ਗੜ੍ਹਦੀਵਾਲਾ ਦੀ ਟੀਮ ਨੇ ਪੰਜਾਬ ਸੂਬੇ ਵਜੋਂ ਅਗਵਾਈ ਕੀਤੀ ਗਈ। ਇਸ ਵਿੱਚ ਸਪੋਰਟਸ ਅਥਾਰਟੀ ਆਫ਼ ਇੰਡੀਆ ਵੱਲੋਂ ਜਸਲੀਨ ਦੀ ਵਧੀਆ ਕਾਰਗੁਜ਼ਾਰੀ ਲਈ ਉਸਨੂੰ ਸਾਈ ਕੇਰਲਾ ਵਲੋਂ ਚੋਣ ਕੀਤੀ ਗਈ। ਜਸਲੀਨ ਹੁਣ ਅਗਲੇ ਲੈਵਲ ਦੀ ਟ੍ਰੇਨਿੰਗ ਲਈ ਇੰਡੀਆ ਨੂੰ ਨੈਸ਼ਨਲ ਤੇ ਇੰਟਰਨੈਸ਼ਨਲ ਲੈਵਲ ਤੇ ਅਗਵਾਈ ਕਰੇਗੀ ਜੋਂ ਕਿ ਪੰਜਾਬ ਤਾਈਕਵਾਡੋਂ ਐਸੋਸੀਏਸ਼ਨ ਲਈ ਬਹੁਤ ਹੀ ਮਾਣ ਦੀ ਗੱਲ ਹੈ। ਇਸ ਉਪਲਬਧੀ ਲਈ ਜਸਲੀਨ ਦੇ ਕੋਚ ਵਿਸ਼ਾਲ ਸ਼ਰਮਾ ਨੇ ਕਿਹਾ ਕਿ ਜਸਲੀਨ ਦੀ ਚੋਣ ਹੋਣਾ ਕ੍ਰਿਸ਼ਨਾ ਤਾਈਕਵਾਡੋਂ ਗੜ੍ਹਦੀਵਾਲਾ ਦੀ ਬਹੁਤ ਵੱਡੀ ਜਿੱਤ ਹੈ। ਉਨ੍ਹਾਂ ਕਿਹਾ ਕਿ ਇਸ ਚੋਣ ਨਾਲ ਜਸਲੀਨ ਇੰਟਰਨੈਸ਼ਨਲ ਲੈਵਲ ਤੇ ਅਪਣੇ ਜੌਹਰ ਦਿਖਾ ਕੇ ਦੇਸ਼ ਦਾ ਨਾਂ ਰੌਸ਼ਨ ਕਰ ਸਕਦੀ ਹੈ। ਇਸ ਮੌਕੇ ਡਾਕਟਰ ਨਿਰਮਲ ਸਿੰਘ ਨੇ ਜਸਲੀਨ ਦੀ ਇਸ ਉਪਲੱਬਧੀ ਦਾ ਸੇਹਰਾ ਕੋਚ ਵਿਸ਼ਾਲ ਸ਼ਰਮਾ ਦੀ ਸਖਤ ਮਿਹਨਤ ਨੂੰ ਦਿੱਤਾ।ਇਸ ਮੌਕੇ ਕੋਚ ਵਿਸ਼ਾਲ ਸ਼ਰਮਾ, ਡਾ. ਨਿਰਮਲ ਸਿੰਘ, ਮੈਡਮ ਕੰਨੋਂ ਬਾਲਾ, ਸ਼ਿਵ ਕੁਮਾਰ, ਹਰਮੀਤ, ਸ਼ਿਵ ਪ੍ਰਕਾਸ਼ ਸ਼ੁਕਲਾ, ਡਾ. ਅਸਵਨੀ ਕੁਮਾਰ, ਦੇਵ ਕੋਹਲੀ, ਰਾਕੇਸ਼ ਕੁਮਾਰ, ਹਰਪ੍ਰੀਤ ਸਿੰਘ, ਕਰਨ ਕੁਮਾਰ ਹਾਜ਼ਰ ਸਨ।
ਫ਼ੋਟੋ ਕੈਪਸਨ : ਕੇਰਲਾ ਲਈ ਚੁਣੀ ਗਈ ਤਾਈਕਵਾਂਡੋ ਖਿਡਾਰਨ ਜਸਲੀਨ ਨਾਲ ਹਾਜ਼ਰ ਕੋਚ ਵਿਸ਼ਾਲ ਸ਼ਰਮਾ ਤੇ ਹੋਰ।