ਗੜ੍ਹਦੀਵਾਲਾ 19 ਨਵੰਬਰ (ਚੌਧਰੀ) 

: ਬੀਤੇ ਦਿਨੀਂ ਰਾਜ ਪੱਧਰੀ ਅਥਲੈਟਿਕ ਮੀਟ ਜੋ ਕਿ ਲੁਧਿਆਣਾ ਵਿਖੇ ਹੋਈ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਧੁੱਗਾ ਕਲਾਂ ਦੇ ਵਿਦਿਆਰਥੀਆਂ ਨੇ ਜ਼ਿਲਾ ਸਿੱਖਿਆ ਅਫਸਰ ਲਲਿਤਾ ਅਰੋੜਾ, ਉਪ ਜ਼ਿਲਾ ਸਿੱਖਿਆ ਅਫਸਰ ਧੀਰਜ ਵਸ਼ਿਸ਼ਟ ਅਤੇ ਜਿਲ੍ਹਾ ਸਪੋਰਟਸ ਕੋਆਰਡੀਨੇਟਰ ਜਗਜੀਤ ਸਿੰਘ ਦੀ ਅਗਵਾਈ ਹੇਠ ਇਸ ਮੀਟ ਵਿੱਚ ਭਾਗ ਲੈ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਪੰਜ ਮੈਡਲ ਪ੍ਰਾਪਤ ਕੀਤੇ। ਹਰਜੋਤ ਸਿੰਘ ਪੁੱਤਰ ਸ.ਪਰਮਜੀਤ ਸਿੰਘ ਨੇ 4×100 ਅਤੇ 4×400 ਮੀਟਰ ਵਿੱਚੋਂ ਦੋ ਸੋਨ ਤਗਮੇ ,400 ਮੀਟਰ ਵਿੱਚੋਂ ਸਿਲਵਰ ਅਤੇ 200 ਮੀਟਰ ਵਿੱਚੋਂ ਬਰਾਊਂਜ ਮੈਡਲ ਪ੍ਰਾਪਤ ਕੀਤਾ। ਅਲੋਕ ਕੁਮਾਰ ਪੁੱਤਰ ਲਲਨ ਰਾਏ ਨੇ 4×400 ਮੀਟਰ ਵਿੱਚੋਂ ਸੋਨੇ ਦਾ ਮੈਡਲ ਪ੍ਰਾਪਤ ਕੀਤਾ। ਹੈਮਰ ਥਰੋ ਵਿੱਚ ਗਗਨਦੀਪ ਸਿੰਘ, ਇੰਦਰਜੀਤ ਸਿੰਘ ਅਤੇ ਜਸਪ੍ਰੀਤ ਸਿੰਘ ਨੇ ਭਾਗ ਲਿਆ। ਇਹਨਾਂ ਬੱਚਿਆਂ ਨੂੰ ਪ੍ਰਿੰਸੀਪਲ ਜੀਵਨ ਕੁਮਾਰੀ, ਪਿੰਡ ਧੁੱਗਾ ਕਲਾਂ ਦੇ ਸਰਪੰਚ,ਪੰਚਾਇਤ ਮੈਂਬਰ, ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਮੈਂਬਰ ਅਤੇ ਸਮੂਹ ਸਟਾਫ ਵੱਲੋਂ 5100 ਰੁਪਏ ਦੀ ਰਾਸ਼ੀ ਨਾਲ ਸਨਮਾਨਿਤ ਕੀਤਾ । ਇਸ ਮੌਕੇ ਅੰਮ੍ਰਿਤਪਾਲ ਸਿੰਘ ਲੈਕਚਰਾਰ ਫਿਜਿਕਸ,ਜਸਵਿੰਦਰ ਸਿੰਘ ਲੈਕਚਰਾਰ ਪੰਜਾਬੀ, ਸੁਖਵਿੰਦਰ ਕੌਰ ਲੈਕਚਰਾਰ ਬਾਇਓ, ਜਗਜੀਤ ਸਿੰਘ ਲੈਕਚਰਾਰ ਮੈਥ ਕੁਲਵਿੰਦਰ ਕੌਰ ਲੈਕਚਰਾਰ ਫਿਜੀਕਲ ਐਜੂਕੇਸ਼ਨ,ਹਰਵਿੰਦਰ ਕੌਰ ਲੈਕਚਰਾਰ ਕਮਿਸਟਰੀ,ਸੋਹਣ ਲਾਲ ਵੋਕੇਸ਼ਨਲ ਮਾਸਟਰ, ਯੁਧਵੀਰ ਸਿੰਘ ਵਕੇਸ਼ਨਲ ਮਾਸਟਰ, ਜਸਵਿੰਦਰ ਸਿੰਘ ਡੀ.ਪੀ.ਈ, ਰਜਵੰਤ ਕੌਰ ਐਸ.ਐਸ. ਮਿਸਟਰੈਸ, ਬਲਜੀਤ ਕੌਰ ਸਾਇੰਸ ਮਿਸਟਰੈਸ, ਗਗਨਦੀਪ, ਰਵਿੰਦਰ ਸਿੰਘ, ਕ੍ਰਿਸ਼ਨਾ ਦੇਵੀ ਪੰਜਾਬੀ ਮਿਸਟ੍ਰੈਸ ਅਤੇ  ਪੂਨਮ ਸ਼ਰਮਾ ਹਿੰਦੀ ਮਿਸਟ੍ਰੈਸ ਹਾਜ਼ਰ ਸਨ।