ਟਾਂਡਾ / ਗੜ੍ਹਦੀਵਾਲਾ 23 ਦਸੰਬਰ (ਚੌਧਰੀ)
: ਦੁਕਾਨਾਂ ਦੇ ਸ਼ਟਰ ਤੋੜਨ ਵਾਲੇ ਗਰੋਹ ਦਾ ਟਾਂਡਾ ਪੁਲਸ ਨੇ ਪਰਦਾਫਾਸ਼ ਕਰਦਿਆਂ 2 ਮੁਲਜ਼ਮਾਂ ਨੂੰ ਕਾਬੂ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਜੋਬਨਜੋਤ ਸਿੰਘ ਪੁੱਤਰ ਮਲੂਕ ਸਿੰਘ ਵਾਸੀ ਡੱਲਾ ਥਾਣਾ ਕਾਦੀਆਂ ਜਿਲਾ ਗੁਰਦਾਸਪੁਰ ਤੇ ਅਰਸ਼ਦੀਪ ਸਿੰਘ ਪੱਤਰ ਭੁਪਿੰਦਰ ਸਿੰਘ ਵਾਸੀ ਵੱਡੀ ਪੱਤੀ ਡੱਲਾ ਥਾਣਾ ਕਾਦੀਆਂ ਜਿਲਾ ਗੁਰਦਾਸਪੁਰ ਵਜੋਂ ਹੋਈ ਹੈ।
ਮਾਨਯੋਗ ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਸੁਰੇਂਦਰ ਲਾਂਬਾ ਆਈ ਪੀ ਐਸ ਨੇ ਦੱਸਿਆ ਕਿ ਜਿਲੇ ਅੰਦਰ ਚੋਰੀਆਂ ਕਰਨ ਵਾਲੇ ਦੋਸ਼ੀਆਨ ਨੂੰ ਕਾਬੂ ਕਰਨ ਲਈ ਵਿਸ਼ੇਸ਼ ਮੁਹਿੰਮ ਚਲਾਈ ਹੋਈ ਸੀ। ਜਿਸ ਤਹਿ ਸਰਬਜੀਤ ਸਿੰਘ ਬਾਹੀਆ ਐਸ ਪੀ (INV) ਹੁਸ਼ਿਆਰਪੁਰ, ਕੁਲਵੰਤ ਸਿੰਘ ਡੀ.ਐਸ.ਪੀ ਸਬ ਡਵੀਜਨ ਟਾਂਡਾ ਅਤੇ ਇੰਸਪੈਕਟਰ ਉਕਾਂਰ ਸਿੰਘ ਬਰਾੜ ਮੁੱਖ ਅਫਸਰ ਥਾਣਾ ਟਾਂਡਾ ਦੀ ਅਗਵਾਈ ਵਿਚ ਥਾਣਾ ਟਾਂਡਾ ਦੇ ਅਧੀਨ ਆਉਂਦੇ ਏਰੀਆ ਵਿਚ ਚੋਰੀਆਂ ਕਰਨ ਵਾਲੇ ਦੋਸ਼ੀਆਨ ਨੂੰ ਗ੍ਰਿਫਤਾਰ ਕਰਨ ਲਈ ਸੋਰਸ ਲਗਾ ਕੇ, ਉਪਰਾਲੇ ਕੀਤੇ ਜਾ ਰਹੇ ਸਨ। ਜਿਸ ਦੌਰਾਨ ਥਾਣਾ ਟਾਂਡਾ ਪੁਲਿਸ ਨੂੰ ਉਸ ਸਮੇਂ ਵੱਡੀ ਸਫਲਤਾ ਹਾਸਲ ਹੋਈ ਜਦੋਂ ਟਾਂਡਾ ਪੁਲਿਸ ਵੱਲੋਂ ਸ਼ੱਕ ਦੀ ਬਿਨ੍ਹਾਂ ਤੇ ਜੋਬਨਜੋਤ ਸਿੰਘ ਪੁੱਤਰ ਮਲੂਕ ਸਿੰਘ ਵਾਸੀ ਡੱਲਾ ਥਾਣਾ ਕਾਦੀਆਂ ਜਿਲਾ ਗੁਰਦਾਸਪੁਰ ਨੂੰ ਕਾਬੂ ਕਰਕੇ ਸਖਤੀ ਨਾਲ ਪੁੱਛ ਗਿੱਛ ਕੀਤੀ ਤਾਂ ਦੋਸ਼ੀ ਉੱਕਤ ਨੇ ਮੰਨਿਆ ਕਿ ਉਸ ਵੱਲੋਂ ਆਪਣੇ ਸਾਥੀ ਅਰਸ਼ਦੀਪ ਸਿੰਘ ਪੱਤਰ ਭੁਪਿੰਦਰ ਸਿੰਘ ਵਾਸੀ ਵੱਡੀ ਪੱਤੀ ਡੱਲਾ ਥਾਣਾ ਕਾਦੀਆ ਜਿਲਾ ਗੁਰਦਾਸਪੁਰ ਨਾਲ ਮਿਲ ਕੇ ਮਿਤੀ 13/14-11-23 ਦੀ ਦਰਮਿਆਨੀ ਰਾਤ ਨੂੰ ਨਜਦੀਕ ਦਾਰਾਪੁਰ ਦੋ ਮੈਡੀਕਲ ਸਟੋਰਾਂ ਦੇ ਸ਼ਟਰ ਤੋੜ ਕੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ। ਜਿਸ ਸਬੰਧੀ ਮੁਕੱਦਮਾ ਨੰਬਰ 379 ਮਿਤੀ 14-11-23 ਅ/ਧ 457,380 IPC ਥਾਣਾ ਟਾਂਡਾ ਤੇ ਇਸੇ ਤਰਾਂ ਮਿਤੀ 25/26-11-23 ਦੀ ਦਰਮਿਆਨੀ ਰਾਤ ਨੂੰ ਜਾਜਾ ਰੋਡ, ਗੁਰੂ ਨਾਨਕ ਕਲੋਨੀ ਸਾਹਮਣੇ ਮੰਨੂ ਫੋਰੈਕਸ ਦੀ ਦੁਕਾਨ ਅਤੇ ਕਮਲ ਡੈਂਟਲ X ਲੈਬ ਦਾ ਸ਼ਟਰ ਤੋੜ ਕੇ ਚੋਰੀ ਕੀਤੀ ਗਈ ਸੀ। ਦੋਸ਼ੀ ਉਕੱਤ ਵੱਲੋਂ ਟਾਂਡਾ ਏਰੀਆਂ ਵਿੱਚ ਚੋਰੀ ਦੀਆਂ 05 ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਗਿਆ ਸੀ। ਜਿਸ ਸਬੰਧੀ ਉੱਕਤ ਦੋਨਾਂ ਦੋਸ਼ੀਆਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਜੋ ਇਹ ਦੋਸ਼ੀ ਦਿਨ ਸਮੇਂ ਦੁਕਾਨਾਂ ਦੀ ਤਾੜ ਕਰਕੇ ਰਾਤ ਸਮੇਂ ਉਹਨਾਂ ਦੁਕਾਨਾਂ ਦੇ ਰਾਡ ਨਾਲ ਸ਼ਟਰ ਤੋੜ ਕੇ ਉਹਨਾ ਵਿਚੋਂ ਚੋਰੀ ਕਰਦੇ ਹਨ। ਇਹਨਾਂ ਦੋਸ਼ੀਆਂ ਨੂੰ ਪੇਸ਼ ਅਦਾਲਤ ਕਰਕੇ ਰਿਮਾਂਡ ਹਾਸਲ ਕਰਕੇ ਹੋਰ ਵੀ ਸਖਤੀ ਨਾਲ ਪੁੱਛਗਿਛ ਕੀਤੀ ਜਾਵੇਗੀ। ਇਹਨਾ ਦੋਸ਼ੀਆਨ ਦਾ ਅਪਰਾਧਿਕ ਪਿਛੋਕੜ ਹੇਠ ਲਿਖੇ ਅਨੁਸਾਰ ਹੈ। ਦੋਸ਼ੀ ਜੋਬਨਜੋਤ ਸਿੰਘ ਤੇ ਪਹਿਲਾ 03 ਮੁਕੱਦਮੇਂ ਅਤੇ ਦੇਸ਼ੀ ਅਰਸ਼ਦੀਪ ਸਿੰਘ ਤੇ ਪਹਿਲਾ 06 ਮੁਕੱਦਮੇਂ ਦਰਜ ਹਨ।
ਨਵੇ ਟਰੇਸ ਮੁਕੱਦਮੇ :-
1. ਮੁਕੱਦਮਾ ਨੰਬਰ 379 ਮਿਤੀ 14-11-23 ਅ/ਧ 457,380 IPC ਥਾਣਾ ਟਾਂਡਾ ਜਿਲਾ ਹੁਸਿਆਰਪੁਰ।
2. ਮੁਕੱਦਮਾ ਨੰਬਰ 394 ਮਿਤੀ 26-11-23 ਅ:ਧ 457,380, 34 ਭ:ਦ ਥਾਣਾ ਟਾਂਡਾ ਜਿਲਾ ਹੁਸਿਆਰਪੁਰ।
