ਗੜ੍ਹਦੀਵਾਲਾ 13 ਜੁਲਾਈ (ਚੌਧਰੀ) 

: ਸਿੱਖਿਆ ਵਿਭਾਗ ਪੰਜਾਬ ਦੀ ਪਹਿਲ ਕਦਮੀ ਅਨੁਸਾਰ , ਮਹਾਂਤਮਾ ਗਾਂਧੀ ਸਟੇਟ ਇੰਸਟੀਟਿਊਟ ਆਫ ਪਬਲਿਕ ਐਡਮਿਨਿਸਟ੍ਰੇਸ਼ਨ ਅਤੇ ਨੈਸ਼ਨਲ ਇੰਸਟੀਚਿਊਟ ਆਫ਼ ਡਿਜ਼ਾਸਟਰ ਮੈਨੇਜਮੈਂਟ, ਭਾਰਤ ਸਰਕਾਰ ਦੇ ਸਾਂਝੇ ਉਪਰਾਲੇ ਅਧੀਨ ਚੰਡੀਗੜ੍ਹ ਵਿਖੇ ਸਕੂਲ ਸੁਰੱਖਿਆ ਯੋਜਨਾ ਅਤੇ ਸੁਰੱਖਿਆ ਆਡਿਟਿੰਗ ਸੰਬਧੀ ਤਿੰਨ ਰੋਜ਼ਾ ਰਿਹਾਇਸ਼ੀ ਸਿਖ਼ਲਾਈ ਕਰਵਾਈ ਗਈ | ਜਿਸ ਵਿੱਚ ਡਾ ਗੁਰਿੰਦਰਜੀਤ ਕੌਰ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਹੁਸ਼ਿਆਰਪੁਰ ਅਤੇ ਧੀਰਜ ਵਸ਼ਿਸਟ ਉੱਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਹੁਸ਼ਿਆਰਪੁਰ ਦੀ ਰਹਿਨੁਮਾਈ ਹੇਠਾਂ ਜ਼ਿਲ੍ਹੇ ਦੇ ਤਿੰਨ ਅਧਿਆਪਕਾਂ ਨੂੰ ਭੇਜਿਆ ਗਿਆ । ਜਿਸ ਵਿੱਚ ਡਾ ਕੁਲਦੀਪ ਸਿੰਘ ਮਨਹਾਸ ਲੈਕਚਰਾਰ ਸਰੀਰਿਕ ਸਿੱਖਿਆ ਸ ਸ ਸ ਸ ਅੰਬਾਲਾ ਜੱਟਾਂ ਵੀ ਸ਼ਾਮਿਲ ਸਨ। ਇਸ ਟ੍ਰੇਨਿੰਗ ਦੇ ਅੰਤ ਵਿੱਚ ਵਧੀਆ ਕਾਰਗੁਜਾਰੀ ਕਰਨ ਲਈ ਅਤੇ ਇਕ ਲਘੂ ਨਾਟਕ ਦੇ ਮਾਧਿਅਮ ਰਾਹੀਂ ਆਪਦਾ ਸੰਬਧੀ ਸੰਦੇਸ਼ ਦੇਣ ਦੇ ਲਈ ਵਿਸੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ ।ਸਕੂਲ ਪੁੱਜਣ ਤੇ ਡਾ ਕੁਲਦੀਪ ਮਨਹਾਸ ਨੂੰ ਪ੍ਰਿੰਸੀਪਲ , ਸਕੂਲ ਸਟਾਫ ਅਤੇ ਵਿਦਿਆਰਥੀਆਂ ਵਲੋਂ ਨਿੱਘਾ ਸਵਾਗਤ ਕੀਤਾ ਗਿਆ ।